आदाम्ना संतान
5
1 इद आदम्ना कांदांता गोस्टि.
बगवंतल नरिमन्कन* तंवा रूप्ने निव्डि कीतोर.
2 बगवंतल वोरोर माय्नन अनि उंदि वेय्लोन निव्डि कीतोर.
अहन निव्डि कीता दिनमुन नेटि, वूरकुन आसिर्वाद सीसि, “नरिमन्कलिर” इन्जेर पोरोल दोस्तोर.
आदम्नुर मरि-मियड
3 आदम नूटा तीसा (130) साल्क पिसि, एक्दम तंवा दात्नोरे पेडन मिय्तोर.
वोन सेतु इन्जेर पोरोल दोस्तोर.
4 सेतुन मिय्ता पेजे, आदम आट नुह्क (800) साल्क पिस्तोर.
इव सालकुन रोपो उंडे गिर मरि-मियडुन मिय्तोर.
5 आदम नोव नुह्क तीसा (930) साल्क पिस्ता पेजे मार्तोर.
6 सेतु उंदि नूर सियुङ (105) साल्क मनेके, येनोसुन मिय्तोर.
7 येनोसुन मिय्ता पेजे, सेतु आट नुह्क येडुङ (807) साल्क पिस्तोर.
इव सालकुन रोपो उंडे गिर मरि-मियडुन मिय्तोर.
8 सेतु नोव नुह्क बारा (912) साल्क पिस्ता पेजे, वोर मार्तोर.
9 येनोसु नोवद (90) साल्क पिसि, केयिनांतुन मिय्तोर.
10 केयिनांतुन मिय्ता पेजे, आट नुह्क पंद्रा (815) साल्क पिस्तोर.
इव सालकुन रोपो उंडे गिर मरि-मियडुन मिय्तोर.
11 येनोसु नोव नुह्क सियुङ (905) साल्क पिस्ता पेजे मार्तोर.
12 केयिनान सत्तर (70) साल्क पिसि, महललेलतुन मिय्तोर.
13 महललेलतुन मिय्ता पेजे, केयिनान आट नुह्क चालिस (840) साल्क पिस्तोर.
इव सालकुन रोपो उंडे गिर मरि-मियडुन मिय्तोर.
14 केयिनान नोव नुह्क दहा (910) साल्क पिस्ता पेजे मार्तोर.
15 महललेलु साट सियुङ (65) साल्क पिसि, येरेदुन मिय्तोर.
16 येरेदुन मिय्ता पेजे, महललेलु आट नुह्क तीसा (830) साल्क पिस्तोर.
इव सालकुन रोपो उंडे गिर मरि-मियडुन मिय्तोर.
17 महललेलु आट नुह्क नोवद सियुङ (895) साल्क पिस्ता पेजे मार्तोर.
18 येरेदु उंदि नूर साट रंड (162) साल्क पिसि हानोकुन मिय्तोर.
19 हानोकुन मिय्ता पेजे, येरेदु आट नुह्क (800) साल्क पिस्तोर.
इव सालकुन रोपो उंडे गिर मरि-मियडुन मिय्तोर.
20 येरेदु नोव नुह्क साट रंड (962) साल्क पिस्ता पेजे मार्तोर.
21 हानोक साट सियुङ (65) साल्क पिसि, मेतुसेलन मिय्तोर.
22 मेतुसेलन मिय्ता पेजे, हानोक उंडे मूंद नुह्क (300) साल्क बगवंतन पोरो बाव-बक्तिते पिस्तोर.
इव सालकुन रोपो उंडे गिर मरि-मियडुन मिय्तोर.
23 हानोक मूंद नुह्क साट सियुङ (365) साल्क पिसि मत्तोर.
24 बगवंतना बाव-बक्तिते ताक्ता काड्कि, हनोकुन बगवंतल तंवा कोरते वोतोर.
ते वोर बोमित पोरो दिस्मकि.
25 मेतुसेलल उंदि नूर अस्सि येडुङ (187) साल्क पिसि, लेमेकुन मिय्तोर.
26 लेमेकुन मिय्ता पेजे, वोर मेतुसेलल येडुङ नुह्क अस्सि रंड (782) साल्क पिस्तोर.
इव सालकुन रोपो उंडे गिर मरि-मियडुन मिय्तोर.
27 मेतुसेलल नोव नुह्क साट नोव (969) साल्क पिस्ता पेजे मार्तोर.
28 लेमेकु उंदि नूर अस्सि रंड (182) साल्क पिसि, वोरोर मरिन मिय्तोर.
29 अनि, “मोदोल येहोवल बोमित सापेना सीतत हिंदल बचोर काम-दंदा कीतेक गिर, अद बर्कत सिय्वेके सोंदु.
ते इद डगुर कस्टमनल माकुन जरसि आरम सीनुर” इन्जि तंवोर मरिन “नोवहु” इन्जेर पोरोल दोस्तोर.
30 लेमेकु नोवहुन मिय्ता पेजे, सियुङ नुह्क नोवद सियुङ (595) साल्क पिस्तोर.
इव सालकुन रोपो उंडे गिर मरि-मियडुन मिय्तोर.
31 लेमेकु येडुङ नुह्क सत्तर येडुङ (777) साल्क पिस्ता पेजे मार्तोर.
32 नोवहु सियुङ नुह्क (500) साल्क्ना वहिते सेमु, हामु, यापेतु इंवलिरकुन मिय्तोर.