उजगिरि अरुस्वल
उजगिरि अरुस्वल पुस्तक
इद पुस्तकुन बारेता गोस्टि
लिहि कीतोना पोरोल: येसु किरिस्तुनोर सिस्यल आय्वल योहन.
लिहि कीता साल: किरिस्तु सकम लग-बग नोवद सारुङ (96) साल्दगा लिहि किय्वल जर्ग्ता.
मुके गोस्टि: इद पुस्तक्नगा मंवलिक सम्दो गिर येसु किरिस्तु, योहंतुन उजगिरि अरुस्तङ गोस्टिङ आंदुङ. इदेनगा किरिस्तु मय्मता रूप्ने दिसंतोर. दर्तुरितुर राजलिर पोरो राज ताकुस्वन मोडि दिसंतोर. यूदा कांदांता चिहो आंदुर. वोरे पर्बुरोर पर्बु अनि बगवंतना राजुन ताकुस्वल राजल आंदुर. अल्पा अनि ओमेगा इत्तेके, मोदोल किय्वल वोरे अनि बर्पुर किय्वल गिर वोरे आंदुर. इद पुस्तक्नगा मुकेते बविसत्ने जर्ग्वलिक गोस्टिङ इत्तेके, किरिस्तु मल्सि वायन मुने अनि वाता पेजे बतल जर्ग्वल मंता इंवलिक लिहि कीसि मंतङ.
इद कलि मूरे मायन मुने करब-पान अनि पाप्नङ काम्क वेले बडे मांतङ. किरिस्तुनोर पगा-दारल दुनियतगा मंवलिर येसुनुर बक्तलिरकुन बेय नुक्सन कींतोर. बति वोर पगा-दारन बाज मंवलिरकुन बगवंतल सिक्सा कींतोर अनि दुनियतगा वेले कटिंतङ गंडल्क वायुसंतोर. आक्रित येसु किरिस्तु बगवंतना राज ताकुस्ले, बेय डगुर मय्मते वांतोर.
येसुन नम्तुर वूर बहन दिहंते पिसना. गट बरोसते आक्रि वेरि पिस्तुरकुन बातल इनम पुटंता इंवल तात्कर लिहि कीतोर. मरट गिर पर्बुना वचन पिय्सि, आक्रि वेरि वोना बक्तितल बह्के माय्वक मंद्कट्ते, वोर सिय्वलिक इनम्क माकुन पुटंतङ.
बगा बतल मंता
वोड्कि अरुस्वल गोस्टि 1:1-3
येडुङ चर्चिनुरकुन दंडोस 1:4-8
स्वर्ग्नोर मायनल आय्वल किरिसतुन बारेता दर्सन 1:9-20
एपेस्नगा मंवल चर्चितुर साटि वचन 2:1-7
स्मुरुनतगा मंवल चर्चितुर साटि वचन 2:8-11
पेर्गमम्नगा मंवल चर्चितुर साटि वचन 2:12-17
तुयतय्रतगा मंवल चर्चितुर साटि वचन 2:18-29
सार्दिस्नगा मंवल चर्चितुर साटि वचन 3:1-6
पिलदेल्पियतगा मंवल चर्चितुर साटि वचन 3:7-13
लवोदिकयतगा मंवल चर्चितुर साटि वचन 3:14-22
स्वर्ग्नगा बगवंतना पार्तना-विंति 4:1-11
गूंडि कीसि, येडुङ मोर्क वाट्सि मंवल पान 5:1-14
गोरे पिला आय्वल मोरकुन कोलि किय्वल 6:1-17
बगवंतनुर सेव्कलिरकुन काबाड्वल जर्गंता 7:1-8
बगवंतना राजा-गादित मुने अनि बगवंतना गोरे पिला आय्वन मुने वेले मांदि निल्वल 7:9-17
येडवा मोरदुन गोरे पिला आय्वल कोलि किय्वल 8:1-5
येड्विर दूतलिर अनि येडुङ तुरङ 8:6-13
तम्वा कपडगा बगवंतना मोर सेलुर वूर पोरो वाय्वल गंडम 9:1-12
अरवा तुरा रेंडवा गंडमुन तर्वल 9:13-21
दूतल अनि वोना केय्दगा मंवल चुडुसि पुस्तक 10:1-11
बगवंतल नेमि कीतुर इविर गवदार्क 11:1-14
येडवा दूतल तंवा तुरतुन उह्क्वल 11:15-19
वेय्लो अनि मारेल्क वाले मासुल 12:1-6
सय्तंदुन दर्तुरित पोरो वाडि सिय्वल 12:7-18
सम्दुर्तल वेरिनल मंवल जंवर बह्रि वाय्वल 13:1-10
उंडे उंदि वेरिनल मंवल जंवर 13:11-18
बगवंतना गोरे पिला आय्वल अनि वोना पर्जा 14:1-5
मुविर दूतलिर 14:6-13
दर्तुरित पोरोडा पंटा कोय्वल 14:14-20
येडुङ गंडम्क पिय्सि येड्विर दूतलिर निल्वल 15:1-8
सोङ्ने निन्चि मंवलिक येडुङ टगोरङ 16:1-21
जंवरतुन पोरो मंवल पोरोल सोत्ता लन्जे 17:1-18
बबुलोन नगुर नासेडम आय्वल 18:1-24
स्वर्ग्नगा बगवंतना पार्तना-विंति किय्वल 19:1-5
गोरे पिला आय्वना मर्मि जेवुन 19:6-10
दव्रल कोडत पोरो उच्चि मंवल 19:11-21
हजर साल्क राज ताकुस्वल 20:1-6
सय्तन हारे माय्वल 20:7-10
मरन आतुर वूरा तस्वा 20:11-15
पूना हाबर अनि पूना दर्तुरि 21:1-8
पूना येरुसलेम नगुर 21:9-27
जीवा निपुस्वल येर वाले लव्डि 22:1-6
येसु वेय्ने मल्सि वाय्वल मंतोर 22:7-17
आक्रितङ गोस्टिङ 22:18-21