ثابراتّ ن ـ ؤمازان بولوس ئي يمومنّ ن ـ ثمدينث ن ـ روما
1
سّلام
1 تابراتّاد زݣ بولوس، ئسمغ ن عيسى لمسيح، نّا مي ئغرا ربّي، ئختارت أد ئݣ أمزان أد ئبشر س لنجيل ن ربّي،
2 لينجيلاد ئقاول ئس ربّي زݣ قبل س-لانبيا نس ݣ لشتوب ئقدّسن
3 ناّ ئسّوالن خف ممّيس ديدّان ݣ دّات زݣ ترّيكت ن دَاوُد.
4 زݣ لجيهت ن رّوح لقدوس ئضهرد ئس ئݣا ممّيس ن ربّي س جّهد ئݣوثن، ئتّخ ديكّرزݣ ئنݣر ئمتّين، عيسى لمسيح مولانا نّخ.
5 س نتا د خف ئسم نّس ئتمْوشاخ نعمت نكني حما أنّݣ ئمازان نّس أها نعلّم لݣنوس ن دونيث كول أد ئس آمنن أها ضاعنث.
6 أود كونّي ئنݣر وينا مي ديغرا ربّي حما أد تݣيم وين عيسى لمسيح.
7 داون تّاريخ كنّي نّا ئݣان ئمومن عزنين ݣ تمدينت ن روما، نّاݣ ختار أد ݣين شّعب نّس أمقدّس. أرتتّرخ حما أد آون تتّونشف نعمت د لهنا زݣ ربّي بباتنخ د زݣ مولانا عيسى لمسيح.
8 ݣ-ؤمزوارو، دا تشكارخ ربّي نو س عيسى لمسيح زݣ تمناط نّون كول ئتّخ ييوضن لخبار ن ليمان نّون غر دّونيت كول.
9 هان ربّي نّا مي دا خدّمخ زݣ وول-ئنو كول، أر تبشّارخ س لينجيل ن ممّيس، دا ئشاهد غيفي ئس دا كن-تفكّارخ كّوياس.
10 أر تتّرخ ئ ربّي ݣ تژالّيت ئنو دّيما أد ئ ئعاون س لموراض نّس أندّوخ غيرون.
11 ئتّخ ريخ أكون أنّايخ، أها شّارخ أݣيدون لبركة ن رّوح، حما أتثبتّم ݣ ؤبريد ن ربّي،
12 أها نمعوان ئنݣراتنخ س ليمان نّا ئلّان ديݣون د يݣي.
13 ريخكن أتّيسينم أيايثما، ئس ريخ مشتا ن لمرث أندّوخ غورّون، ماشان ؤرغيّخ غردغي. ريخ أندّوخ حما أتّيلي ديݣون لغلث أود كونّي ئمشيتخ تلّا ݣ لݣنوس ياضنين.
14 ئتّخ ئلازم غيفي أد بشرخ ميدّن كول ئيونانيين د وينّا ؤر ثنّ ئݣيّن، د وينّا قرانين د وينّا ؤر قرانين.
15 خف ؤيا ئلّا ديݣي فاد شيݣان حما أكون بشّرخ س لينجيل أود كونّي ألتو ئلّان ݣ روما.
16 هاثين ؤردا تحشّامخ شا أدّاي دا ساوالخ خف لينجيل ن لمسيح، ئتّخ ئݣا جّهد ن ربّي ونّاي يتفوكّان كول ونّا ئس يومن، ؤداين ئمزورا د لݣنوس نّا ؤر-ئݣين ؤداين.
17 ئتّخ اسباين ربّي ݣ لينجيل ميمش نعايد نصلح، اياد س ليمان يومزوارود ؤنݣاروئمشنا ينّا لشثاب: «هان ونّا يصلحن، س ليمان أس ئدّا أد ييدير».
18 ئتّخ لغضب ن ربّي ئيضهرد زݣ ئيݣنّا خف كول تيخّوت د دّنوب ن ميدّن، وينّا ئسّنتالن لحقّ س دّنب.
19 لحقاش أينّاسن ئقدان اتّيسين خف ربّي، هاثين ئباين، ئتّخ ربّي س-ئخف نّس ئسنعتاسنث.
20 زݣ لوقت نّاݣ ئخلق ربّي دّونيت، صفّات ن ربّي نّا ؤر دا يتويناين س-والّن، نّا ݣان لقدرا نّس ئدامن د نتا أݣان ربّي. صفّات نّس دا تبايان ݣ ؤوينا ئخلق س-ؤياد أس ؤر ئقّيمي غرمدناد أود يون لعذر.
21 ئتّخ ألّيݣ سّن ربّي ؤراس ݣين لعزّولا شكرنت ئمشينّا ئستاهل، والاينّي ئخفاون نّسن خسرن ئد وولاون نّسن ثقن ديكسن تالّست.
22 أر تّينين تلّا غورسن لحكما والاينّي نيتني ݣان ئمفلسن.
23 أها بدّلن لعزّ ن ربّي ؤر داي تفنون س ئد لاصنام خف سّيفت ن بنادم نا داي تّوفنان، د ئجضاض د لبهايم د لوحوش ئتّمرورّودن.
24 خف ؤيا يودجاثن ربّي أد فارن شهوات ؤر ئحلين ن وولاون نّسن، دّون غر لفساد حما أ تتّوتي لقيما ن دّات نّسن ئنيراسن.
25 ئتّخ بدّلن لحقّ ن ربّي س-ئحلّال، ؤمنّ، عبدن ونّا ئتّوخلقن، أدجن ونّا ئيخلقن، ئݣان أمبارش أبدا. أمين.
26 خف ؤينّا يودجاثن ربّي ئ شّهوات ؤر حلينين. ئتّخ عايدنث ثوثمين نّسن دا تفسادنث ئنيراتسنث.
27 ئرݣزن أود نيتني أغولن بدلن أمعاشار د تعيّالين، عايدن دا تمياران ئنݣراسن، هيجن س شهوت ئنݣراتسن، أر ئتفساد ؤرݣاز د ؤرݣاز، خف ؤيا ؤمژن لعيقاب نّا ثن ئواثان خف لمعصييت نّسن
28 ألّيݣ ؤر قبيلن أد-ئسينن ربّي، يودجاثن أد تّابعن ئخفاون نّسن ئيفسدن، حما أد ݣين أينّا ؤر ئيخصّان أد ئتواݣ.
29 أها ئعدّو ديكسن كول لانواع ن دّنوب د لفساد د تيخّوث د طمع د تخندلّاست أها ئعدّو ديكسن لحسد د منغيوث د ئمنغان د ئحلال د تحرميّات د واوال ؤر ئحلين ݣ بنادم.
30 ݣين ئشكّامن أها شرهن ربّي أر تعايارن ميدّن أها ييلي ديݣسن لكيبر أر سوزور ئخفاون نّسن، أر تقلابن أد ݣين أينّا ؤر ئحلين أها ؤر دا تسلان ئ واوال ن لوالدين نّسن.
31 ؤرغورسن لفهم ؤرديكسن لامان ولا لمحنّا ؤر دا تقناعن ؤر دا ترحامن.
32 مغار سّنن ئس ئدّا ربّي أد ئحكم س لموت خف ميدّن نّا ئتݣّان ئسكّين-اد ؤر قّيمين غاس دا تن تݣّن، والاينّي دا فرّحن أود س ميدّن نّا تن ئتݣّن.