पुट्गड्मि 10

नरिमन्कना पय्दोस आसि पग्रे माय्वल

1 नोवहुनुर मर्क सेम, हाम अनि यापेत्नङ कांदान्क इव आंदुङ.

जल गंडम वासि सोत्ता पेजे, वीर मुविर वेलेटिर मरि-मियडुन मिय्तेर.

यापेत्ना कांदान

2 गोमेर, मागोग, मादयि, यावन, तुबल, मेसेक, तीरस इंवलिर यापेत्नुर मर्क आंदिर.

3 अस्कनज, रीपत, तोगर्मा इंवलिर गोमेर्तुर मर्क आंदिर.

4 एलिसल, तार्सिस, कित्तिम, दोदनिम इंवलिर यावंतेर मर्क आंदिर.

5 सम्दुर्क्नङ डर्डिन करुम मंवलिर अनि सम्दुरकुन नड्डुम लंकनगा मंवलिर, दुस्रो दुस्रो जातिनेर, दुस्रो दुस्रो बासनेर अनि पर्जता कांदानकुन वीर बाबुर आंदिर.

हामुना कांदान

6 कूसु, मिस्रायिम,^* पूतु,^* कनान इंवलिर हामुनेर मर्क आंदिर.

7 सेबल, हविलाल, सब्तल, रयमल अनि सब्तकल इंवलिर कूसुनेर मर्क आंदिर.

रायमनेर मर्क सेबल, देदान.

8 कूस निम्रोदुन मिय्तोर.

वेर निम्रोद दर्तुरित पोरो सम्दिरकुन अदिक लडेय किय्वल आतोर.

9 बगवंतन मुने निम्रोद बेय जेटि सिकरि-दारल आतोर.

अदेन साटिन बोरे डगुर सिकरि-दारल मत्तेके, “बगवंतना नदुडे मंवल निम्रोदुन दात्नोर बेय जेटि सिकरि-दारल” इन्जेर केयंतेर.

10 वोर निम्रोद मोदोल बाबेल, येरेक, अकद अनि कल्ने इंवलिक नगुक्नगा राज ताकुस्तोर.

अव सम्दि सीनर देस्नगा मत्तङ.

11-12 अगटल निम्रोद अस्सुर देस्नगा सोन्जि, अगा निनेवा, रेहबोतिर, कालहु नगुकुन दोह्‍पुसीता पेजे, रेसेन इंवल डगुर नगुडुन गिर निनेवा अनि कालहु नगुकुन नड्डुम दोह्‍पुसीतोर.

13-14 लूदियुल्क, अनमियुल्क, लेहबियुल्क, नप्तियुल्क, पत्रुसियुल्क, कस्लुयिल्क, अनि कप्तोरियुल्क इव सम्दि कांदान्कोर बाबो मिस्रायिम आंदुर.

कस्लुयिल्क्नगटल पिलिस्तियुल्क पुड्तेर.

15-18 सीदोन अनि हेतु कनांतुर मर्क आंदिर.

वीर्गटल सीदोन मडनोर अनि हेत चुडुर मरि आंदुर.

येबुसीयुल्क, अमोरियुल्क, गिर्गसियुल्क, हिवियुल्क, अर्कियुल्क, सिनियुल्क, अर्वादियुल्क, सेमरियुल्क, हमतीयुल्क इंवलिक सम्दि कांदनेरकुन मोदोडोर बाबो कनान आंदुर.

अद आता पेजे कनांतङ कांदान्क परिपन्चम्नगा पग्रे मासि सोत्तङ.

19 सीदोंतल गेरार सोनेके, सर्दगा मंवल गाजा वेरि अनि सोदोमा, गोमोरा, अद्मा, सेबोयिम नगुक्नगा सोनेके, सर्दे मंवल लासा नगुर वेरि, वीर कनानियुल्क्ना सिवा पग्रे मासि मत्ता.

20 इव हामुना संतांदङ देसल्क, कांदान्क, वड्क्वल बासङ अनि जातिङ आंदुङ.

सेमुना कांदान

21 यापेत्नोर तादल सेमु गिर मरकुन मिय्तोर.

वेर सेमु, येबेर्ता कांदांतुन मोदोडोर बाबो आतोर.

22 येलम, अस्सुर, अर्पक्सद, लूद, अराम इंवलिर सेमुनेर मर्क आंदिर.

23 ऊज, हूल, गेतेर अनि मास इंवलिर अराम्नुर मर्क आंदिर.

24 अर्पक्सद सेलहुन बाबो.

सेलहु येबेरतुन बाबो.

25 येबेर इविर मरकुन मिय्तोर.

वोरोना पोरोल पेलेग^* इर्तोर.

बारितेके, अस्केन पर्जा पाके मासि, दर्तुरि पूरो पग्रे मातेर.

26 उंडे वोरोर मरिना पोरोल योक्तान.

अल्मोदाद, सेलेप, हजर्मावेत, येरहु,

27-29 हदोरम, ऊजल, दिक्लाल, वोबल, अबिमायेल, सेबा, वोपिर, हविलाल, योबब इंवलिर सम्दिर योक्तान तेर मर्क आंदिर.

30 मेसा इंवल जागतल ते अनि सिडयिङ बाज मंवल सपारा इंवल जागा वेरि गुटनगा वीर पिसेर मत्तेर.

31 इव सेमुना संतांदङ देसेम्क, कांदान्क, वड्क्वलिक बासङ अनि जातिङ आंदुङ.

32 इव सम्दि नोवहुनुर मर्क्नङ कांदान्क आंदुङ.

जल गंडम वाता पेजे, कांदांतल कांदान बडे मासेर परिपन्चम्नगा दुस्रो दुस्रो जाति तीर पाके मातेर.

इंके मंवलिर सम्दिर लोकुर वीर्गटल वाता संतान आंदिर.