Ɨsangu ɨja kʉvatanga avɨtɨki
16
Lɨno,
vwɨmɨla ɨsangu ɨja kʉlʉta kʉkʉvatanga avɨtɨki,
mʉvombaghe ndavʉle nɨkavavʉlile avɨtɨki ava kʉ Galatia.
2 Ɨkɨghono ɨkya kwanda mʉ mʉlʉngʉ,a
nʉjʉnge mʉlyʉmue abaghʉlaghe ifiinu na kuvɨɨka kulɨngʼhana na vʉle akavile,
kuuti niliiva nikwisa kʉlyʉmue,
mʉvisaghe mʉkongʼhanisie.
3 Pano niliiva nisile,
nilikʉvasuungʼha nɨ kalata avaanhu vano mulisalʉla kuuti vatwale ɨsangu ɨjio kʉ Yelusalemu.
4 Nave lʉvoneke kuuti na jʉʉne lʉnoghiile kulʉta,
apuo pe nililʉta palɨkɨmo navoope.
Ʉvʉtavɨke vwa Paulo kulʉta kʉ Kolinto
5 Nɨngahʉme kʉ kɨghavob ɨkya Makedonia,
nikwisa kʉlyʉmue,
ʉlwakʉva nilonda taasi kukilila kʉ Makedonia.
6 Neke nɨngiise,
ndepoonu nikukala numue ʉnsiki ghwoni ʉghwa mhepo kuuti mʉnhange nɨlʉte imbale sooni sino kyanilʉta.
7 Neke lɨno nanilonda kuuti tʉtangʼhane ʉnsiki nʼdebe hwene nɨlɨ nkilasɨla.
Nave ʉMʉtwa akeele,
nihʉvɨɨla kukukala kʉlyʉmue ʉnsiki ghʉmonga.
8 Lɨno,
nijigha pa lɨkaaja ɨlɨ ɨlya Efeso kuhanga kufika ɨkɨghono ɨkya Pentekositi.
9 Nivomba ʉluo,
ʉlwakʉva ʉNgʉlʉve amheliile ʉnsiki ʉnnono ʉghwa kʉvomba ɨmbombo ɨmbaha mʉ lɨkaaja ɨlɨ,
neke pwevale avaanhu vinga vano vikʉsigha.
10 ɄTimoti angiise kʉlyʉmue,
mʉntengelelaghe kuuti ikalaghe vʉnofu kɨsila vwoghofi,
ʉlwakʉva ghwope ivomba ɨmbombo ja Mʉtwa ndavʉle ʉne.
11 Lɨno,
ʉmuunhu ghweni naangamʼbenapʉlaghe.
Looli mʉntange avʉʉke ʉkuo nʉ lʉtengaano,
kuuti iise kʉlyʉne,
ʉlwakʉva ʉne nɨkʉmʉghulila ʉmwene palɨkɨmo na vɨtɨki avajiitu.
12 Lɨno,
vwɨmɨla ʉnyalʉkolo ghwitu ʉApolo,
nɨmpelepesisie kuuti iise kʉlyʉmue palɨkɨmo na vɨtɨki avange.
Neke ʉmwene nailonda pikwisa lɨno,
looli ilikwisa ʉnsiki ghʉno alɨ nʉ vweleefu.
Amasio agha vʉsililo palɨkɨmo nʉ lʉhʉngɨlo
13 Mʉvisaghe maaso,
mʉkangalaghe mʉ lwɨtɨko,
kange mʉghimbaghe kɨsila vwoghofi.
14 Imbombo siinu sooni mʉvombaghe mʉ lʉghano.
15 Mʉkagwile kuuti,
ʉSitefana palɨkɨmo na vaanhu va mʉ nyumba jaake,
ve vano valyale va kwanda kʉkʉmwɨtɨka ʉYesu Kɨlɨsite mʉ kɨghavo ɨkya Akaya,
voope vihʉmisie kʉkʉvatanga avɨtɨki!
16 Na jʉmue mʉvapʉlɨkaghe avaanhu ndavʉle avuo na vange vooni,
vano vihʉmia ingʉfu saave kuvomba ɨmbombo ɨjɨ.
17 Nihovoka fiijo pano ʉSitefana,
nʉ Filitunato,
nʉ Akaiko,
visile apa,
ʉlwakʉva ʉlʉtango lʉno mwamhelagha ʉmue,
vikʉmheela aveene.
18 Vanyamisie ʉmwojo ghwango,
kange vanyamisie amoojo ghiinu.
Lɨno,
mʉvakagʉlaghe vʉnofu avaanhu ndavʉle ava.
19 Avaanhu vano valɨ mʉ fipʉgha ifya vɨtɨki mʉ kɨghavo ɨkya Asia,
vikʉvahʉngɨla.
ɄAkila nʉ Pilisika,
palɨkɨmo na vɨtɨki vano vikongʼhaana mʉ nyumba jaave,
vikʉvahʉngɨla mʉ lɨtavua lya Mʉtwa.
20 Avanyalʉkolo vooni vano valɨ apa,
vikʉvahʉngɨla.
Mʉhʉngɨlanaghe nɨ saavo ɨnya lʉghano mwa Yesu Kɨlɨsite.
21 Neene Paulo,
nɨlembile nʉ lʉvoko lwango jʉʉne,
kʉkʉvahʉngɨla.
22 Ʉmuunhu ghweni jʉno naamʉghanile ʉMʉtwa,
aghunwaghe.
Mʉtwa ghwitu ghwise!c