बगवंतले राजल आंदुर
93
1 येहोवा देवल राज ताकुसेर मंतोर. कीर्तितुन पाङुड मोडि पोंड्सि मंतोर.
ताकदुन वोर नडि पटित मोडि केर्सि मंतोर.
दर्तुरि हाले माय्वक ताना जागतगा गट निपुस्तोर.
2 तोत्तले नीवा कचुरि हाले माय्वक मंता.
निमेय बस्केट मंवनि आंदि.
3 येहोवा देवा! ऊसङ जोर्ते आवज कीसेर मंतङ.
पोरो डेह्क्वलिक हेल्वना गर्ज्तप नांद वासेर मंता.
4 सम्दुर्क्ना येता आवजुन तेर,
जोर्ते वाय्वलिक सम्दुर्तङ हेल्वन तेर,
पोरो मंवल येहोवा देवल ताकद वाले आंदुर.
5 येहोवा, नीवङ नियम्क बस्केट निल्सि मंवलिक आंदुङ.
येहोवा देवा, नीवा रोन बस्केट पवित्रा मंवल आंदु.