3
ليمان س ـ لماسيح أس دا نتّمنو داث ن ـ ربّي
1 ئوا دغي أيايثما د ـ ئسثما: فرحاث ئدّخ ثݣام وين مولانا. نكّين ؤر ئي ئسّوحيل أد عاودخ أداون نّاريخ ديخ ئسكّين أد. هاثين دّان أداون ݣين أفراݣ زݣ ؤينّا يخّان.
2 راراث لبال نّون غر ئضان نّا، غر ميدّن نّا دا تݣّانين أينّا ؤر ئحلين، أر تّينين هاثين مش ؤر ثزݣينم ؤر ثدّيم أتّفوكّام. a
3 ئدّخ نوكني نّا دا يتّعبادن ربّي س ـ رّوح نّس أيد ئتّوزݣنن سثيتّ أها ئبورزاخ س ـ لماسيح، ؤر دا نتعوّال خف ؤينّا دا نتݣّا س ـ صّاحث حما أنفوكّا.
4 مغار غيخ أود نكّين س ـ ئخف ئنو أد غيفس عوّلخ مّور ريخ. داي مش ئلّا مايد ئغالن ئيس غورس لحقّ أد ئعوّل خف ؤينّا دا نتݣّا س ـ صّاحث، نكّين د ـ أمزوارو.
5 مشد زݣ ثنيلا ن ـ ؤزيّن، هاثين تّوزݣنخ لّيݣ غوري ثلّا ثمانيا ن ـ ووسّان؛ أها ݣخ زݣ أيث إسرائيل، زݣ ئغصّ ن ـ بنيامين؛ ݣخ أعبراني أرصلي؛ ئيد زݣ ثنيلا ن ـ شّرع، هاثين ݣيخ زݣ ثربيعث ن ـ ئفرّيسين. b
6 هاثين أر ئي تّاسي نّعرث خف دّين ألّيݣ أر تّكرفاصخ أݣراو ن ـ ئمومنّ س ـ لماسيح؛ د ـ خف لحساب ن ـ ؤينّا دا يتّيني شّرع، هاثين منيخ ؤر غيفي يلّي أود يان ؤلامّا.
7 ماشان ئسكّين أد كول نّامي أر تّينيخ ݣان غوري لفضل، أغولن ؤر غوري واثان أود ئميقّ خف لماسيح.
8 ؤر ئيد غاس أياد، مايد ئݣان شا ؤر غوري يواثا أود ئميقّ منيد ن ـ ؤينّا ثيوفن كول نتّا أد ݣخ وين سيدنا عيسى لماسيح ئݣان مولانا نو، نتّا أخف زريخ مايد ئݣان شا، ئيݣ غوري ؤياد كول أمّ ؤفراض حما أد ربحخ لماسيح،
9 أها ݣخ وينس. نكّين ؤر ئيد ئدّخ حضيخ شّرع أس منيخ داث ن ـ ربّي، ماشان س ـ ليمان س ـ لماسيح. هاثين ليمان أس منيخ داث ن ـ ربّي.
10 لغاراض ئنو أد ئسينخ لماسيح ؤݣار، ئسينخ جّهد ن ـ ثنشرا نّس، أمّوخ ݣ ـ ثماريوين أمّ ثينّا غيفس ئكّان، أها رويسخث أود ݣ ـ لموث نّس.
11 حما، داكّ مايد ئݣا لحال، أد ئغيخ أدّ كّرخ زݣ لموث.
ثامسّومانث نّا يݣا بولوس أنّياوض غر لغاراض
12 ؤر ئيد ئيس دا تّينيخ هاثين ئوضخ ياد أياد كول نغد ئيس ݣيخ بنادم نّا ئشمّلن، ماشان سولخ دا تݣّاخ ثامسّومانث حما أنّاوضخ أينّا خف ئي ئسثي سيدنا عيسى لماسيح.
13 هاثين أيايثما د ـ ئسثما ؤر دا تّحاسابخ ئخف ئنو ئيس ئوضخ ياد أياد كول، ماشان دا تݣّاخ يان ؤسكّين: ؤر دا تتّاويخ ݣ ـ ؤينّا يزرين، أر تݣّخ ثامسّومانث أد زايدخ غر داث.
14 أر تّازّلاخ أنّاوضخ لغاراض ئنو حما أد أمژخ ثاسمغورث، ئݣّان ثودرث نّا غر أخ ئغرا ربّي غر ئݣنّا ئدّخ نݣا وين سيدنا عيسى لماسيح.
15 هاثين ئخصّاياخ كول نّخ نوكني نّا يمقّورن ݣ ـ ليمان أنتخمّام ئمشيد؛ داي مش غورون ئلّا شان رّاي ضنين، أود نتّا يدّا ربّي أداون ثيسّفرو.
16 غاس ئخصّاياخ أنزايد غر داث أها نثفار أينّاخ ئسنعث ربّي ياد.
17 أيايثما د ـ ئسثما، تݣّاواث كول نّون أمّ نكّين، أها ثݣيم ثامسّومانث أتّثفارم وينّا دا تّݣّانين أمّ نوكني.
18 ئدّخ هاثين ﻷّن شايݣان ن ـ وينّا دا تݣّانين ييتس ن ـ لافعايل نّاس دا سنعاثن ئيس دا ضّاضّان أينّا خف ئمّوث لماسيح خف ئحنيݣن ن ـ ؤطّورق، أياد نّيخاونث ياد مشثا ن ـ ثيلمرّات، أراون ثتّينيخ ديخ ألثو دغي س ـ ئمطّاون.
19 ويد ثدّا أداسن ثݣير ثخلي، أعدّيس نسن أيد ئݣان ربّي نسن د ـ ؤينّا يݣان لعيب ئݣا غورسن نثني لعزّ، أها ؤر ئݣي لهمّ نسن غاس أينّا يݣان وين دّونيث.
20 ماشان نوكني أيث ئݣنوان أي نݣا، زّيكسن أزݣ دا نتّعايان س ـ ؤمارݣ أخاثار ؤنّاخ ئتّفوكّان مولانا عيسى لماسيح أدّ ياغول.
21 ئدّا أد ئبدّل صّاحث أد نّخ ثاموحالث ؤر ئواثان شا حما أتّݣ أمّ صّاحث نّس نّا يݣان ثين لعز س ـ ثيغيتّ نّا غورس ئلّان أد ئيݣ أينّا يرا كول دّاو ن ـ ثنباطّ نّس.