बगवंतले सम्दोत पोरो राज ताकुस्वल आंदुर
आसप्ना कीर्तन
82
1 बगवंतल स्वर्ग्ना कचुरितगा निल्सि मंतोर. वोर दूतलिरा गुब्डत* नड्डुम तस्वा कीसेर मंतोर.
2 “मिरट बचेजेल बगड नायम्ने तस्वा तिवुसंतिट?
बचेजेल करेबलिरकुन तपुस्ले सूडंतिट?”
इन्जेर बगवंतल वेहंतोर.
रेला.
3 “गरिबकुन अनि पोसटिरकुन नायम कीम्ट.
तक्लिब्नगा मंवलिरकुन अनि चुडुर-पांदे मंवलिरकुन नायम कीम्ट.
4 गरिबकुन अनि दिक सेलुर वूरकुन काबाडट.
करेबलिरा केय्दल वूरकुन सुटि कियुसट.
5 मीकुन गियन सेले अनि मिरट अर्तम गिर किय्विट.
मिरट सिकटितगा हिके-हके तिरियंतिट.
इदेन हिंदल दर्तुरितङ बुनदिङ हाले मातङ.
6 मिरट ‘आत्मता रूप्ने मंवलिक जीवङ*’ आंदिट
अनि मिरट सम्दिर गिर सम्दोत पोरो मंवनुर मरि-मियड आंदिट”
इन्जेर बगवंतल आय्वल नना वेह्तोन.+
7 तेर बति, सादरन माय्नलिरा मरन आतपिनय मीवा गिर मरन आंता.
अदिकारिर्गटल वोरोर सातपिनय मिरट गिर सांतिट.
8 बगवंता! तेच्चि, दर्तुरित पोरो मंवलिर सम्दिरा तस्वा कीम.
बारितेके सम्दो जातिनुर नीवा जाय्जत मोडि मंतेर.