عیسی اورشلیمه گیریَر
۱۱
عیسی بیلِن شَگیرتلِری اورشلیمه قُلایلاپ، زِیتون داغینینگ آشاغینداقی بِیت‌فاجی بیلِن بِیت‌عَنیا گِلِنلِرینده، عیسی ایکی شَگیردینی یُلّاپ،
مَرقُس ۱۱:۱-۱۱
۲ اُلارا: «اُوونگیزدَکی اُبا بارینگ. اُبانینگ ایچینه گیرِن یِرینگیزده دانگیلغی دوران کورّه اِشِک تاپارسینگیز، اُنونگ اوستونه شو واقتا چِنلی هیچ کیم مینِن دَلدیر. اُنی چُزونگ-ده، آلیپ گِلینگ.
۳ اِگِر بیری سیزه: ”نَمه اوچین بِیله اِدیَرسینگیز؟“ دییسه، اُنگا: ”بو کورّه اِشِک اُستادا گِرِک، اُنی باسیم ایزینا ایبِرِر“ دییّپ آیدینگ» دییدی.
۴ شَگیرتلِر گیتدیلِر و کوچه‌ده بیر قاپینینگ آغزیندا دانگیلغی دوران کورّه اِشِگی تاپیپ، اُنی چُزدولِر.
۵ اُل یِرده دوران بیرنَچه کیشی اُلارا: «نَمه اوچین کورّه اِشِگی چُزیَرسینگیز؟» دییّپ سُرادیلار.
۶ اُلار-دا عیسانینگ آیدانینی آیتدیلار. اُنسُنگ یانگقی آداملار اُلاری گُیبِردیلِر.
۷ کورّه اِشِگی عیسانینگ یانینا گِتیریپ، اُز دُنلارینی اُنونگ اوستونه آتدیلار. عیسی-دا کورّه اِشِگه میندی.
۸ کَن آداملار دُنلارینی، کَبیرلِری-ده باغلاردان کِسِن شاخالارینی یُلا دوشِدیلِر.
۹ اُودِن باریانلار و ایزدان گِلیَنلِر:
«خودایا اُوگولِر بُلسون!
خودایینگ آدیندان گِلیَنه موبارِک بُلسون!*
۱۰ آتامیز داوودینگ قُلایلان پادیشاهلیغی قوتلی بُلسون،
آسمانلاردا اُوگولِر بُلسون!» دییّپ قیغیریشیاردیلار.
۱۱ عیسی اورشلیمه باریپ، عیباداتخانا گیردی. داش-تُوِرِگیندَکی هِمّه زاتلاری گُزدِن گِچیردی. سُنگرا گون باتیپ باریاندیغی اوچین، اُن ایکی شَگیردی بیلِن بیلِلیکده بِیت‌عَنیا گیتدی.
اینجیر باغینا قارغیش
۱۲ اِرتِسی گون بِیت‌عَنیادان چیقانلاریندا، عیسی آجیقدی.
مَرقُس ۱۱:۱۲-۳۳
۱۳ داشراغدا گور یاپراقلی بیر اینجیر باغینا گُزی دوشِنده، اُندان اینجیر تاپمازمیقام دییّپ، باغا طاراف یُرِدی. اُنونگ یانینا گِلِنده، اُندان یاپراقدان باشغا هیچ زات تاپمادی، سِبَبی اینجیر واقتی دَلدی.
۱۴ عیسی باغا: «دِگمه، موندان بِیلَک سِندِن هیچ کیم میوه اییمِسین!» دییدی. شَگیرتلِری هِم مونی اِشیتدیلِر.
عیسی ساتیانچیلاری عیباداتخانادان قُویار
۱۵ سُنگرا اُلار اورشلیمه گِلدیلِر. عیسی عیباداتخانانینگ حایاطینا گیریپ، اُل یِردَکی ساتیانچیلاری، آلیانچیلاری قُوماغا باشلادی. پول چالیشیانلارینگ تاغچالارینی، کِپدِر ساتیانلارینگ جایلارینی آغداردی.
۱۶ هیچ کیمه عیباداتخانینگ حایاطیندان قُشلارینی گِچِرمَگَه اِجازا بِرمِدی.
