Mbsak 2

Vla fafatá ghuɓa la Israʼila

1 Ka Yawe nda i Musa nda Haruna mantsa: 2 « Ka fafata la Israʼila ta ghuɓa taŋ dər wa ndusa nda drapwa bakwa gwal vula ni mista ŋizla mndəra taŋ. Ka fafata həŋ ta ghuɓuha taŋ kətsauʼ nda tumpula guyaku ka wanaftá.

3 Nda ga silwa təv safa fitik, ka fata mndəra la Yahuda ta ghuɓa taŋ ka bakwa gwal vulu ka bakwa gwal vulu mista drapwa taŋ. Mali ma la Yahuda ná, tsaya Nahsuŋ zwaŋa Ghaminadav. 4 Mbsaka gwal vula ni vivindaf lu ná, dəmbuʼ ndəfáŋ mbsak fwaɗ mida nda mkuʼ dərmək (74.600) həŋ. 5 Ta slərpa ni, ka fafata mndəra la Isakar ta ghuɓa taŋ. Mali ma la Yisakar ná, tsaya Nətanʼel zwaŋa Tsughwar. 6 Mbsaka gwal vula ni vivindaf lu ná, dəmbuʼ hutaf mbsak fwaɗ mida nda fwaɗ dərmək (54.400) həŋ. 7 Ka fiŋtá ŋa mndəra la Zəvuluŋ. Mali ma mndəra la Zəvuluŋ ná, tsaya Iliʼav zwaŋa Heluŋ. 8 Mbsaka gwal vula ni vivindaf lu ná, dəmbuʼ hutaf mbsak ndəfáŋ mida nda fwaɗ dərmək (57.400) həŋ. 9 Gwagwata mbsaka gwal ma ghuɓa la Yahuda vivindaf lu ná, dəmbuʼ dərmək nda tghas mbsak mkuʼ mida nda fwaɗ dərmək (186.400) ŋa ghuɓa tsa gwal vulu hkən ya. Hahəŋ gwal dzaʼa kla kəma.

10 Nda təv sud, ka fata mndəra la Rubeŋ ta ghuɓa taŋ ka bakwa gwal vulu ka bakwa gwal vulu mista drapwa taŋ. Mali ma mndəra la Rubeŋ ná, tsaya Ilitsur zwaŋa Sədeʼur. 11 Mbsaka gwal vula ni vivindaf lu ná, dəmbuʼ fwaɗ mbsak mkuʼ mida nda hutaf dərmək (46.500) həŋ. 12 Ta slərpa ni, ka fafata mndəra la Simghuŋ ta ghuɓa taŋ. Mali ma mndəra la Simghuŋ ná, tsaya Səlumiʼel zwaŋa Tsurisadday. 13 Mbsaka gwal vula ni vivindaf lu ná, dəmbuʼ hutaf mbsak təmbay mida nda hkən dərmək (59.300) həŋ. 14 Ka fiŋtá ŋa mndəra la Gat. Mali ma mndəra la Gat ná, tsaya Ilyasaf zwaŋa Dəʼuwel. 15 Mbsaka gwal vula ni vivindaf lu ná, dəmbuʼ fwaɗ mbsak hutaf mida nda mkuʼ dərmək nda hutaf mbsak (45.650) həŋ. 16 Gwagwata mbsaka gwal ma ghuɓa la Rubeŋ vivindaf lu ná, dəmbuʼ dərmək nda hutaf mbsak ndeŋ mida nda fwaɗ dərmək nda hutaf mbsak (151.450) həŋ, ŋa tsa ghuɓa gwal vulu hkən ya. Hahəŋ gwal dzaʼa da kla kəma ka mahis.

17 Ta hula taŋ, ŋa sliʼa tumpula guyaku kawadaga nda ghuɓa mndəra la Levi ma takataka ghuɓuha. Dzaʼa mbaɗay inda mndəra mndu ta mbaɗa ma vla ni manda ya fa fa həŋ ta ghuɓa taŋ sana baku ka fiŋtá sani, inda taŋ mista drapwa taŋ.

