1 Timoteo
Introdoksiyon
Ana primiro ag ikadowang sorat ni Pablo ki Timoteo ag, ana sorat niya ki Tito, piba`nong “Sorat nin usad na Pastor” ta pimangno nyadi ana manga maalagang bagay na piatobang nyo manga o`nang simbaan na nitood ki Cristo. Dail ta ana 1 Timoteo nitaong sosonoron kin papaono ana pagpili nin mamomoon sa simbaan, ag pag-organisar nyo manga bagong katiriponan nin paratood, niserbi ading giya nyo o`nang kapanaonan nin Kristiyanong simbaan. Ana sorat ipinadara ni Pablo ki Timoteo, na niiba ag nitabang sakanya sa pagserbi ki Cristo. Ana pinakakatoyowan nya sorat amo na ipisadol na ipamarita ana Maraay na Barita manunungud ki Jesus, ag ana sominorat nima`wut na gibowun adi sa dowang paagi. O`na, nipatanid iya tomang sa salang katoroan na pweding magin dailan nin ro`roan ag pagkabaranga nya manga Kristiyano. Ikadowa, tominao iya nin giya tanganing magkaagko makusug na pagkakausad na pagtood sa paagi nin pagtao nin giya sa pagsamba, pagbabado, Kristiyanong pag-oogali, pagmamakulug sa manga kaiba sa gropo, ag ana pagpipili nin manga angay na mamoon.
Ana Luug nya Libro
Introdoksiyon 1:1-2
Manga Kasogoan manunungud sa simbaan ag sa manga mamayo nyadi 1:3--3:16
Manga kasogoan ki Timoteo manunungud sa sakanyang trabao 4: 1--6:21