Indaghɨlo kʉ valoleleli va kɨpʉgha ɨkya vɨtɨki
3
Ɨlɨsio ɨlɨ lya kyangʼhaani,
“Ʉmuunhu jʉno ilonda ɨmbombo ɨja kuuva mʉloleleli ghwa kɨpʉgha ɨkya vɨtɨki,
ʉjuo asalwile ɨmbombo ɨnofu.”
2 Kwekʉti,
ʉmʉloleleli ghwa kɨpʉgha ɨkya vɨtɨki,
avisaghe muunhu jʉno naipɨkua,
jʉno namʼbwafu,a
nya kughela kange nya kulolelela,
muunhu ghwa vʉtavɨke,
ntengeleli,
jʉno akɨmanyile kuvʉlanɨsia.
3 Aleke kuuva mʉghaasi,
aleke kuuva nya mabaatu,
avisaghe mhʉʉgʉ.
Kange,
naangavisaghe mhojofu ghwa ndalama.
4 Avisaghe muunhu nya kwɨmɨlɨla vʉnofu ɨnyumba jaake,
jʉno akɨmanyile kuvʉnga avaana vaake vʉnofu,
kange voope vikʉmpʉlɨka.
5 Kwekʉti,
ʉmuunhu jʉno ikunua kukwɨmɨlɨla ɨnyumba jaake jʉjuo,
ndepoonu ikwɨmɨlɨla ndaani ɨkɨpʉgha ɨkya vɨtɨki?
6 Kange,
naangavisaghe muunhu jʉno nanga avangʉkagha,
ʉlwakʉva kyaikughinia.
Ʉlughinio ʉluo lʉkʉmpelela kukwingila mʉ vʉhɨghi ndavʉle alyahɨghilue ʉSetano.
7 Looli,
avisaghe muunhu jʉno ikwolekua vʉnofu nambe na vano navɨtɨki,
kuuti aleke kupɨkua na kughwɨlɨla mʉ lʉtegho lwa Setano.
Indaghɨlo kʉ vatangɨli va valoleleli
8 Nava vatangɨli vavisaghe vagholofu vano navasyetʉngʼhani,
navaghaasi,
valekaghe kuuva vahojofu va ndalama.
9 Looli,
vavisaghe vaanhu vano vigadɨlɨla ʉvwakyangʼhaani vwa lwɨtɨko lwitu nʉ mwojo ʉmʼbalafu.
10 Voope ava,
vaghelwaghe taasi,
neke vangavoneke kuuti vanoghiile,
vavombaghe ɨmbombo ɨjio.
11 Nava vadala vaaveb vavisaghe vanya lʉveelo lʉnofu,
navadesi,
vano vikughela,
kange vavombi vanofu mʉ sooni.
12 Avatangɨli valekaghe kuuva vavwafu,c
ʉlwene vavisaghe vaanhu vano vikwɨmɨlɨla vʉnofu avaana vaave nasi nyumba saave.
13 Vano vivomba vʉnofu ɨmbombo ɨja vʉtangɨli,
viiva voghopua.
Apuo viiva ni ngʉfu kupʉlɨsia ɨmhola ɨja lwɨtɨko lwitu mwa Yesu Kɨlɨsite.
Ʉvwakyangʼhaani ʉvwa lwɨtɨko lwitu
14 Nɨkʉkʉlembela amasio agha,
kʉmo nihʉvɨɨla kukwisa kʉlyʉve mʉ nsiki nʼdebe ghʉno ghukwisa.
15 Neke nave nɨdɨɨle,
ʉkagʉlaghe sino sinoghiile kuvomba mʉ nyumba ja Ngʉlʉve,
jɨno kye kɨpʉgha kya vɨtɨki va Ngʉlʉve jʉno mwʉmi,
mbanda,
kange lwalo lwa kyangʼhaani.d
16 Kyangʼhaani,
sino ʉNgʉlʉve atʉhʉfisie mbaha,
soope se isi:
ɄNgʉlʉve akihʉfia mʉlwa mʼbɨlɨ,
akolekua nʉ Mhepo kuuva mʉgholofu,
akavoneka kʉ vanyamhola,
akapʉlɨsɨvua mʉ fisina fyoni,
avaanhu ava mʉ ɨɨsi vakamwɨtɨka,
akatolua kulʉta kʉkyanya mʉ vʉvaha.