Cuu Dulli (Genèse) 5

Adɩmã nũɔ̃ntaa'n cɔ̃mmã

Adɩmã nũɔ̃ntaa'n cɔ̃m'n sɛbɛw-i nnĩĩ: Gùú yuuguu mãã Dũnnũẁ nǝ̃́ǝ̃lã́ curow, wù nǝ̃́ǝ̃lã́-yǝ nǝ̃ wù yurummã-i, wú ba wùú tammã.

2 Wú nǝ̃ǝ̃ bibiɛw nǝ̃ cijalw, nã̀ã piɛ wù nãkrɔfɩnfaagu bà drɔ nã̀ã suu-ba wà «cwaanbii» bà nǝ̃ǝ̃m'n yuugu.

3 Adɩmãẁ gáa da bii gundii nǝ̃ bii gur nǝ̃ nũɔ̃sɔ̃w, wú da bíɛ́, ǹ-suu wù yiiri wà Sɛtɩ. Sɛtɩẁ yáá wù tǝ tammã-i gbɩla.

4 Sɛtɩ huum'n furũũgɩ nã, Adɩmãẃ ce bii tonnũɔ̃sɔ̃ (800) ǹ-pya nã hlo, nã̀ã da tãnkuuraadaba ǹ-pya nã hlo.

5 Adɩmãẁ díɛ́ bii tonnũɔ̃sɔ̃ nǝ̃ bii gundii nǝ̃ gur nǝ̃ nũɔ̃sɔ̃-i (930), nã̀ã fǝ̃ǝ̃ ǹ-ku.

6 Sɛtɩẁ gáa da bii gundii nǝ̃ biiga ndii, wú da Enɔsɩw.

7 Enɔsɩ huum'n furũũgɩ nã, Sɛtɩẃ ce bii tonnũɔ̃sɔ̃ nǝ̃ bii nɩrhǝ̃ǝ̃l (807), nã̀ã da tãnkuuraadaba ǹ-pya nã hlo.

8 Sɛtɩẁ díɛ́ bii tonnũɔ̃sɔ̃ nǝ̃ bii gundii nǝ̃ nũɔ̃sɔ̃ nǝ̃ gà hǝ̃ǝ̃lga-i (912) nã̀ã fǝ̃ǝ̃ ǹ-ku.

9 Enɔsɩẁ gáa da bii jiɛtuu nǝ̃ nũɔ̃sɔ̃w, wú da Kenãnɩw.

10 Kenãnɩ huum'n furũũgɩ nã, Enɔsɩẃ ce bii tonnũɔ̃sɔ̃ nǝ̃ bii nũɔ̃sɔ̃ nǝ̃ gà ndii (815) ǹ-pya nã, nã̀ã da tãnkuuraadaba ǹ-pya nã hlo.

11 Enɔsɩẁ díɛ́ bii tonnũɔ̃sɔ̃ nǝ̃ bii gundii nǝ̃ gà ndii-i (905) nã̀ã fǝ̃ǝ̃ ǹ-ku.

12 Kenãnɩẁ gáa da bii gwasiɛl nǝ̃ nũɔ̃sɔ̃w, wú da Mãhalɛlw.

13 Mãhalɛl huum'n furũũgɩ nã, Kenãnɩẃ ce bii tonnũɔ̃sɔ̃ nǝ̃ bii gwaahǝ̃ǝ̃l (840) ǹ-pya nã, nã̀ã da tãnkuuraadaba ǹ-pya nã hlo.

14 Kenãnɩẁ díɛ́ bii tonnũɔ̃sɔ̃ nǝ̃ bii gundii nǝ̃ nũɔ̃sɔ̃-i (910), nã̀ã fǝ̃ǝ̃ ǹ-ku.

15 Mãhalɛlẁ gáa da bii gwasiɛl nǝ̃ gà ndiiga, wú da Sɛrɛdɩw.

16 Sɛrɛdɩ huum'n furũũgɩ nã, Mãhalɛlẃ ce bii tonnũɔ̃sɔ̃ nǝ̃ bii gur nǝ̃ nũɔ̃sɔ̃ (830) ǹ-pya nã, nã̀ã da tãnkuuraadaba ǹ-pya nã hlo.

