پولسینگ نامه‌سی رومیلارا
تانیشلیق
پولسینگ بو نامه‌سی روم شَهریندَکی کِلیساسینا یازیلاندیر. بو کِلیسانگ اعضالارینینگ آراسیندا دینگه یَهودیلِر دَل، اُندان باشغا بِیلِکی میلِّتلِرینگ هِم آداملاری باردی. شو نامه‌نگ یازیلان دُورونده پولس روما گیتمِگی یورِگینه دوووپدی. اُل بو نامه‌نی رومداقی ایماندارلاری اُزی و واغیظ اِدیَن خوش خابارینینگ تَعلیماتی بیلِن تانیشدیرماق اوچین یازیار. رِسول پولس عیسی مسیح باراداقی خوش خاباری اِسپانیادا هِم واغیظ اِتمِک اوچین رومداقی ایماندارلارینگ کُمِگینه مَحتَجدیگینی اُز نامه‌سیندا آغزایار.
پولس اُزونینگ هِنیز تانیمایان آداملارینا نامه یازیپ، اُلارا عیسی مسیح و ایمان باراداقی تَعلیماتینگ آصیل مَعنیسینی و خودایینگ نِجات بِرشینی دوشوندیریَر. نامه‌نگ اِساسی فیکری شِیله سُزلِمده جِملِنِندیر: «خوش خابار خودایینگ آداملاری نَدیپ تاقوالی حاساپلایاندیغینی آیان اِدیَر. اُل ایمان گِتیریَنلِری، هاووا، دینگه ایمان گِتیریَنلِری آقلایار.» (۱:۱۷)
بولاردان باشغا-دا، پولس یَهودیلِر بیلِن بِیلِکی میلِّتلِرینگ اُزآرا قاتناشیقلاری، مسیحیلِر بیلِن حاکیمییِت یُلباشچیلارینینگ قاتناشیقلاری بارادا کَن یازیار. رِسول پولس عیسی مسیحه ایمان اِدیَن آدامینگ دورموشینینگ هِمیشه‌لیک اویتگِیَندیگی بارادا یازیار. اُل شِیله آدامینگ مُقادِّس روحدان دُلیاندیغینی، دورموشینینگ مسیحیلیک سُیگوسیندِن ایلهاملانیاندیغینی آیراتین گُرگِزیَر.
ماضمونی
سالاملار و دُغالار ۱:۱-۱۷
خودایینگ اُوونده هِمّه‌لِر گونَه‌کَردیر ۱:۱۸–۳:۲۰
خودای گونَه‌کَرلِری نَدیپ آقلایار؟ ۳:۲۱–۴:۲۵
ایمانلی دورموشدا یاشاماق ۵:۱–۸:۳۹
خودای اسرائیل خالقینا طاراف اُورولیَر ۹:۱–۱۱:۳۶
مسیحینگ بِدِنیندَکی دورموش ۱۲:۱–۱۵:۱۳
پولسینگ گِزِلِنچ اِدِن یِرلِری و آخیرقی سالاملار ۱۵:۱۴–۱۶:۲۷