سُیگی
۱۳
اِگِر اینسانلارینگ و پِریشده‌لِرینگ دیل‍لِرینده گورلَپ-ده، سُیگیم بُلماسا، جینگّیردایان زِنگ و یا-دا ایچی بُش دومبِک یالیدیرین.
۲ اِگِر نبوّتلیق ناغماتیم بُلوپ-دا، هِمّه سیرلاری و عیلیملاری بیلیپ-ده، داغلاری سویشورمَگَه گویچلی ایمانیم بُلوپ-دا، سُیگیم بُلماسا، مِن هیچدیرین.
۳ اِگِر مِن هِمّه مال-مولکیمی قاریپ-قاسارلارا پایلاپ-دا و بِدِنیمی یاقماغا بِریپ-ده، سُیگیم بُلماسا، بولارینگ مانگا هیچ پِیداسی یُقدور.
۴ سُیگی صابیرلی و مِهرِباندیر. سُیگی باخیل‍لیق اِدیَن دَلدیر و اُزونه قاباریاندَلدیر. سُیگی مَغرور دَلدیر،
۵ بی‌آبرایچیلیق اِتمِیَر. سُیگی اُز پِیداسینی گُزلِمِیَر، قاهارلانمایار و کینه ساقلامایار.
۶ سُیگی یامانلیغا شاتلانمایار، اِمّا حاقیقاتا شاتلانیاندیر.
۷ سُیگی هِمّه زاد بیلِن چیقیشیاندیر، اِلمیداما اینانیاندیر. سُیگی هیچ هاچان اومیددان دوشیَن دَلدیر و هِر حالدا جیدایاندیر.
۸ نبوّتلیقلار تاماملانار، دیل‍لِر ییتِر و بیلیم قوتارار، اِمّا سُیگی بُلسا آصلا توکِنمِز.
۹ چونکی بیز حَضیر آزاجیق بیلیَریس و آزاجیق نبوّتلیق اِدیَریس.
۱۰ اِمّا کَمیل‍لیک گِلِنده، آزاجیق زاتلار تاماملانار.
۱۱ مِن چاغاقام، چاغا یالی گورلِیَردیم، چاغا یالی فیکرلِنیَردیم و چاغا یالی دوشونیَردیم. اِمّا اولالیپ کِمالا گِلِنیمده، چاغالیق ایشلِرینی تِرک اِتدیم.
۱۲ حَضیر هِمّه زادی توتوق آینادان گُریَن یالی گُریَریس. اِمّا سُنگرا هِمّه زادی یوزبه-یوز گُرِریس. مِن حَضیر آزاجیق بیلیَرین، یُنه شُندا خودایینگ مِنی کَمیل تانیشی یالی کَمیل تانییارین.
۱۳ حَضیر شو اوچوسی قالیار: ایمان، اومید و سُیگی. اِمّا بولارینگ اینگ اولوسی بُلسا سُیگودیر.