23
1 Yaha mndu kla markwa da ni ŋa hanata nda tsi, nda nza tsaya ka ksaŋtá skwi ta raŋta da ni.ª »Gwal dzaʼa kwalaghuta lu mataba guyatá ghəŋ
2 « Lamta a mndu nda psla kuɗa ni ka ya tsaghu lu ta vgha ni a tsi da taba guyatá ghəŋa mnduha Yawe wa.
3 Lamta a masagwa da taba guyatá ghəŋa mnduha Yawe wa. Lamta a ya dər turtuk mataba zwana ni da taba guyatá ghəŋa mnduha Yawe ha ka labi ta maghwaŋa zivira taŋ wa.
4 Lamta a la Ghamuŋ nda la Muwav da taba guyatá ghəŋa mnduha Yawe wu, walaŋta a zivira taŋ ta lami da taba guyatá ghəŋa mnduha Yawe ha ka labi ta maghwaŋa zivira taŋ wa. 5 Ta sab kuni ma Masar ná, kwalaghu kwala həŋ ta sabi da gəma kaghuni nda buradi nda ya nda imi, ta tvi. Mbəha mbəha həŋ kay guli ta Bilgham zwaŋa Bəghur, mnda la Petur ma Mesuputami ŋa ksiʼafta ni ta kaghuni. 6 Ama ka kwalaghutá Yawe, Lazglafta ghuni ta snanatá Bilgham, ka mbəɗanaftá tsi ta ksiʼi ka tfa wi, kabga ɗvu ɗva Yawe, Lazglafta ghuni ta kaghuni. 7 Yaha kuni da walaŋta zba nzata taŋ ɗughwana, dər nzata taŋ ləŋləŋ ka tata hafu kuni.
8 Yaha kuni da klaftá la Idum ka skwa manzakɗaway, la ghuni hahəŋ. Yaha kuni da klaftá la Masar ka skwa manzakɗaway, kabga si nza nza kaghuni ka mayəm ta haɗika taŋ. 9 Dzaʼa laviŋ lava zwana taŋ yaya həŋ ta mahkəna zivir ta lami da taba guyatá ghəŋa mnduha Yawe. »
Ŋanatá ghuɓu nda ghuɓa
10 « Ka fa fa kuni ta ghuɓu ŋa vulu nda ghumaha ghuni, ɗasuwa ka kuni nda ghwaɗaka skwi. 11 Ka mamu sana mndu nda skwa tsaɗa tida nda ma walanaghata suni girviɗik, dzaʼa sab sa ma ghuɓu, lamta a da taba ghuɓu wa. 12 Hləmata haghu ya, mbazaghuta ni ta mbaza. Ka nda dɗa fitik, ləglama ni da ghuɓu. 13 Ka fata kuni ta sana vli kətsauʼ nda ghuɓa ghuni, ŋa sutá ima ghuni. 14 Ka famta dər wa ta udzu mtseɗa ma huzla ni. Ka lab la ka da kwani mabli, ŋa lapta gha ta vli nda tsi, ŋa sŋanaghata gha ta kwana gha, 15 kabga ta wawaku Yawe, Lazglafta ghuni mataba ghuni ŋa kata kaghuni, ŋa vlaghunatá ghumaha ghuni ma dzva ghuni. Nda nza tkweʼ ka nzata ghuɓa ghuni nda ghuɓa, dá nghaŋta tsi ta skwa hula mataba ghuni, dá mbəɗaghunatá tsi ta hul. »
Zlahu ta ghəŋa vuʼa ta zluʼaptá vgha
16 « Ka zluʼap zluʼa vuʼa ta vgha da daŋahəga ni ka hwayadaghata da kaghuni ná, yaha kuni vrəgliŋta da daŋahəga ni. 17 Nzata ni da kaghuni mataba ghuni, ma vli ya dzaʼa tsi zbapta ma ya turtuk ma luwaha ghuni. Yaha kuni da dulay. »
Lmaftá ga karwa ma həga skwa wuyay
18 « Yaha mnda la Israʼila dər marakw, ka dər zgun a tsi da ga karwa ma həga skwa wuyay. 19 Yaha kuni kladamta da həga Yawe, Lazglafta ghuni ta tseda vəl ga karwa zgun ka marakw a tsi ŋa hɗamtá dər mndəra wati skwi tsi waɗa tsi ta magay, kabga nda nza tsaha ya ka manzakɗaway da Yawe, Lazglafta ghuni. »
Kwal kul ɓla nzawa nda imi ta ghəŋa ni
20 « Yaha kuni ɓlanaftá nzawa nda imi ta ghəŋa ni ta zwaŋama ghuni Israʼila, dər ta ghəŋa tsedi, dər ta ghəŋa skwa zay, dər ta ghəŋa wati ma skwi má dzaʼa fanaghata lu ta imi ta ghəŋa ni. 21 Laviŋ lava kuni ta ɓla nzawa nda imi ta ghəŋa ni ŋa mayəm, ama yaha kuni da ɗaway da zwana ma ghuni Israʼila, kada tfaghunaghata Yawe, Lazglafta ghuni ta wi ma inda slna ghuni ta mag kuni ta haɗik ya dzaʼa lam kuni dida ŋa nzakwa ni ŋa ŋa ghuni ya. »
Waɗanatá waɗu ta Yawe
22 « Ka waɗana waɗa kuni ta waɗu ta Yawe, Lazglafta ghuni, yaha kuni da gərɗanatá hɗamta, kabga dzaʼa ɗaway Yawe, Lazglafta ghuni da kaghuni. Dzaʼa nzakway ka dmaku ta ghəŋa ghuni ka hɗam a kuni. 23 Ama ka waɗana a kuni ta waɗu wu, haɗ dmaku ga kuni wa. 24 Ka ksa kuni ta slna nda skwi ya dzaʼa sabi ma wa ghuni, taɓta waɗu ya waɗana kuni ta Yawe, Lazglafta ghuni nda ɗvay ghuni. »
Vwaha inaba mndu