सडदुन साटि वार्वल कीर्तन
पाटा वारुस्वन साटि: आसप्ना कीर्तन
81
1 माकुन ताकद आसि मंवल बगवंतन कुसिते वारट. याकोब्नोर बगवंतन आनंद्ने आवज कीम्ट.
2 पाटा तह्चि कन्जेरा पाम्ट.
सोबता नांद सिय्वल कर्नाट अनि चोंड्कतुन नेकुसट.
3 आवुसुन नेटि तुरा उह्कट.+
अनि मावा सड किय्वल पुनकुन नेटि तुरा उह्कट.+
4 अहन कियना इंवल इज्रयेल पर्जत रोपो आगे मंता.
अनि याकोब्नोर बगवंतल नेमि कीता अद कानुन आंद.
5 बगवंतल ईजिप्ट देस्नुरकुन सिक्सा कीनेके,
योसेप्ना कांदांतुरकुन इद कानुंतुन नेमि कीतोर.
अगा नना वोड्के मायोन अद लेङ इहिन,
6 “मीवङ सेटनल नना बर्ति रेह्तोन.
बर्ति मंवलिक डालङ तह्वक्ने मीकुन सुटि कियुस्तोन.*
7 मिरट आपतितगा मनेके आड्सेर विनंति कीतिट.
अस्के नना मीकुन सुटि कियुस्तोन.+
गर्ज्वलिक टेपनल नना मीकुन जवब सीतोन.
मेरीबा इंवल येतङ जलनगा मीकुन परिक्सा कीतोन.+
रेला.
8 ना लोकुर्निट! नावा गोस्टि केन्जट.
नना मीकुन उंदि गोस्टि वेहंतोन.
अय्यो! इज्रयेल लोकुर्निट!
मिरट नावा गोस्टि केन्ज्मड इत्तेके, बच्चोरोय चोकोट मंदु!
9 दुस्रोक जातिनुरङ पेन्कनल उंदि गिर मी रोप्पो मंवा.
दुस्रोक जातिनुरङ पेन्कनल उंदितुन गिर मिरट पूजा किय्वा.+
10 ईजिप्ट देसनल मीकुन बह्रि तर्वल बगवंतल आय्वल येहोवना ननय आंदुन.
नी तोड्डि तेरिया. तान नना चोकोट्नने निह्चि आसिर्वाद सींतोन.
11 तेर बति ना पर्जा नावा गोस्टि केन्ज्मकि.
इज्रयेल लोकुर नावा गोस्टि तीर ताक्मकि.
12 अदेन साटि वूर तम्वा इचतुन पिय्सि ताकनल,
वूर इज्रयेल लोकुरा मड्गेटल दिल्दे ताक्ले वूरकुन सुटि कीतोन.
13 अय्यो! ना पर्जा नावा गोस्टि केन्ज्मड इतेके,
इज्रयेल लोकुर नावा सरि-मारग पिय्सि ताक्मड इतेके, बचोर चोकोट मंदु.
14 अस्के नना वूरुर पगा-दारकुन सप्नेने दाबि कींदुन.
वूरुर दुस्मन-दारकुन नना सिक्सा कींदुन.
15 वूर येहोवा बगवंतना आय्वल नाकुन वेरिसि तरतरा आसेर तला वरुसींदिर तेर,
वूरकुन बस्केट मंवल सिक्सा तप्वक सींदुन.
16 बति मीकुन बेय चोकोट्नङ गोह्क सीसि, नना पोसि कींतोन.
केडता काडल निय्दे मीवा पेटि निहंतोन” इन्जेर वेह्वल केन्ज्तोन.