3
ناعومي داتدّو ݣيول ن راعوث
1 ثنّاس ثامغارث نس يي راعوث: «أيللّي، إيسور ثريد آدم قلبخ خف شان أورياز: بوثخامث ثخثارث يتّافاد الرّاحث أها يغدويام دييس لحال؟
2 هان بوعز أمكّاسوالنّخ، نّا مي ثكّيد دثخدّامين نس إيلاّ دايزوزّور ثيمژين ݣانرار إيظا.
3 السّيرد الحالث النّم، ثيث الريحث إغّودان إيخف النم، ثلسث لكسوث النّم ثيرث ليژار غيفم أها ثݣُّزث غر أنرار. أدور شم إيتّاكز أوريازأرد إيشمّل أوتشي نس د التسّي نّس.
4 ثادجت أر د-ئݣن، ثيسيند أدغار نّس، ثدّوث ثعرّاث إيظار نس أها ثيند ديس. نتّا ئدّا أد-ام ييني ماي تݣّاث».
5 ثنّاس راعوث: «أينّا ثنّيد كول أتّيخ».
راعوث غر إيظار ن بوعز.
6 ثݣزد غر أنرار أها تݣ كول أينّاس تنّا ثمغارث نّس.
7 إيثش بوعز إيسو أها إسݣونفا. إيدّو أديݣن ثما ن ثافّا. ثدّود راعوث سلحيلث، ثعرّاس إيظار يي بوعز أها ثݣن.
8 نتّا غر أمّاس نييظ، إيخلع أورياز إيظور أديحقّا أها يافن ثامطّوت ثݣن غر إيظار نّس.
9 أها إينّاس: «مايثمسث شم؟» ثنّاس: «نكّ راعوث، ثيسمغث نّش. نزغ شوي ثادولي. سثر ثيسمغث نّش، شݣ أيديّان أمكّاسو نّخ».
10 ينّاس: «يهويه، ربّي أشم إيبارش أثربات ئنو! ليخلاص النّم إيݣودي دغي أويار نوينّا ثييد يي ناعومي، إتخ ورثقلّيبث ولاتسّراث خف إيعرّيمن لا ويد إدجيون ؤلا لمساكين.
11 دغي، أثاربات ئنو أد-ور تݣد. أينّا ثنّيث أتيخ، ئدّخ السّن مدّن كول ي تمدينت ن شّعب ئنو ئد ثامطّوط ن لمعقول غر إيلاّ وادّور أيثݣيث.
12 داي ئنّاياس: سثيث نكّ أيديّّان أمكّاسو النم، ولاينّي إيلاّ يون أومكّاسو إيزواري غورم.
13 القّيم إيٍظا أرثيفاوث مشكم إيفوكّا هان لحال إيغودا أدجث أكم إيفوك. مش أور إيري أكم إيفوكّا، ݣولّيخام س ربّي تفوكّوخشم، غاس الدّو أتݣند أر ثيفاوث».
بوعز د توكّي نس يي راعوث
14 ثݣن غر إيظارنس أرثيفاوت. ثكّر زيك، ي لوقت ي-ور إيتّيسين بنادم أمدّاكل النّس. إينّا بوعز: «أدور إيتّيسين أود يون إيس تدّا ثمطوتّا غر أنرار».
15 إينّاياس: «شيد ليژار النم أمژث». ثامژ ليژار، إعبراس ستّا ن لعبراث ن ثمژيين إيسعاوسثنث أت تنت ثݣرغر ثاداوث. يدّود نتّا غر تمدينت.
16 ثعايد غر ثمغارث النّس ناعومي داي ثنّاس: «مايثعنيث أيللّي؟» أها ثعاوداس راعوث كولشي أينّاس إينّا أورياز.
17 ثنّاياس: «إشايّيد ستّا نتوالث ن ثمژين إنايّي حما أدورتدّوث غر ثمغارث النّم سيفاسن يُوران».
18 داي ثنّياس ثمغارث نس: «صبر أيلّي، أر تّيسينث ماس تفّغ الدعوثا. أوريتهنّا أوريازأر تّيفوك س لمان أسّا».