16
Tadagart ǝn tawšet ta n Efrayim
1 Ǝntada tǝdagart ta tǝtawakfat y ǝzzurrǝyya ǝn Yusǝf daɣ tǝšaɣeren: ibaz-du iyyaka-net ɣur agarew wa n Yordan, dagma ǝn Yerikaw daɣ dǝnnǝg ǝn tǝmakast ta tǝšašwat aɣrǝm. Ibaz ɣur Yerikaw illil teneray iggǝzzay s akal n ǝdɣaɣan wa n Betel. 2 Den daɣ ad ikka iyyaka-net sa sǝr Luz immar Atarot, imosan aɣrǝm n Arkitatan, 3 tǝzzar izagaday sa sǝr ataram s akal wa n Yafletatan, iɣras Bet-Xoron ta n eres ǝd Gezer, iraz-du ɣur Agarew wa Zǝwwǝran. 4 Ǝnta ǝddi da tǝdagart ta igraw ǝzzurrǝyya ǝn Yusǝf, almaɣna tawšet ta n Manasay ǝd ta n Efrayim, ǝzunan-tat gar-essan.
5 Ǝntada akal wa itawakfan tawšet ta n Efrayim aɣaywan s aɣaywan: Ibaz-du iyyaka-net daɣ dǝnnǝg, ɣur Atarot-Adar har Bet-Xoron ta n afalla, 6 iraz-du ɣur Agarew wa Zǝwwǝran. Okay dagma ǝn Mikmetat sa sǝr tamasna, innad sas dǝnnǝg ikka Tanat-Silaw eway tama n ǝɣrǝm-net innǝmad Yanoxa. 7 Ɣur Yanoxa izagaday s Atarot ǝd Narata, har ewad Yerikaw iraz-du ɣur agarew wa n Yordan. 8 Ɣur ataram ǝn Mikmetat, ifal iyyaka-net Tafuwax ikka tǝsǝssǝngǝyt ta n Kana, iraz-du ɣur Agarew wa Zǝwwǝran. Ǝnta den daɣ tǝdagart ta tǝtawakfat i tawšet ta n Efrayim aɣaywan s aɣaywan. 9 Tawakfan deɣ iɣǝrman ǝd tǝɣarmaten ǝhanen amadal ǝn tawšet ta n Manasay.
10 Aytedan ǝn tawšet ta n Efrayim wǝr ǝsteɣan Kananitatan win ǝxsarnen Gezer. Har azala nimaɣsaran dǝr-san, mišan ǝgan-tan Efrayimatan šilat n eklan.