Mbsaka mghamha za la Israʼila
12
1 Wya tsa mghamha kwaraf la Israʼila ka zlaʼaghutá haɗika taŋ nda ta ɓla Yardeŋ nda təv safa fitik, daga ma zala Arnuŋ dikw dista ghwá Hermuŋ, nda inda vli ma Gharava nda təv safa fitik ya: 2 Taŋtaŋa ni, tsaya Sihuŋ mghama la Amuru ma Hesbuŋ. Tsatsi ta ga mgham sliʼafta ni ta Gharugher ta wa zala Arnuŋ, nda rita Gilghat, dikw da zala Yabuk ka makuma nda la Ghamuŋ, 3 nda Gharava dikw ta wa drəfa Kineret təv safa fitik, dikw da drəfa Gharava ta nzakway ka drəfa Slughul, nda Betʼhayesimut təv safa fitik, nda ya nda ma sud ka laghwi dista ghwá Pisga. 4 Tsa sana mgham ya guli ná, Ghug ya, tsatsi sani mataba pɗakwa mndəra la Rafa. Tsatsi si ta ga mgham ma Basaŋ, si ka nzatá tsi ma Ghastarut nda ya ma Idreghi. 5 Tsatsi ta ga mgham ta ghwá Hermuŋ, nda Salka, nda inda Basaŋ dikw ta mukuma nda la Gesur, nda ya nda la Maghaha. Tsatsi guli ta ga mgham ta ghəŋa rita kwakwara Gilghat dikw ta kuraghwa vla ga mghama Sihuŋ mghama Hesbuŋ. 6 Musa, kwalva Yawe, kawadaga nda la Israʼila ta kwaraftá həŋ. Ka vlaŋtá Musa, kwalva Yawe ta haɗika taŋ ka skwa za həga taŋ ta mndəra la Rubeŋ, nda la Gat, nda ya ŋa rita mndəra la Mənase.7 Wya mghamha ta tsa haɗik nda təv dɗakwa fitik ta nzata lu ta wa Yardeŋ kwaraf i Yəhusuwa nda la Israʼila ya. Klimbiŋ laghwa tsa haɗika taŋ ya, sliʼafta ni daga ma Baghalgat ma didiŋa Ləvanuŋ nda ma nur, dikw dista ghwá Halak ndusa nda Seghir. Ka vlaŋtá Yəhusuwa ta tsa kwakwarha ya ta la Israʼila ka skwa za həga taŋ, ka dagaftá tsi ta mndəra mndu ta mndəra mndu, inda mndu nda ŋa ni: 8 Haɗikha ta ghwá, nda ya ta kuɗuŋur, nda ya ma Gharava, nda ya ta vata ghwá, nda ya ma mtak, nda ya ma Negev. Ma tsa haɗikha ya si nzata la Het, nda la Amuru, nda la Kanʼana, nda la Periz, nda la Hiv, nda la Yəbus. 9 Wya luwaha tsa mghamha za lu ya: Yeriku, nda Ghay ndusa nda Betel, 10 nda Ursalima, nda Hevruŋ, 11 nda Yarmut, nda Lahis, 12 nda Igluŋ, nda Gezer, 13 nda Dəvir, nda Geder, 14 nda Hurma, nda Arat, 15 nda Livna, nda Ghadulam, 16 nda Makkeda, nda Betel, 17 nda Tappuwah, nda Hefer, 18 nda Afek, nda la Saruŋ, 19 nda Maduŋ, nda Hatsur, 20 nda Simruŋmeruŋ, nda Ahsaf, 21 nda Taghnak, nda Məgidu, 22 nda Kedes, nda Yukneʼam ma Karmel, 23 nda Dur ta wa drəf, nda Guyim ma kwakwara Gilgal, 24 nda Tirtsa. Gwagwata ni demdem, mghamha hkən mbsak ndeŋ mida həŋ.