Ɨkalata ɨja kwanda ɨja Paulo kwa
Timoti
Ɨmhola ɨndongosi
Ɨkalata ɨjɨ alyalembile ʉnsungʼhua ʉPaulo. Alyamʉlembiile ʉTimoti, ʉmwɨtɨki ʉnsoleka. Amaaka minga ʉTimoti akavisagha nʉ Paulo kupʉlɨsia ɨMhola ɨNofu ɨja Yesu Kɨlɨsite. Pambele ʉPaulo akansuungʼha ʉTimoti kulongosia ɨkɨpʉgha ɨkya vɨtɨki mʉ lɨkaaja ɨlya Efeso.
ɄPaulo ɨkʉmʼbʉʉla ʉTimoti ʉvʉtavɨke mʉ kɨpʉgha ɨkya vɨtɨki, kupavɨla na kʉkʉvakaana avavʉlanɨsi va vʉdesi mʉ kɨpʉgha ɨkio. Kange mʉ kalata ɨjɨ, ijova vwɨmɨla avaanhu vano vanoghiile kusalʉlua kuuva valongosi va fipʉgha fya vɨtɨki, na vʉle vanoghiile kuvomba ɨmbombo ɨjio vwɨmɨla ifipʉgha fino mwefili mʉ kɨpʉgha ɨkya vɨtɨki ndavʉle: avasoleka, avagoyo na vafwɨle.