येरुसलेमुन साटि दनेवाद वेह्वल
कोरहुना संतांदुर वार्ता कीर्तन
87
1 बगवंतना नगुडा बुनदि पवित्रा गुटत पोरो वाट्सि मंता. 2 याकोब्नेर कांदांतुर पिस्वलिक सम्दो जागनल तेर,
सियोन नगुडुन येहोवा देवल वेले पसंद कींतोर.
3 ये बगवंतना नगुडि!
माय्नलिर नी बारेते वेले डगुक गोस्टिङ वेहंतेर.
रेला.
4 “ईजिप्ट* देस्नुर अनि बबुलोंतुर कहितुर
नाकुन करि कीतुरा लेकतगन वांतेर.
पिलिस्तियुल्क, तूरु येरियतगा मंवलिर
अनि इतियोपिया देस्नुर गिर कहितुर अद सियोंतगन जल्मा आतुरा लेकतगा वांतेर.
5 हर जातितुर कहितुरा गड्नुक अद सियोंतगन आता इन्जेर,
सर्वा सक्तिवंतल बगवंतले तान गट निपुस्तोर” इंवल जर्गंता.
6 येहोवा देवल जनोबता लेका लिहि कियुस्नेके,
“इद जातिता गड्नुक सियोंतगा आता” इन्जेर इंतोर.
रेला.
7 पाटङ वार्वलिर, येंद्वलिर,
“मावङ सम्दो आसिर्वाद्क सियोंतगटले पुटंतङ” इन्जेर वारंतेर.