19
Tadagart ǝn tawšet ta n Šimǝɣon
1 Tawšet ta n Šimǝɣon a tǝtawakfat tadagart ta n sanatat daɣ tǝšaɣeren s aɣaywan aɣaywan. Amadal-nasan iɣilayɣalay-tu wa n tawšet ta n Yahuda. 2 Ǝntanay da iɣǝrman win daɣ tǝga tadagart ǝn tawšet ta n Šimǝɣon: aɣrǝm wa n Ber-Šeba, ǝd wa n Šeba, ǝd wa n Molada, 3 ǝd wa n Xassor-Šuwal ǝd wa n Balla ǝd wa n Essem, 4 ǝd wa n Eltolad ǝd wa n Betul ǝd wa n Xorma, 5 ǝd wa n Siklag, ǝd wa n Bet-Markabot, ǝd wa n Xassor-Susa, 6 ǝd wa n Bet-Lebawot ǝd wa n Šaruxen. Iqqal awen maraw ɣǝrman ǝd karad ǝd tǝɣarmaten fǝl ǝxkaman. 7 Ǝllan-tu deɣ ɣǝrman a tan-ǝmosnen: wa n Ayin ǝd wa n Rimmon ǝd wa n Eter ǝd wa n Ašan. Iqqal awen ǝkkoz ɣǝrman ǝd tǝɣarmaten fǝl ǝxkaman, 8 ǝd tǝɣarmaten ketnasnat šin ɣalayɣalaynen iɣǝrman win, har Balat-Ber ǝd Ramat-Negab. Iqqal awen ketnet tadagart ta tǝtawakfat i tawšet ta n Šimǝɣon s aɣaywan aɣaywan. 9 Itawafras-du i tawšet ta n Šimǝɣon daɣ tǝdagart ta n Yahuda, fǝlas ǝzzurrǝyya ǝn Yahuda a itawakfan amadal a a t-ogaran. Awen daɣ a fǝlas tǝdagart ta tǝtawakfat i tawšet ta n Šimǝɣon daɣ amadal, tǝɣilayɣalay-tat ta n Yahuda.
Tadagart ǝn tawšet ta n Zǝbulun
10 Tawšet ta n Zǝbulun a tǝtawakfat tadagart ta n karadat daɣ tǝšaɣeren s aɣaywan aɣaywan. Iyyaka ǝn tadagart-net igla sǝr agala har aɣrǝm wa n Sarid. 11 Den daɣ ad iggǝzzay iyyaka-net sa sǝr ataram har ǝɣrǝm wa n Marala, immar ǝɣrǝm wa n Dabbešet ǝd tǝsǝssǝngǝyt ta tǝnamawalat d ǝɣrǝm wa n Yoqneyam. 12 Ikkorat iyyaka-net ɣur ǝɣrǝm wa n Sarid iga anamod wa n dǝnnǝg ikka amadal wa n Kislot-Tabor, immar aɣrǝm wa n Dabǝrat iggǝzzay ǝs wa n Yafiya. 13 Tǝzzar igla iyyaka-net ikka sa sǝr dǝnnǝg n ǝɣrǝm wa n Gat-Xefer ǝd wa n Et-Kassin, ikka deɣ aɣrǝm wa n Rimmon. Den daɣ ad innad sa sǝr ǝɣrǝm wa n Nayya. 14 Iɣlay sa sǝr tamasna n ǝɣrǝm wa n Xannaton iraz-du ɣur ǝɣlal wa n Ifǝtax-El. 15 Amadal wen iga daɣ ǝɣǝrman a tan-ǝmosnen: Aɣrǝm wa n Kattat, ǝd wa n Nahalal, ǝd wa n Šimron, ǝd wa n Idala ǝd wa n Betlexem. Iqqal awen maraw ɣǝrman d ǝššin ǝd tǝɣarmaten šin fǝl ǝxkaman. 16 Ǝnta ǝddi da tǝdagart ta tǝtawakfat i tawšet ta n Zǝbulun s aɣaywan aɣaywan.
