Cuu Dulli (Genèse) 10

Cuu cwaa'n cɔ̃mmã

Dɔkɩnkan'n nɔ̃l'n furũũgɩ nã, Nũhũ byanããbà siɛl báà mãã Sɛmw, Kamw, nǝ̃ Safɛtɩw, bà díɛ́ gùú byanããba, bàá nũɔ̃ntaa'n cɔ̃mmã-i nnĩĩ:

2 Safɛtɩ byanããbaa yáá nǝ̃ Gomɛrw, Mãgɔgɩw, Mãdayiw, Yavãw, Tubalw, Misɛkɩw nǝ̃ Tiirasɩw.

3 Gomɛr byanããbaa yáá nǝ̃ Asɩkinasɩw, Erfatɩw nǝ̃ Togarɩmãw.

4 Yavã byanããbaa yáá nǝ̃ Elisaw, Tarsisɩw, Kitimw nǝ̃ Wurodanimw.

5 Cwaabaa mãã bà jáa buruɔ ǹ-ba hũm'n nũɔ̃gɩ nã pla pla, cwaa wo cwaa nǝ̃ bà liɛga, nǝ̃ bà mãã bà waa gùú tammãã mãã bà nũɔ̃gɩ nã, nǝ̃ ǹ-vaa nǝ̃ bà cwansǝ'n tammã nã, nǝ̃ bà plaaga nã, bà hlǝ́rá bàá nã-i.

6 Kam byanããbaa yáá nǝ̃ Kuusǝw, Misɩramw, Putɩw nǝ̃ Kanããw.

7 Kuusǝ byanããbaa yáá nǝ̃ Sebaw, Havilãw, Sabɩtaw, Armãw nǝ̃ Sabɩtekaw. Armã byanããbaa yáá nǝ̃ Sabaw, nǝ̃ Dedãw.

8 Kuusǝw díɛ́ Nemurodɩ yo, wù-lǝ wùú dĩ́ɛ̃lã́ ǹ-ba cuu kũnkonblaw.

9 Wù yáá donsotihuhoryǝ-i Fɩraa-Dũnnũ'n yinɲã nã, gùú cíé bá ba bà waa wà: «Donsotihuhoryǝw Fɩraa-Dũnnũ'n yinɲã nã nã́ã́ Nemurodɩ-i.»

10 Wù dĩ́ɛ̃lã́ ǹ-jiraa yuuntasǝrɩ nã gùú liɛ'n yuugɩ nã, Sineyar yiɛgu, gà-i nnĩĩ: Babɛl lǝri, Erɛkɩ lǝri, Akadɩ lǝri nǝ̃ Kalne lǝri.

11 Nemurɔdɩẃ juo hlǝ gɩ̀ yiɛgɩ nã ǹ-maar Asirii yiɛgu, ǹ-kãã mã Ninive lǝri, Erhovotɩ lǝri, nǝ̃ Kala lǝri.

12 Nã̀ã mã Ersɛ̃n lǝri, Ninive lǝri nǝ̃ Kala lǝ'n sǝ̃ǝ̃gɩ nã. Dɩ̀-i lǝgǝ̃ngããri.

13 Misɩram huɔnbiiba-i nǝ̃ Ludɩ nũɔ̃ntaaba, Anamim nũɔ̃ntaaba, Lehabim nũɔ̃ntaaba, Nafɩtuhim nũɔ̃ntaaba,

14 Patrɔsɩ yiɛntaaba, nǝ̃ Kasɩlu nũɔ̃ntaabaa mãã Filisɩ yiɛntaabà hlǝ́rá bà nã, nǝ̃ Kafɩtɔr nũɔ̃ntaaba.

15 Kanããw díɛ́ Sidɔ̃w bá nǝ̃ Hitɩw. Sidɔ̃w-i wù byadĩɛ̃lw.

16 Kanããw-i Sebuusɩ nũɔ̃ntaaba, Amoritɩ nũɔ̃ntaaba, Girgasitɩ nũɔ̃ntaaba,

17 Hivitɩ nũɔ̃ntaaba, Arki nũɔ̃ntaaba, Sinɩtɩ nũɔ̃ntaaba,

18 Arvadɩ lǝntaaba, Sɩmartɩ bluuba nǝ̃ Hamatɩ nũɔ̃ntaa'n tǝvũnvũɔ̃w. Gɩ̀ furũũgɩ nã, Kanãã yiɛntaabá juo pisɩrĩɛ̃.

19 Bà yiɛ'n hlɔ̃mmã̀ yáá mã̀ã tuu Sidɔ̃ lǝrɩ nã ǹ-maar Geragu, fuwɔ ǹ-ga hlǝ Gasa lǝ'n yiɛgu, ǹ-tuu Sodɔm lǝri, Gomɔr lǝri, Adamã lǝri nǝ̃ Seboyim lǝ'n yiɛgu, fuwɔ ǹ-ga hi Lesa lǝri.

20 Kam huɔnbii'n nũɔ̃guu yáá nĩĩgu, ǹ-vaa nǝ̃ bà cwansǝ'n tammã, bà mãã bà waa gùú tammãã mãã, nǝ̃ ǹ-vaa nǝ̃ bà liɛga, nǝ̃ bà plaaga.

21 Safɛtɩ vũnvũɔ̃ Sɛm yo, wú da byanãã. Ebɛrw nǝ̃ wù nũɔ̃ntaaba min bà hlǝ́rá wùú nã-i.

22 Sɛm byanããbaa yáá nǝ̃ Elamw, Asuurw, Arpasadɩw, Ludɩw, nǝ̃ Aramw.

23 Aram byanããbaa yáá nǝ̃ Usɩw, Hulw, Getɛrw nǝ̃ Masɩw.

24 Arpasadɩw díɛ́ Selaw, Selaẃ da Ebɛrw.

25 Ebɛrẃ juo da byanããba hǝ̃ǝ̃l: wuudĩɛ̃l'n huumã nã, hlɔ̃mmã̀ mãã mã̀ yáá mã̀ã buruɔ, bá suu-yǝ wà Pɛlɛgɩ, nã̀ã suu wù hǝ̃ǝ̃w wà Yɔkɩtãn.

26 Yɔkɩtãnẃ juo da Almɔdadɩw, Selɛfɩw, Hasɩmãvɛtɩw, Yeraw,

27 Hadoramw, Uusalw, Dɩklaw,

28 nǝ̃ Obalw, Abimãyɛlw, Sabaw,

29 Ofirw, Havilãw, nǝ̃ Yobabɩw bà-lǝ bà min Yɔkɩtãn byanããba dɩn-i.

30 Bà járrá gùú yiɛgu, gɩ̀ yáá gùu tuu Mesagɩ nã, Sefarɩ yiɛgu, ǹ-ga hi tãnũnɲãã mãã bǝ̃ǝ̃'n pal'n yiɛgu.

31 Sɛm huɔnbii'n nũɔ̃gu yáá nĩĩgu, ǹ-vaa nǝ̃ bà cwansǝ'n tammã, bà mãã bà waa gùú tammãã mãã, nǝ̃ ǹ-vaa nǝ̃ bà liɛga, nǝ̃ bà plaaga.

32 Nǝ̃ Nũhũ byanãã'n nũɔ̃ntaabaa yáá nĩĩgu, ǹ-vaa nǝ̃ bà cwansǝ'n nɔ̃nɲã, nǝ̃ bà plaaga. Dɔkɩnkan'n nɔ̃l'n furũũgɩ nã, coplaaga min gà hlǝ́rá bàá nã-i ǹ-buruɔ ǹ-ba cuuw nã.