روحی ناغماتلار
۱۲
ایندی بُلسا، اِی عزیزلِر، مِن سیزینگ مُقادِّس روحونگ ناغماتلاری باباتدا خابارلی بُلماغینگیزی ایسلِیَرین.
۲ یادینگیزدامی، سیز بُت‌پَرَستکَنگیز، دیلسیز-آغیزسیز بُتلارینگ ایزینا دوشوپ، اُلارا چِکیلیَردینگیز.
۳ شُنگا گُرَه-ده، شونی آچیق دوشونمِگینگیزی ایسلِیَرین: خودایینگ روحی بیلِن کِپلِیَن اینسان: «عیسی لَعنِت بُلسون!» دییمِز و مُقادِّس روح بیلدیرمِسه اینسان: «عیسی تانگریدیر!» دییّپ بیلمِز.
۴ ناغماتلار هِر هیلیدیر، اِمّا اُلارینگ باری شُل بیر مُقادِّس روحداندیر.
۵ خیدماتلار هِم هِر هیلیدیر، اِمّا اُلارینگ باری شُل بیر تانگری عیسی اوچیندیر.
۶ عِمِل‍لِر هِم هِر هیلیدیر، اِمّا هِر کیمده هِمّه زادی اِدیَن شُل بیر خودایدیر.
۷ هِر کیمده مُقادِّس روحونگ آیان بُلماغی هِمّه‌لِرینگ پِیداسی اوچیندیر.
۸ مُقادِّس روح کیمدیر بیرینه حِکمِت بیلِن، یِنه بیرینه عیلیم بیلِن اُورِتمِک ناغماتینی بِریَر.
۹ باشغا بیرینه شُل مُقادِّس روحونگ اوستو بیلِن اولی ایمان و یِنه بیرینه شِفا بِرمه ناغماتلارینی بِریَر.
۱۰ اُل باشغا بیرینه مُعجِزه‌لِر گُرکِزمه، باشغاسینا نبوّتلیق و یِنه بیرینه روحلاری سایغارما، باشغا بیرینه بِلّی دَل دیل‍لِر، یِنه بیرینه بو دیل‍لِری مَعنیلِندِرمه ناغماتینی بِریَر.
۱۱ بولارینگ بارینی یِکه بیر مُقادِّس روح اِدیَندیر. اُل هِر کیمه اُز ایسلِیشینه گُرَه بِریَندیر.
بیر بِدِن اِمّا هِر هیلی اعضا
۱۲ بِدِن بیر بُلسا-دا، اعضالاری کَندیر. اعضالاری کَن بُلسا-دا، اُلار هِمّه‌سی بیر بِدِنی عِمِله گِتیریَرلِر. مسیح باباتدا هِم شِیلِدیر.
۱۳ چونکی بیز کیم بُلساق-دا: یَهودیمی، یَهودی دَلمی، قولمی، آزادمی – تَفاوُتی یُق، باریمیز بیر بِدِن بُلماق اوچین، بیر مُقادِّس روحا تَعمیدلِندیک. بیزینگ باریمیز بیر مُقادِّس روحی قابول اِتدیک.
۱۴ بِدِن بیر اعضادان عیبارات دَلدیر. اُنونگ اعضاسی کَندیر.
۱۵ اِگِر آیاق: «مِن اِل دَل، مِن بو بِدِنه دِگیشلی دَل» دییِنی بیلِن بِدِنینگ اعضاسی بُلمان بیلمِز.
۱۶ و اِگِر قولاق هِم «مِن گُز دَل، مِن بو بِدِنه دِگیشلی دَل» دییسه-ده، بِدِنینگ اعضاسی بُلمان بیلمِز.
۱۷ اِگِر هِمّه بِدِن گُز بُلان بُلسا، اُندا اُل نَدیپ اِشیدِردی؟ اِگِر هِمّه بِدِن قولاق بُلان بُلسا، اُندا اُل نَدیپ ایس آلاردی؟
۱۸ اِمّا خودای هِمّه اعضالاری بیر بِدِنده یِرلِشدیریپ، اُلارینگ هِر بیرینی اُز ایسلِیشینه گُرَه قُیدی.
۱۹ اِگِر اعضالارینگ باری هایسیدیر بیر اعضا بُلان بُلسا، اُندا بِدِن نیرِده بُلاردی؟
۲۰ آصلیندا اعضالار کَن، اِمّا بِدِن بُلسا بیردیر.
۲۱ گُز اِله: «سِن مانگا گِرِک دَل!» دییّپ بیلمِیَر. کِلّه هِم آیاقلارا: «سیز مانگا گِرِک دَل!» دییّپ بیلمِیَر.
۲۲ تِرسینه، بِدِنینگ اِجیز گُرونیَن اعضالاری خاص گِرِکلیدیر.
۲۳ حُرماتسیزراق گُرونیَن اعضالارا خاص آیراتین حُرمات قُییاریس. گِلشیکسیز گُرونیَن اعضالاریمیز بارادا آیراتین فیکر اِدیَریس.
۲۴ بِدِنینگ گِلشیکلی اعضالاری بُلسا شِیله بیر فیکره مَحتَج دَلدیر. خودای بِدِنینگ اعضالارینی بیریکدیرِنده، اُنونگ اَهمییِتسیز گُرونیَن اعضالارینا خاص کَن حُرمات قُیدی.
۲۵ اُل مونی بِدِنده هیچ بُلونچیلیک بُلمان، اعضالار بیری-بیری بارادا دِنگ دِرِجه‌ده فیکر اِتسینلِر دییّپ اِتدی.
۲۶ اِگِر بیر اعضا حُرلوق چِکسه، بِیلِکی اعضالار هِم حُرلوق چِکِرلِر، و اِگِر بیر اعضا حُرماتلانیلسا، هِمّه اعضالار مونگا شاتلانار.
۲۷ سیزینگ هِمَّه‌نگیز عیسی مسیحینگ بِدِنیسینگیز و هِر بیرینگیز بِدِنینگ بیر اعضاسیسینگیز.
۲۸ خودای کِلیسادا اَوَّل رِسول‍لاری، سُنگرا نبوّت اِدیَنلِری، اوچونجی مُعلِّملِری بِلِّدی. سُنگرا مُعجِزه گُرکِزیَنلِری و شِفا بِریَنلِری، یاردیم بِریَنلِری و مُدیرلاری، سُنگرا بِلّی دَل دیل‍لِرده گورلِیَنلِری بِلِّدی.
۲۹ اُندا هِمّه‌لِر رِسولمیدیر؟ هِمّه‌لِر نبوّت اِدیَنلِرمیدیر؟ هِمّه‌لِر مُعلِّم‌میدیر؟ هِمّه‌لِر مُعجِزه گُرکِزیَنمیدیر؟
۳۰ شِفا بِرمه ناغماتی هِمّه‌لِرده بارمی؟ هِمّه‌لِر بِلّی دَل دیل‍لِرده گورلِیَرمی؟ هِمّه‌لِر بو دیل‍لِرده آیدیلانلاری دوشوندیریپ بیلیَرمی؟
۳۱ یُنه سیز خاص اولوراق ناغماتلاری آلماغا ایخلاص اِدینگ. ایندی بُلسا سیزه اینگ قاوی یُلی گُرکِزِیین.