बगवंतना चोकोट्ना-पांदुन डगुर-पान सिय्वल
113
1 येहोवा देवन डगुर-पान सीम्ट. वोनुर सेव्कलिर्निट! वोन डगुर-पान सीम्ट.
येहोवना पोरोडुन डगुर-पान सीम्ट.
2 इङेडल ते बस्केट गिर, येहोवा देवना पोरोडुन डगुर-पान सियना.
3 सिडयिङनल ते पोरयिङ वेरि इतेके,
हर जागतुर येहोवा देवना पोरोडुन डगुर-पान सियना.
4 येहोवा देवल सम्दो जातिनुर मुने कीर्ति वाले आसि मंतोर.
वोना मय्मा आगसकुन तेर पोरो पग्रे मासि मंता.
5 पोरो स्वर्ग्नगा उच्चि मंवल मा येहोवा देवन मोडितोर बोर मंतोर?
6 वोर वरिसि आगस-दर्तुरितुन सूड्सेर मंतोर.
7-8 वोर गरिबकुन डुर्डतल पोरो तहंतोर.
दिक सेलुर वूरकुन पोदितल तह्चि निपुसंतोर.
अनि वूरकुन, तंवा पर्जतुर अदिकारिर तर्सो उपुसंतोर.
9 गोड्डु वेय्लोन मरि-मियड सीसि,
ताना रोन आनंद मनल कींतोर.
येहोवा देवन डगुर-पान सीम्ट.