18 Nda təv dɗakwa fitik, ka fata mndəra la Ifrayim ta ghuɓa taŋ ka bakwa gwal vulu ka bakwa gwal vulu mista drapwa taŋ. Mali ma mndəra la Ifrayim ná, tsaya Ilisama zwaŋa Ghammihut. 19 Mbsaka gwal vula ni vivindaf lu ná, dəmbuʼ fwaɗ mbsak nda hutaf dərmək (40.500) həŋ. 20 Ta slərpa ni, ka fafata mndəra la Mənase ta ghuɓa taŋ. Mali ma mndəra la Mənase ná, tsaya Gamliʼel zwaŋa Pədatsur. 21 Mbsaka gwal vula ni vivindaf lu ná, dəmbuʼ hkən mbsak his mida nda his dərmək (32.200) həŋ. 22 Ka fiŋtá ŋa mndəra la Biŋyamiŋ. Mali ma mndəra la Biŋyamiŋ ná, tsaya Avidaŋ zwaŋa Gidʼuni. 23 Mbsaka gwal vula ni vivindaf lu ná, dəmbuʼ hkən mbsak hutaf mida nda fwaɗ dərmək (35.400) həŋ. 24 Gwagwata mbsaka gwal ma ghuɓa la Ifrayim vivindaf lu ná, dəmbuʼ dərmək nda tghas nda dərmək (108.100) ŋa tsa ghuɓa gwal vulu hkən ya. Hahəŋ gwal dzaʼa ta mahkən.

25 Nda təv nur, ka fata mndəra la Daŋ ta ghuɓa taŋ ka bakwa gwal vulu ka bakwa gwal vulu mista drapwa taŋ. Mali ma mndəra la Daŋ ná, tsaya Ahiʼezer zwaŋa Ammisadday. 26 Mbsaka gwal vula ni vivindaf lu ná, dəmbuʼ mkuʼ mbsak his mida nda ndəfáŋ dərmək (62.700) həŋ. 27 Ta slərpa ni, ka fafata mndəra la Aser ta ghuɓa taŋ. Mali ma mndəra la Aser ná, tsaya Pagiʼel zwaŋa Uhraŋ. 28 Mbsaka gwal vula ni vivindaf lu ná, dəmbuʼ fwaɗ mbsak ndeŋ mida nda hutaf dərmək (41.500) həŋ. 29 Ka fiŋtá ŋa mndəra la Naftali. Mali ma mndəra la Naftali ná, tsaya Ahira zwaŋa Inaŋ. 30 Mbsaka gwal vula ni vivindaf lu ná, dəmbuʼ hutaf mbsak hkən mida nda fwaɗ dərmək (53.400) həŋ. 31 Gwagwata mbsaka gwal ma ghuɓa la Daŋ vivindaf lu ná, dəmbuʼ dərmək nda hutaf mbsak ndəfáŋ mida nda mkuʼ dərmək (157.600) həŋ. Hahəŋ dzaʼa sliʼafta ka kwanaha ni, sana baku mista sani inda taŋ mista drapwa taŋ, » kaʼa.

32 Tsaha ya la Israʼila vivindaf lu ta həga ta həga. Inda tsa gwal ma ghuɓu vivindaf lu ka bakwa gwal vulu ka bakwa gwal vulu ya ná, dəmbuʼ mkuʼ dərmək nda hkən nda hutaf dərmək nda hutaf mbsak (603.550) həŋ. 33 La Levi ya ná, vindam a lu ta həŋ mataba la Israʼila manda ya mnanaf Yawe ta Musa wa.

34 Ka magatá la Israʼila manda va ya mnanaf Yawe ta Musa. Mantsa ya, ka fafatá həŋ ta ghuɓa taŋ mista drapwa taŋ, mantsa ya, ka sliʼi həŋ ta uʼa taŋ ta uʼa taŋ, ka həga ka həga.