16
أسمون ن توكّيوين يي ئمومن ݣ تمدينت لقدس
1 ئد زݣ تنيلا ن-ؤسمون ن توكّيوين يي ئمومن نّا ئلاّن ݣ تمدينت لقدس، ئوا ݣات أود كونّي أم ؤينّا س وصّاخ أݣراو ن-ئمومن ݣ تمازيرت ن غلاطية.
2 ݣ واسّ لحد كو سّيمانا، كو يون أد ئرار خف ئديس أينّا مي ئغي ن لمال زݣ ؤينّا ئسوّر، حما ؤر تحدادجام أر غورون أوضخ أغا تسمونم توكّيوين.
3 أدّاي أوضخ، دّيخ أد أزنخ وينّا تختارم، وشخاسن تيبراتين حما أد أوين توكّيوين نّون غر لقدس.
4 داي مش يي ئقّن أد دّوخ أود نكّين، هاتين دّان أد أݣّيدي مّون.
5 أها دّيخ أد غورون د دّوخ أدّاي كّخ خف تمازيرت ن مكدونية، ئدّخ دّيخ أد زّيكس زريخ.
6 بار أد قّيمخ أݣيدون شا ن لوقت نغد أد زّريخ غورون تاݣرست حما أد يي تعاونم أد شمّلخ سّفرت ئنو.
7 نكّين ؤر رّيخ أد كون أنّايخ أم شا ؤنجدي لمرت-اد، ماشان ريخ أد قّيمخ أݣّيدون شايݣان ن لوقت مش ئرا مولانا.
8 والاينّي دغي، دّيخ أد قّيمخ دها ݣ تمدينت ن أفسس أر أسّ ن لعيد ن خمسين،
9 ئدّخ ئرژمييي ربّي يون لباب أموساع أد ݣخ يوت ن لخدمت تامقرانت، ماشان عدّان ميدّن نّا ئݣان ضّض ئنو.
10 مش ديدّا غورون تيموتاوس، رحبات ئس، ئدّخ دا ئتݣّا لخدمت ن مولانا أم نك.
11 أد ؤر ت ئتحقّار أود يون، والاينّي عاونات-اس أد ئدّو غوري ݣ لمان، ئدّخ دا ت تراجاخ نكّين د-أيتما ئمومن.
12 ئد زݣ تنيلا ن-ؤماتنخ أبلوس، هاتين سحوژرخت شايݣان باش أد غورون د-ئدّو د-واوماتن ئمومن، ماشان ؤر ئري أد د-ئدّو دغي، هاتين ئدّا أد ئدّو أدّاي غورس تيلي لوقت.
15 أيايتما، هاتين تسّنم ئد إستفانوس د-أيت ؤخام نّس أيد يومن د-ئمزوورا س مولانا ݣ تمازيرت ن أخائية كول، أها وشان ئخف-اون نّسن يي لخدمت ن-ئمومن. خف ؤياد دا زّيݣون تتّرخ،
16 خف ؤياد دا زّيݣون تتّرخ، أت تن تضاعم أها تضاعم ونّا ئݣان أم نيتني، د وينّا يامّون أݣّيدسن ݣ لخدمت أها أر كّاتن تامارا أݣّيدسن.
17 هاتين فرحخ شايݣان س توادا ن أيتما ئمومن-إستفانوس د فرتوناتوس د أخائيكوس نّا ديدّان زݣ كورنتوس، ئدّخ نيتني أيد ئسيول ݣ-ؤدغار نّون لّيݣ ؤرد تدّيم،
18 أها سهنّان لخاضر ئنو د لخاضر نّون، ئوا نهلات ݣ ميدّن أم ويد.
19 دا غيفون تسلّامن ئݣراون ن-ئمومن ن تمازيرت ن أسيا، أر غيفون ئتسلّام شايݣان أكيلا د بريسكلا د-ؤݣران ن-ئمومن نّا ئتمّون ݣ تدّارت نّسن.
20 د واوماتن كول دا ؤنتبلاغن سلام. مسلاّمات ئنݣراتون سّلام ن تݣمات.
21 سّلام-اد ؤريخاونتين، نكّين بولوس، س تيرّا ن-ؤفوس ئنو.