پولسینگ بیرینجی نامه‌سی قُرِنتُس‌لارا
تانیشلیق
روم ایمپِراطُریندا قُرِنتُس دیلیَن شَهر باردی. بو شَهر یونانینگ آخائیه وِلایاتینینگ مُهِم بیر تِجارات مِرکِزی حاساپلانیاردی. قُرِنتُس‌دا هِر هیلی میلِّت و اُز مِدِنییِتلِری بیلِن یاشایانلار هِم باردی. اِمّا بولاردان باشغا-دا قُرِنتُس‌داقی آخلاقسیزلیق هِم هِمّه یِرده آغزا-دیله دوشوپدی.
قُرِنتُس‌داقی کِلیسانی پولس قوروپدی. اِمّا بیرنَچه واقت گِچِندِن سُنگ پولس ایماندارلارینگ اوستو بیلِن قُرِنتُس کِلیساسینینگ قینچیلیقلاریندان خابارلی بُلدی. پولس بو نامه‌سینی نَمه نییِت بیلِن یازاندیغینی شِیله آیدیار. بیرینجی نییِتی، کِلیسانینگ قینچیلیقلارینی نَهیلی چُزمِلیدیگینینگ یُلونی گُرکِزیَر. سُنگرا بُلسا پولس قُرِنتُس کِلیساسینینگ سُراغلارینا جُغاپ بِریَر. قُرِنتُس کِلیساداقی مُهِم قینچیلیقلار بُلسا شوندان عیبارات: بُلونیشیکلِر، آخلاقسیزلیقلار، نیکاح و اُیلِنمه، وِجدان و کِلیساداقی تِرتیبلِر، مُقادِّس روحونگ ناغماتلاری و دیریلیش بارادا. آخیریندا پولس ۱۳‑نجی بابدا اینگ قاوی خودایینگ یُلی سُیگیدیر دییّپ قُرِنتُس‌داقی ایماندارلارا آیدیار.
ماضمونی
سالاملار و دُغالار ۱:۱-۹
بُلونیشیکلِر ۱:۱۰–۴:۲۱
نیکاح و اُیلِنمِلِر ۵:۱–۷:۴۰
اییمیت و قربانیلیق ۸:۱–۱۰:۳۳
کِلیساداقی ییغنانیشلیق ۱۱:۲–۱۴:۴۰
دیرِلیش بارادا ۱۵:۱-۵۸
شَخصی ایسلِگلِر و سالاملار ۱۶:۱-۲۴