Ɨkalata ɨja kwanda ɨja
Yohani
Ɨmhola ɨndongosi
Ɨkalata ɨjɨ alyalembile ʉYohani, ʉmʼbʉlanɨsɨvua ghwa Yesu Kɨlɨsite. Alyavalembiile avɨtɨki vamonga vano alyavaghanile hwene vanaake. Ɨkʉvavʉʉla kuuti vajighaghe vasindamiile mʉ lwɨtɨko. Kange, ɨkʉvavʉʉla kuuti vakanaghe imbʉlanɨsio isa vavʉlanɨsi va vʉdesi mʉ kɨpʉgha ɨkya vɨtɨki. Ɨkʉvakʉmbʉsia kuuti ʉmwene alyale palɨkɨmo nʉ Yesu, mʉ ʉluo akagwile kyangʼhaani kuuti ʉYesu alyale nʉ mʼbɨlɨ ndavʉle ʉsue, kange alyale Mwana ghwa Ngʉlʉve. Isimilisia kuuti, nave vajighe vikʉmwɨtɨka ʉYesu Kɨlɨsite viiva nʉ vwʉmi ʉvwa kʉvʉsila kʉsila. Kange iiti, vaghananaghe na kʉkʉmʉghana ʉNgʉlʉve.