पिलेमोन
पिलेमोंतुन लिहि कीता चिटि
चिटितुन बारेता गोस्टि
लिहि कीतोना पोरोल: पव्लु
लिहि कीता साल: किरिस्तु सकम लग-बग साट (60) साल्दगा लिहि किय्वल जर्ग्ता.
मुके गोस्टि: पव्लु जेल्दगा मनेके इद चिटि लिहि कीतोर. पिलेमोंतुर दासिर्गटल ओनेसीमोन इंवल दासि-मायनल परर आसि, पव्लु मंवल जागतगा वातोर. पव्लु येसुन बारेता चोकोट्ना कबुर वोन वेह्तोर. अस्के वोर ओनेसीम येसुन पोरो बरोसा इर्तोर. ते इंके पव्लु ओनेसीमोंतुन वोनोर माल्कनगा सारि कीसेर मंतोर. ओनेसीमोन इत्तेके, ‘पाय्दा सिय्वल्’ इन्जेर अर्तम. इदेन मुने ओनेसीमोन पिलेमोंता कामुन चुक्डि किय्वल आसि मत्तोर. बति इंके बगवंतना पेर्मता-दयते पव्लुन, पिलेमोंतुन अनि वीर्गटल तेर येसु पर्बुंते वेले पाय्दा सिय्वल आतोर. ओनेसीमोंतुन मापि कीसि, काम्नगा मल्सि येतना इन्जेर पिलेमोंतुन, इद चिटि पव्लु लिहि कीतोर.
बगा बतल मंता
दंडोस्क 1-3
पार्तना अनि दनेवाद 4-7
ओनेसीमोन साटि विनंति किय्वल 8-25