हेब्रि
हेब्रियुलकुन लिहि कीता चिटि
इद चिटितुन बारेता मुके गोस्टि
येसुनुर सिस्यलिर, पर्जा सम्दिरकुन बचि किय्वल किरिसतुन बारेता चोकोट्ना कबुडुन दुनिया पूरो पचर कीतेर. इदेन हिंदल यूदुल्क्नगटल वेलेटिर किर्चन्क आतेर. वूर पोरो वेले तीर्क्ने गाचर-गंडल्क अनि तक्लिब्क दुस्रुर वायुस्तेर. अस्के वूर किर्चन्क, तम्वा बरोसतुन सुटि कीसि, मल्सि पडनङ रीति-रिवज्क पिय्सि ताककट इन्जेर सोन्च कीतेर. इहिन सोन्च किय्वलिर हेब्रियुलकुन साटि, इद चिटितुन येसुनुर सेव्कलिर्गटल वोरोर लिहि कीतोर.
पडना नियम पूरि किया पर्मकि अद बगवंतना इचतुन येसु किरिस्तु पूरि कीतोर इंवडुन बारेते, इद चिटितगा लिहि कीसि मंता. इद चिटित रोपो मूंद मुके गोस्टिङ मंतङ:
(1) येसु किरिस्तुय बगवंतनोर मरि आंदुर. वोर तंवा तनय कस्टलकुन बोगे मासेर बगवंतना इचतुन पूरि किय्ले तयर आतोर. वोर येसु किरिस्तु, बगवंतल सारि कीतुर वूर सम्दिर दूतलिर्गटल, पर्वक्तलिर्गटल अनि माय्नलिर्गटल मडनोर आंदुर.
(2) येसु किरिसतुन तेर मुने पिसि मत्तुर डगुक कटोडलिर सम्दिर्गटल, येसु बस्केट जीवते मंवल पेर्सोर कटोडल आंदुर इन्जि बगवंतल तोह्तोर.
(3) जंवरकुन बलिदान सिय्वल अनि पिय्सि ताक्वलिक रीति-रिवज्क तमकुन पाप्कनल बचि कींतङ इन्जेर यूदुल्क सोन्च कींदिर. बति पापनल, वेरेतल अनि मरंतल सिरिप येसु किरिस्तु वोरोरे बचि किया परंतोर इन्जेर इद चिटितगा मंता.
बगा बतल मंता
बगवंतनोर मरि येसु किरिस्तु आंदुर 1:1-14
दिहंते मंट इन्जेर वेह्वल 2:1-4
येसु नरिमन्कना रूप येत्वल 2:5-10
नरिमन्कन तंवुर तादल-तमुक इंले येसु लजे मायोर 2:11-18
येसु मोसेन तेर डगुर आंदुर 3:1-6
दिल्क बह्के मातुरकुन दम्कि 3:7-19
बगवंतनुर बक्तलिरकुन वाग्दन सीता आरम 4:1-13
येसु पेर्सोर कटोडल आंदुर 4:14-16
पेर्सोर कटोडना डगुर-पान बोरे येता वायो 5:1-10
उंडे गिर मिरट पसि-बाललिर आसि मंतिट 5:11–6:3
बगवंतना बरोसतल बह्के मातुर बारेते 6:4-8
बगवंतल बस्केट्के मीकुन मर्न्गोर 6:9-12
बगवंतना वाग्दन 6:13-20
बगवंतनोर कटोडल मेल्किसेदेक 7:1-10
येसु मेल्किसेदेकुन दात्नोर कटोडल 7:11-28
पूना नियम: येसु मावोर पेर्सोर कटोडल आंदुर 8:1-13
पार्तना-विंति किय्वलिक पडनङ नेकिङ 9:1-10
येसुना नेतुडा अर्पना 9:11–10:18
बरोसतुन सुटि किय्वक्ने बगवंतन करुम दाकट 10:19-39
बरोसा 11:1-40
बगवंतल मावोर बाबो आंदुर 12:1-13
बगवंतन बय्मन आसि ताक्वलिरकुन दम्किङ 12:14-29
बगवंतन बद तीर्दे आनंद सियना 13:1-19
आक्रिता पार्तना 13:20-21
आक्रितङ गोस्टिङ 13:22-25