31
لموث ن شاول
1 داي حاربن ئفليسطنيين إسرائيل، رول ئرݣزن ن-إسرائيل زݣ داث ئفلسطينيين أتّوين مّوثن ݣ عاري ن جلبوع.
2 ثفارن ئفلسطينيين شاول د وارّاو نّس، أوثن ئفلسطينيين يوناثان د أبيناداب د ملكي يشوع أرّاو ن شاول.
3 داي وعيرئمنغي خف شاول سيغنث ئيرݣزن ن تݣوري ن نبل "رمى" س لقوس ئيتّورس شيݣان ثيوض ديݣس لحد زݣ ثيثي ن رما،
4 ئنّاس شاول يي ونا داي تساين سلاح نّس: «نزغد تافلا "سيف" نّش ثفليدي ئس حما أدور تدّون ويتخ ؤر ئزݣّين أد-يفلين أها اتعدّان غيفي». أها ؤر ئيري أومساي ن سلاح نّس ئتخ ئيݣد أر لحد، ياسي شاول سيف أها ياتّوي غيفس.
5 ينّاي أومساي ن سلاح نّس ئس ئيمّوث شاول يتوتي أود نتّا خف سيف نّس ئيمث ئيتس،
6 يمث شاول د وارّاو نّس س شراض، د ونا ئتاسين سلاح نّس، ديرݣزن نّس ݣ واسّ نّا كول نّسن،
7 أنّاين ئيرݣزن ن-إسرائيل مايد ئيلاّن ؤورين يي ثالات د مايد ئيلاّن ؤورين يي واسيف ن لأردن، ئتخ رول ئيرݣزن ن-إسرائيل، ئتخ ديخ ئيمّوث شاول د ورّاو نّس زرين تيمدينين دّوند ئفليسطينيين زدغن ديݣسنث،
8 أس ويس سين دّوند ئفلسطينيين أد فتشن ئيمتّين أفينن شاول د وارّاو نّس س شراض أتّوين ݣ عاري ن جلبوع،
9 بّين ئيخف نّس كسناس سلاح نّس، أزن ݣ تمازيرث ئفلسطينيين د مايداس ئيضور أدبشّر ئيغرمان ن لاصنام نّسن د شعب نّسن،
10 سرسن سلاح نّس ݣ تادّارث ن لاصنام ن-عشتاروت ئد لݣنازث نّس سمرنت ݣ لباب ن تمدينث ن بيت شان،
11 سليناس ئيمزداغ ن تمدينث ن يابيش ݣ تمازيرث جلعاد ئيوينّا ݣان ئفلسطينيين يي شاول،
12 كر كول ئرݣزن ئشدّان دّون ئيض مايد ئيلا، أسيند لݣنازث ن شاول د لݣنازاث ن ورّاو نّس زݣ أويادير ن بيت شان دّوند غر تمدينث ن يابيش سغوسنهن دينّا.
13 أسين ئيغصان نّسن مضلثن دّاو نوسكلو ن تاميمايت ݣ يابيش أژومن سبع يام.