4
لمَلْك ن ناعومي ي الدلالث
1 داي إݣعد بوعز غر الباب ن تمدينت أها إيقّيم ديس. شوي إيزري أومكّاسو ن راعوث، داي إينّاس بوعز: «عايد قّيم شوي أفلان». إيعايد إيقّيم غورس.
2 إغرد بوعز إعشرا نيمغار زݣ آيث تمدينت أها إينّاسن: «قّيماث غورخ». القّيمين.
3 داي ئنّاياس إومكّاسو: «أمور ن-يماثنخ أليمالك ݣيݣر داتزّنزا ناعومي نّا ديعايدن زݣ لجيهث ن موآب.
4 دغي، ريخش أتسفلت س-ومزّوغ نّش، د التّرخ زݣ دييش دات نيمغار ن شّعب ئنو. مش داتتفوكّوث فوكت. مشور تتفوكّوث إينييث أديسينخ. إتخ أور إيلّي مايت إيتفوكّون غاس شݣ د نكّ ظاراش». إنيّاس: «نكّ أت تفوكّاخ».
5 ئنّاياس بوعز: «أس يتسغيث إيݣر زݣ إفاسن ن ناعومي د راعوث ثاموآبيث، هاثين داتّاولث راعوث ثامطوت نونّا يمّوثن أد ثحيوث إيسم إواد إيمّوثن أدياف مايد إيتكّوسن أمور نس».
6 إينّاياس أومكّاسو: «أورغييخ مايتفوكّوخ نكّ، ؤلا النّيخ أت تفوكّاخ إيخف ئنو، ورالنّيخ أدسوثخ لخظيث يي لورث ئنو. سغث شݣ، شيخاش الحق ئنو ي مسوغث، ورغييخ نكّ مايتفوكّوخ».
بوعز إيفوكّا ناعومي ياول راعوث
7 مشثى أياد، ي لعادا ن-ايث إسرائيل يوفوكّو دومسبادّال ن لورث، حما أد سرصّان مدّن إيواليون. دايتّاسي أورياز الصّنظالا نس أها إيشت إولاهل نس أم الشهات إيساس إيشا أمور نس ي إسرائيل.
8 إينّاياس أومكّاسو إبوعز: «أمژ كولشي أديي وينش». إيكس أومكّاسو الصّنظلا نس أها إيشت يي بوعز.
9 إيسيول بوعز إيمغار د وينّا يحاظر كول إينّاسن: «شاهداث أسّا هاثين سغيخ أينّا إييّان كول وين أليمالك دوينّا إييّان وين كيليون د محلون زݣ ناعومي.
10 أود راعوث ثاموآبيث، ثامطّوت ن محلون، إيويخت إيخفينو أتّيي ثامطوت ئنو، أد حيوخ إيسم إيواد إيمّوثن أدياف ماي تّيتكاسان، أدور ئتّومحو يسم نواد يمّوثن زݣ ومّاس ن آيث ماس ؤلا زݣ تمدينت نس. هاثين ثشاهدم أسّا».
11 النّان مدّن كول نّايقّيمان ي لباب ن تمدينت: «نشاهد. أديي يهويه، ربّي ثامطوتا ديكشمن تخامت نّش تّنبارشث أم راحيل د ليئا إيبنان س سنات نسنث تخامت ن يعقّوب إسرائيل! إيوا سفاظ لخير ي إفراثا ثادجد إيسم ي بيث لحم!
12 أتّيي تادّارت نّش أم تادّارت ن فارص نّا ثورو تامار يي يهوذا، زݣ الزريعث نّا إيسول يهويه، ربّي أداش إيش زݣ ثرباتّا».
13 ياوي بوعز راعوث ثي ثامطوت نس. يسين بوعز ثامطوت نس. إيشاس يهويه، ربّي تاروا، ثاسي أر التّارو أها ثارو (تيرو) لعيل.
14 النّانثاس ثوثمين إناعومي: «نحمداست يي يهويه، ربّي إيبارش إيسم نس نّا ؤر شم يودجّين بلا مايشم إيتكّوسن أسّا. أدج إيسم نس أد-يتّوبارش ي إسرائيل س ماس ثلاّ كول.
15 أشمي ديرار أوربا ن ثسليت النّم غر الدونيث أها إيسعاونام كوسّان ن ثوسر النّم. ثوروامث ثسليت النّم نّا خف ثعزّث، نّا ميݣّان لخير نّا أورام التݣّان سبعا ن ورّاو».
16 ثاسي ناعومي لعيل ݣيغيل نس، أرث ثسيما أها أرغورس ترارا لبال.
17 أراس القّارنث ثادجّارين س-ييسم النّانث: «إثيارواس يي ناعومي لعيل». أراس القّارنث إلعيل عوبيد، نّا إيسول أديارو يسّا البّانس ن داوود نّا الدّان أديي لمليك.
تاروا ن فارص