Tadagart tawšet ta n Issakar
17 Tawšet ta n Issakar a tǝtawakfat tadagart ta n ǝkkozat daɣ tǝšaɣeren s aɣaywan aɣaywan. 18 Amadal-nasan iga daɣ ɣǝrman ǝmosnen: Aɣrǝm wa n Jizreyel ǝd wa n Kessulot ǝd wa n Šunem, 19 ǝd wa n Xafarayim ǝd wa n Šiyon ǝd wa n Anaxarat, 20 ǝd wa n Rabbit ǝd wa n Kišǝyon ǝd wa n Ebes, 21 ǝd wa n Remet ǝd wa n En-Gannim ǝd wa n En-Xadda ǝd wa n Bet-Fasses. 22 Ikka iyyaka-net aɣrǝm wa n Tabbor ǝd wa n Šaxasima ǝd wa n Bet-Šemeš har d-iraz ɣur agarew wa n Yordan. Iqqal awen maraw ɣǝrman ǝd sǝdis ǝd tǝɣarmaten šin ǝxkaman. 23 Ǝnta ǝddi da tǝdagart ta tǝtawakfat i tawšet ta n Issakar s aɣaywan aɣaywan.
Amadal ǝn tawšet ta n Aššer
24 Tawšet ta n Aššer a tǝtawakfat tadagart ta n sǝmmosat daɣ tǝšaɣeren s aɣaywan aɣaywan. 25 Amadal-nasan iga daɣ ɣǝrman ǝmosnen: Aɣrǝm wa n Xelkat ǝd wa n Xali ǝd wa n Beten ǝd wa n Akešaf 26 ǝd wa n Alimelek ǝd wa n Amad ǝd wa n Mišal. Fǝl aganna wa n ataram igla iyyaka-net har ewad adɣaɣ wa n Karmel illil Šihor-Libnat. 27 Innad iyyaka-net iddǝnnag sa sǝr ǝɣrǝm wa n Bet-Dagon ikka amadal wa n Zǝbulun d aɣlal wa n Ifǝtax-El innǝmad tamasna sa sǝr ǝɣrǝm wa n Bet-Emek ǝd wa n Nahiyel. Igla iga anamod wen da, ikka tamasna sa sǝr ǝɣrǝm wa n Kabul, 28 ǝd wa n Eberon ǝd wa n Rexob ǝd wa n Xammon ǝd wa n Kana har d-iraz ɣur ǝɣrǝm wa zǝwwǝran ǝn Sidon. 29 Tǝzzar innad iyyaka-net sa sǝr Rama igla har aɣrǝm ǝn Tir imosan aɣrǝm zǝwwǝran itiwagazan s afarag zagren ǝn tǝhun. Ilas innad sa sǝr ǝɣrǝm wa n Xosa igla har Agarew wa Zǝwwǝran ikkorat illil aɣrǝm wa n Maxalab ǝd wa n Akezib 30 ǝd wa n Umma ǝd wa n Afek har wa n Rexob. Iqqal awen sanatat tǝmǝrwen n ǝɣrǝm d ǝššin ǝd tǝɣarmaten šin fǝl ǝxkaman. 31 Ǝnta ǝddi da tǝdagart ta tǝtawakfat i tawšet ta n Ašet s aɣaywan aɣaywan.
