6
لموت د تودرت د لمسيح.
1 ئوا ماي نتّيني؟ ئس أخ ئخصّا أنقّيم أنتݣ دّنوب حما أتعدّو نعمت ن ربّي؟
2 ؤهو، حاشا! نكني نمّوت زݣ لجيهت ن دّنب، ئوا ميمش نتݣ أنقّيم أنعيش ديكسن؟
3 ئس ؤر تسّينم ئد نكني نّا ئتّوعمدن دعيسى لمسيح، نتّوعمد حما أديس نشّار ݣ لموت نّس؟
4 س-ؤعمّد أس نتّونضل أݣيدس، أها نشّار ئس ݣ لموت نّس، ئيمشينّا ديكّر لمسيح زݣ لموت س لعزّ ن ئبّاس، س-ؤياد أود نكني أس ندّا أنّيدير ألثو ݣ تودرت توجديت.
5 ئتّخ مش ئس نشّور ݣ لموت ئتّشباهن لموت نّس، ندّا ألثو أد-يس نشّار أود نكني ݣ تنشرا نّس.
6 نكني نسّن ئد طبيعث تاقديمث ئلّان ديݣنخ ثتّوصلب د لمسيح، حما أتكّس جّهد ن دّنب ئلّان ݣ دّات نّخ حما ؤر نتغيما نݣا ئسمغان ن دّنب.
7 ئتّخ ونّا يمّوتن ئتّوفوكّا زݣ دّنب.
8 ئوا دغي مش نمّوت د لمسيح، دا نتّامن ئس ندّا أنيدير أݣيدس.
9 نكني نسّن ئد لمسيح ئكّرد زݣ ئينݣر ئمتّين، أها ؤرئدّي أد ئمّت لمرث ياضن، دغي ؤر تقّيمي تنباط ئ لموت غيفس.
10 ئتّخ ألّيݣ ئمّوت، ئمّوت يات لْمرث خف دّنب، والاينّي تودرت نّا دا يتعيش دغي دا تّيتعيش ئ ربّي.
11 ئمشيس أود كنّي، حسباث ئخفاون نّون تمّوتم زݣ لجيهت ن دّنب، والاينّي تدّرم ئ ربّي ݣ مولانا عيسى لمسيح.
12 أد ؤر تّدجايات دّنب أد ئنبظ خف دّات نّون ئتّفنون حما أد-ؤرتفورم شهوات نّس.
13 أد-ؤرأكّياث لاجوارح نّون ئ دّنب حما أد ݣن تيخوت، والاينّي شات دّات نّون ئ ربّي حما أتݣم أينّا ئرا، ئتّخ كنّي تدّرم تّكّرمد زݣ ئينݣر ئمتّين.
14 س ؤياد ؤرئني أد ئحكم ديݣون دّنب، ئدّخ كنّي ؤرتلّيم دّاون لحكام ن شّرع ن موسى، والاينّي دّاو لحكام ن نّعمت.
15 ئوا مان حيلا؟ ئد أندنب ئتّخ ؤرنلّي دّاو ن لحكام ن شّرع والايني داون لحكام ن نّعمت؟ حاشا!
16 ئس ؤر تسّينم ئد مش تشفام ئخفاون نّون أم ئسمغ ئ شان يون تضاعمت أتّاغولم أتݣم ئسمغان ئ ونّا مي تݣام رّاي: غاس ئ دّنب ئتّاوين غرلموت، نغد طّاعث ئتّاوين غر صّلاح؟
17 والاينّي دا نتشكار ربّي ئتّخ واخّا تكّام تيام ئسمغان ن دّنب، ها كنّي دغي تضاعم زݣ وولاون نّون أوال ن ربّي نّاون ئتّونشفان.
18 دغي، تفغم دّاو ن تنباط ن دّنب، تاغولم تيام ئسمغان ن صّلاح.
19 دغي أد سيولخ أݣيدون س واوال ن بنادم ئتّخ كنّي ؤرثفهيمم. ألّيي تشام ݣ تيزويري لجوارح نّون حما أتݣم ئسمغان ن لوسخ د دّنب ئتّاوين غر شيݣان ن لمعصييات، دغي شاث لجوارح نّون حما أتݣم ئسمغان ن صّلاح ثعايدم تقدسم.
20 ئتّخ ألّيݣ تكّام ثيام ئسمغان ن دّنب، ؤر ئلازم غيفون أتݣيم لخدمت ن صّلاح.
21 ئوا ماتّا لغلث دجمعم ݣ لوقتنّا س-ئسكّين نّا زݣ دا تّحشّامم دغي؟ ئتّخ تانݣاروت ن-ئسكّينّ-اد نتّاث أ ݣّان لموت.
22 والاينّي دغي تتّوفوكّام زݣ دّنب أها ثاغولم تيام وين ربي، ئد لغلث ئلّان ديݣون دا تّاوي غر تودرت ئقدّسن أها تݣ تنݣاروت نّس تودرت ن دوام.
23 ئتّخ أثيݣ ن دّنب نتّا أݣّان لموت، والاينّي توكّي ن ربّي نتاث أݣّان تودرت ن دوام س مولانا عيسى لمسيح.