YOONA
ƗMHOLA ƗNDONGOSI
ɄYoona alyale mʼbɨli kuhʉma mʉ kɨkaaja kya Gati-Hefa, mʉ ɨɨsi ɨja Isilaeli. Alyale mwana ghwa Amitai kuhʉma mʉ kɨkolo kya Sabuloni, kange alyavɨlile amasiki ghano alyatemile ʉntwa ʉYeloboamu ʉghwa vʉvɨli (2 Avatwa 14:25). Amasiki aghuo aVaisilaeli valyale kɨlʉgʉ na Vaashulu. ɄNgʉlʉve alyansungʼhile ʉYoona kuuti alʉte kʉ lɨkaaja ɨlɨvaha ɨlya ɨɨsi ɨja Ashulu lɨno lɨkatambʉlwagha Ninaawi, kʉkʉvapavɨla avaanhu ava mʉ lɨkaaja lɨla vwɨmɨla ʉvʉhosi vwave.
Ɨkɨtabu ɨkɨ kɨkʉtʉvʉlanɨsia kuuti ʉNgʉlʉve ɨkʉvasʉngʉkɨla avaanhu ava fisina fyoni. Kange kɨkʉtʉvʉlanɨsia kuuti nakwale jʉmonga jʉno anoghiile kusigha nambe kunangania ʉvʉtavɨke vwa Ngʉlʉve. Ʉlʉtasi ʉYoona alyasitile ɨngʼhemelo ɨja Ngʉlʉve, neke pambele akalʉta kʉno alyasungʼhilue na kuvomba ndavʉle ʉNgʉlʉve alyakeliile. Pavʉsililo, ʉYoona alyakaliile kyongo vwɨmɨla sino ʉNgʉlʉve alyavavombiile aVaninaawi.