Tadagart ǝn tawšet ta n Naftali
32 Tawšet ta n Naftali a tǝtawakfat tadagart ta n sǝddisat daɣ tǝšaɣeren s aɣaywan aɣaywan. 33 Ibaz-du iyyaka wa n agala n amadal-nasan ɣur ǝɣrǝm wa n Xelef immar ašǝk wa zagren n ǝɣrǝm wa n Sananim, ikka aɣrǝm wa n Adami-Nekeb ǝd wa n Yabneyel igla har ǝɣrǝm wa n Lakum illam den da har d-iraz ɣur agarew wa n Yordan. 34 Innad iyyaka-net sa sǝr ataram innǝmad ǝɣrǝm wa n Aznat-Tabor ikka wa n Xukok, illil iyyaka amadal wa n Zǝbulun sa sǝr agala. Tǝzzar igla har ewad ataram n amadal wa n Aššer, amaran iqqal agarew wa n Yordan iyyaka-net wa n dǝnnǝg. 35 Ǝntanay da iɣǝrman ǝn tawšet ta n Naftali win tawagaznen ǝs fǝrgan zagrotnen ǝganen daɣ tǝhun: aɣrǝm wa n Siddim ǝd wa n Ser ǝd wa n Xammat ǝd wa n Rakkat ǝd wa n Kinneret. 36 Ǝd wa n Adama ǝd wa n Rama ǝd wa n Xassor. 37 Ǝd wa n Kedeš ǝd wa n Edreyi ǝd wa n En-Xassor 38 ǝd wa n Iron ǝd wa n Migdal-El ǝd wa n Xorem ǝd wa n Bet-Anat ǝd wa n Bet-Šemeš. Iqqal awen ketnet maraw ɣǝrman ǝd taza ǝd tǝɣarmaten šin fǝl ǝxkaman. 39 Ǝnta ǝddi da tǝdagart ta tǝtawakfat i tawšet ta n Naftali s aɣaywan aɣaywan.
Tadagart ǝn tawšet ta n Dan
40 Tawšet ta n Dan tǝtawakfat tadagart ta n ǝssayat daɣ tǝšaɣeren s aɣaywan aɣaywan. 41 Tadagart-nasan tǝga daɣ ɣǝrman ǝmosnen: aɣrǝm wa n Sora ǝd wa n Ešǝtawol ǝd wa n Ir-Šemeš 42 ǝd wa n Šalabin ǝd wa n Ayalon ǝd wa n Itǝla 43 ǝd wa n Elon ǝd wa n Timna ǝd wa n Ekron 44 ǝd wa n Elteke ǝd wa n Gibeton ǝd wa n Balat 45 ǝd wa n Yehud ǝd wa n Bene-Berak ǝd wa n Gat-Rimmon 46 ǝd tǝsǝssǝngǝyt ta n Yarkon d ǝɣrǝm wa n Rakkon d amadal wa inamawalan ǝd Yafa.
47 As indar y ǝzzurrǝyya ǝn Dan iduf n amadal ketnet wa tan-itawakfan, ǝglan ǝbagan akal iyyan obazan daɣ-as aɣrǝm igan esǝm Lešem ǝnɣan šimattiwen-net. Dǝffǝr adi iqqal tǝla-nasan, ǝxsaran daɣ-as. Ǝgan-as esǝm Dan imosan esǝm n aljad-nasan. 48 Ǝnta ǝddi da tǝdagart ta tǝtawakfat i tawšet ta n Dan s aɣaywan aɣaywan.
Tadagart ta igraw Joswe
49 As ǝɣradan maddanǝs Israyil tǝzunt n akal ketnet gar-essan, ǝkfan Joswe ag Nun tadagart-net. 50 Ǝkfan-tu aɣrǝm was dasan-inna ir-ay igan esǝm Timnat-Serax ihan idɣaɣan win Efrayim. Awen daɣ as tan-omar Amaɣlol. Tǝzzar isassakn-ay Joswe, iɣsar daɣ-as. 51 Ǝmmǝk en daɣ as izun Elɣazar wa n ǝlimam, ǝd Joswe ag Nun ǝd muzaran ǝn tawšeten ǝn maddanǝs n Israyil imǝdlan win den ǝs tǝšaɣeren. Ǝgan awen da daɣ Šilaw dat Amaɣlol ɣur ǝmi n Ahaket wa n Ǝmǝnǝy. Tǝzzar tǝɣrad tǝzunt n akal.