ईजिप्टनल पेसिनेकेडा गट्कतुन हेतु कीसि वार्ता कीर्तन
114
1-2 बस्केते इज्रयेल्ता कांदांतुर ईजिप्टनल बह्रि पेसितेरो, + इत्तेके बस्केते याकोब्ना कांदांतुर अद देसनल पेसितेरो अस्के,
यूदना संतांदुर बगवंतना पवित्रा जागा आतेर.
अनि वूर पूरो इज्रयेल पर्जा वोना राजेम आतेर.
3 रगल सम्दुर बगवंतन सूड्सि* पाके माता.+
अनि योर्दन लव्डि वोन सूड्सि* पेजे मल्सि पोङ्ता.+
4 डङलिक गुटङ गोरे बोकुकुन दात तरतरा हाले मातङ.
मेटङ गोरे पिलन दात तरतरा हाले मातङ.+
5 ये सम्दुर्ति! निमे बारि पाके माति?
ये योर्दन लव्डिति! निमे बारि पेजे मल्सि पोङ्ति?
6 डङलिक गुटङ्निट! मिरट गोरे बोकुकुन दात बारि तरतरा हाले मातिट?
मेटङ्निट! मिरट गोरे पिलन दात बारि तरतरा हाले मातिट?
7 ये बोमिति! याकोब्नोर बगवंतल आय्वल पर्बुन मुने तरतरा वेरिया.
8 वोर बंडतल येर पोङुस्वल आंदुर.
हो! गट बंडतुन जलत दात मार्युस्वल आंदुर.+