۱۷ اُلارا اُورِتمِک بیلِن: «”مِنینگ اُیوم هِمّه میلِّتلِر اوچین عیبادات اُیی دییلیپ آدلاندیریلار“ دییّپ یازغیلی دَلمی نَمه؟ اِمّا سیز مونی اُغورلارینگ جایینا اُووروپسینگیز» دییدی.*
۱۸ مونی اِشیدِن یُلباشچی کاهینلار بیلِن دین عُلَمالار عیسانی اُلدورمِگینگ فیکرنه دوشدولِر. اُلار عیسادان قُرقیاردیلار، سِبَبی هِمّه خالق عیسانینگ تَعلیماتینا حایران قالیاردیلار.
۱۹ آغشام دوشِنده، عیسی بیلِن شَگیرتلِری شَهردِن چیقیپ گیتدیلِر.
اینجیر باغیندان آلینمالی دِرس
۲۰ ایر سَحِر بیلِن گِچیپ باریارقالار، اُلار شُل اینجیر باغینینگ کُکی بیلِن قوراندیغینی گُردولِر.
۲۱ پِطرُس بُلوپ گِچِن واقانی یادلاپ: «اُستاد، سِراِت! سِنینگ لَعنِتلَن اینجیر باغینگ قوراپدیر» دییدی.
۲۲ عیسی اُلارا شِیله جُغاپ بِردی: «خودایا ایمان گِتیرینگ.
۲۳ سیزه دُغروسینی آیدیارین، کیم یورِگینده شِک یُل بِرمَن، آیدیانینینگ بُلجاقدیغینا ایمان گِتیریپ، شو داغا: ”گُتِریل-ده، دِریایا زینگیل“ دییسه-ده، اُنونگ آیدانی بُلار.
۲۴ شُنونگ اوچین سیزه دییَّرین: دُغا-دیلِگ اِدیپ، خودایدان سُران هِر بیر زادینگیزی اِییَم آلاندیغینگیزا اینانینگ، اُل سیزه بِرلِر.
۲۵ خودایا دُغا اِتمَگَه دوران ماحالینگیز بیریندِن اُیکه-کینَنگیز بار بُلسا، اُنی باغیشلانگ، شُندا آسمانداقی آتانگیز هِم سیزینگ خاطالارینگیزی باغیشلار. [
۲۶ اِمّا اِگِر باغیشلاماسانگیز، آسمانداقی آتانگیز هِم سیزینگ گونَه‌لِرینگیزی باغیشلاماز.»]
عیسانینگ ایختییاری
۲۷ اُلار یِنه اورشلیمه گِلدیلِر. عیسی عیباداتخانانینگ حایاطیندا گِزمِلَپ یُرکَه، یُلباشچی کاهینلار، دین عُلَمالار و یاشولیلار اُنونگ یانینا گِلیپ:
۲۸ «سِن بو زاتلاری هایسی ایختییار بیلِن اِدیَرسینگ؟ بو ایختییاری سانگا کیم بِردی؟» دییّپ سُرادیلار.
۲۹ عیسی-دا اُلارا: «مِن هِم سیزه بیر سُراق بِرجِک. مانگا جُغاپ بِرسِنگیز، سیزه بو زاتلاری هایسی ایختییار بیلِن اِدیَنیمی آیدایین.
۳۰ یحیی تَعمید بِرمِک اوچین ایختییارینی نیرِدِن آلدی؟ آسماندانمی یا-دا اینساندان؟ مانگا جُغاپ بِرینگ» دییدی.
۳۱ اُلار هِم اُزآرا ماصلاحاتلاشماغا باشلادیلار: «اِگِر آسماندان دییسِک، اُل بیزه: ”اُندا نَمه اوچین اُنگا ایمان گِتیرمِدینگیز؟“ دییِر.
۳۲ اِمّا اینساندان دییسِک…» اُلار خالقدان قُرقیاردیلار، چونکی هِمّه‌لِر یحیانی حاقیقی پیغامبار بیلیَرلِر.
۳۳ اُلار عیسی: «بیز بیلِمزُق» دییّپ جُغاپ بِردیلِر. عیسی-دا اُلارا: «مِن هِم سیزه بو زاتلاری هایسی ایختییار بیلِن اِدیَنیمی آیتجاق دَل» دییدی.