تاوارجيت ن يوحنّا

لمالايكا د لمصيبات تينݣّورا

‏1 داي أنّايخ ݣ-ئݣنّا يوت ن تماتارت ياضن تاخاتارت ئݣان لعجب: سبعا ن لمالايكا غورسن سبعا ن لمصيبات تينݣّورا، ئدّخ ئسّنت أس ئدّا أد ئشمّل ؤحراق ن ربّي.

‏2 أها أنّايخ شا ن لحاشت ئݣان أم لبحر ن جّاج ئروين س لعافيت، بدّين غيفس وينّا ئرّان لوحش د لاصنام نّس د نّمرا ن-ئسم نّس، غورسن ئد-لوطار نّا اد ئدّان زݣ ربّي.

‏3 أر تّينين تامديازت ن موسى نّا ئݣان ئسمغ ن ربّي. أر تّينين ألتو تامديازت ن-ؤعلّوش: «امولانا ربّي أخاتار، أينّا تݣاد ئخاتر، ئژيل أها ياݣر أينّا ئلّان كول، شݣ أيد ئݣان أݣلّيد ن لݣنوس كول أبدا، دّيما أينّا تݣات ئسݣد أها ئݣ لحقّ!

‏4 مايد ئمس ونّا ؤر دا ك-ئتّݣّدن أمولانا؟ ئݣ لعزّ يي ئسم نّش؟ ئدّخ غاس شݣّين أيد ئݣان أمقدّس. أها دّان لݣنوس كول أد ددّون بندقن دات-اش، ئدّخ لفعايل نّش نّا ئݣان لحقّ ضهرنت».

‏5 داي فّير ن-ؤياد، أنّايخ ترژم ݣ-ئݣنّا تادّارت ن ربّي نّا ݣ تلّا تاخامت ن شّهاتّ.

‏6 لمالايكا نّا غر لاّن سبعا ن لمصيبات فّغندّ زݣ تادّارت ن ربّي. لسان ملسيوات ن لشتّان أزدّاݣ ئسفليلّيين. خف ئدمارن نسن ئفكّاسن ن دّهب.

‏7 داي توش يوت زݣ ربعا ن لموخليقات يي سبعا ن لمالايكا سبعا ن-ئغرّافن ن دّهب عمّرن س-ؤحراق ن ربّي نّا ؤر دا ئتمتاتن أبدا.

‏8 داي ئعمّر واݣّو تادارت ن ربّي س سّباب ن لعزّ د لجهد ن ربّي. أها ؤر ئلّي أود يون ئغييْن أد-ئكشم غر تادّارت ن ربّي غاس أل قضون لمصيبات س سبعا ن سبعا ن لمالايكا.