17 Mãhalɛlẁ díɛ́ bii tonnũɔ̃sɔ̃ nǝ̃ bii jiɛtuu nǝ̃ nũɔ̃sɔ̃ nǝ̃ gà ndiiga-i (895) nã̀ã fǝ̃ǝ̃ ǹ-ku.

18 Sɛrɛdɩẁ gáa da bii gundii nǝ̃ bii gwasiɛl nǝ̃ gà hǝ̃ǝ̃lga, wú da Enɔkɩw.

19 Enɔkɩ huum'n furũũgɩ nã, Sɛrɛdɩẃ ce bii tonnũɔ̃sɔ̃w (800) ǹ-pya nã, nã̀ã da tãnkuuraadaba ǹ-pya nã hlo.

20 Sɛrɛdɩẁ díɛ́ bii tonnũɔ̃sɔ̃ nǝ̃ bii gundii nǝ̃ gwasiɛl nǝ̃ gà hǝ̃ǝ̃lga-i (962) nã̀ã fǝ̃ǝ̃ ǹ-ku.

21 Enɔkɩẁ gáa da bii gwasiɛl nǝ̃ gà ndiiga, wú da Mãtusalɛmw.

22 Mãtusalɛm huum'n furũũgɩ nã, Enɔkɩẃ ce bii gundii bà siɛlba (300) ǹ-pya nã, ǹ-ba wù wáà Dũnnũ hlũũgu sũɔ̃lɩmmã nã, nã̀ã da tãnkuuraadaba ǹ-pya nã hlo.

23 Enɔkɩẁ cíé bii gundii bà siɛl nǝ̃ bii gwasiɛl nǝ̃ gà ndiiga-i (365).

24 Enɔkɩẁ mãã wù bla wù wáà Dũnnũ hlũũgu nǝ̃ sũɔ̃lɩmmã nnĩĩ nã, wù ji paa ǹ-ka ǹ-vaalaa nnĩĩ gbɩla. Sulammã nã, Dũnnũ-lǝ wùú yáá wùu juo tuu ǹ-ta nǝ̃-yǝ.

25 Mãtusalɛmẁ gáa da bii gundii nǝ̃ bii jiɛtuu nǝ̃ nɩrhǝ̃ǝ̃lw, wú da Lemɛkɩw.

26 Lemɛkɩ huum'n furũũgɩ nã, Mãtusalɛmẃ ce bii tũndii gundii bà siɛl nǝ̃ bii jiɛtuu nǝ̃ gà hǝ̃ǝ̃l (782) ǹ-pya nã, nã̀ã da tãnkuuraadaba ǹ-pya nã hlo.

27 Mãtusalɛmẁ cíé bii tonnũɔ̃sɔ̃ nǝ̃ bii gundii nǝ̃ gwasiɛl nǝ̃ densǝ wɩ̀-i (969) nã̀ã fǝ̃ǝ̃ ǹ-ku.

28 Lemɛkɩẁ gáa da bii gundii nǝ̃ bii jiɛtuu nǝ̃ gà hǝ̃ǝ̃lga, wú da bíɛ́.

29 Wú suu-yǝ Nũhũ. Dɩ̀ yuugɩ-i wà: Fɩraa-Dũnnũw mãã wù píɛlá wù nãkrɔbɩblaagu cuu hlɔ̃mmã drɔ nǝ̃ gùú ywaruuguu mãã gɩ́ ba yì drɔ, wùú ga juo hinĩɛ̃ yì ɲiɲirãmmã.

30 Nũhũ huum'n furũũgɩ nã, Lemɛkɩẃ ce bii tũndii nǝ̃ bii gundii nǝ̃ jiɛtuu nǝ̃ nũɔ̃sɔ̃ nǝ̃ gà ndii (595) ǹ-pya nã, nã̀ã da tãnkuuraadaba ǹ-pya nã hlo.

31 Lemɛkɩẁ díɛ́ bii tũndii gundii bà siɛl, nǝ̃ bii gwasiɛl nǝ̃ nũɔ̃sɔ̃ nǝ̃ nɩrhǝ̃ǝ̃lw-i (777) nã̀ã fǝ̃ǝ̃ ǹ-ku.

32 Nũhũẁ gáa da bii tũndii nǝ̃ bii gundiiw (500), wú da byanããba siɛl, Sɛmw, Kamw nǝ̃ Safɛtɩw.