Ɨkalata ɨja kwanda ɨja
Yohani
Lɨsio lya vwʉmi
1
Tʉkʉvalembela imhola sa jʉla jʉno ghwe Lɨsio lya vwʉmi,
jʉno kwealyale kuhʉma kʉvʉtengʉlɨlo.a
Ʉsue tʉlyampʉliike na kʉkʉmwagha na maaso ghiitu,
kange tʉkamʉlola na kʉkʉmwabasia na mavoko ghiitu.
2 Ʉjuo alyale palɨkɨmo nʉ Nhaata ʉNgʉlʉve,
neke akihʉfia kʉlyʉsue,
na jʉsue tʉkamwagha.
Lɨno,
tʉkʉvoleka na kupʉlɨsia imhola isa ʉjuo jʉno ghwe vwʉmi ʉvwa kʉvʉsila kʉsila.b
3 Tupʉlɨsia kʉlyʉmue sino tʉsivwene na kʉkʉsipʉlɨka,
kuuti na jʉmue mʉʉve palɨkɨmo nusue mʉ vʉmo vʉno tʉlɨ navwo nʉ Nhaata ʉNgʉlʉve nʉ Mwanaakec ʉYesu Kɨlɨsite.
4 Tʉkʉvalembela isi,
kuuti tʉhovoke fiijo.
Kukukala mʉ lʉmuli
5 Ɨmhola jɨno tʉlyapʉliike kuhʉma kwa Yesu,
je jɨno tupʉlɨsia kʉlyʉmue,
kuuti ʉNgʉlʉve ghwe lʉmuli,
nsila ngʼhiisi nambe padebe nkate mwa mwene.
6 Lɨno,
nave twiti tʉlɨ vʉmo nʉ Ngʉlʉve,
kʉmo tʉjiighe tukalile mʉ ngʼhiisi,
apuo tuuva tujova isa vʉdesi,
natuuva tuvomba isa kyangʼhaani.
7 Looli,
nave tukukala mʉ lʉmuli,
ndavʉle ʉNgʉlʉve vʉle ghwa lʉmuli,
apuo ʉsue tuuva vʉmo,
najɨ danda ja Mwanaake ʉYesu jɨkʉtʉvalasia ʉvʉhosi vwitu vwoni.
8 Nave twiti natʉlɨ vahosi,
tuuva tukusyanga jʉsue,
navʉ vwakyangʼhaani namwevʉle mʉ moojo ghiitu.
9 Looli,
nave tulaata ʉvʉhosi vwitu kwa Ngʉlʉve,
ʉmwene nnofu kange ghwa kyangʼhaani,
ɨkʉtʉpyanɨla na kʉkʉtʉvalasia ʉvʉhosi vwitu vwoni.
10 Nave twiti natʉlɨ vahosi,
tʉkʉmʼbɨɨka ʉNgʉlʉve kuuva nʼdesi,
nalɨ lɨsio lyake namwelɨlɨ mʉ moojo ghiitu.