39
Yusǝf ǝd Fotifar
1 Immeway Yusǝf ǝs Masar. Izzǝnz-ay aw Masar igân esǝm Fotifar ɣur Ismaɣelitatan win dǝr-ǝs d-ǝggaznen akal. Fotifar illa daw Firɣawna imos ǝmuzar ǝn magazan-net.
2 Issan Amaɣlol daɣ Yusǝf, iqqal ǝmarzaɣ, iɣsar daɣ ahan ǝn mǝššis wa n aw Masar. 3 Igr-in mǝššis as issân daɣ-as Amaɣlol, irzâɣ arat kul wa itaggu. 4 Igraw Yusǝf saɣmar ɣur mǝššis ig-ay amaššaɣal-net wa n ǝnaflis-net. Isannattaf-tu ǝd tǝɣawšiwen kul šin n ahan-net. 5 Den da a d-izazzabbat Amaɣlol albaraka fǝl ahan n aw Masar wa, s ǝssǝbab ǝn Yusǝf. Iga Ǝmǝli albaraka daɣ awa ihan aɣaywan-net kul ǝd tǝwǝgas-net. 6 Isannattaf Fotifar Yusǝf ǝd tǝla-net kul har as ǝnta iman-net ab'as t-iwar ar teṭṭay.
Yusǝf imos alǝs as tǝhossay azzat-net, udǝm-net deɣ ikna šihussay. 7 As iqqal Yusǝf awedan azzaran i tǝɣawšiwen kul šin aɣaywan ǝn Fotifar, tǝnkar tǝntut ǝn Fotifar tǝla-du sǝr-ǝs ark ǝnnǝyat, tǝgmay daɣ-as a fall-as iggǝz. 8 Ugay, inn-as: «Wǝr tǝhǝnnǝyaɣ ǝsǝnnǝttǝf wa di-iga mǝšši d ar-es kul fǝl tǝflǝst a di-iga. 9 Wǝr t-illa awedan a di-ogaran daɣ ahan a. Arat kul ǝle turagat n igi-net ar iguz ǝn batu ǝn tǝntut ǝn mǝšši. Ǝnnar ǝddǝlil ǝtaggaɣ ark ǝmazal ogdân d awa, imosan tǝmazrǝyt ǝn Mǝššina?» 10 Dǝr iga wen da tǝgla faw da tǝgammay daɣ-as a fall-as iggǝz mišan ugay-as. 11 As ǝzǝl iyyan a daɣ issuf aɣaywan, iggaz-du Yusǝf ehan y a daɣ-as išɣǝl. 12 Tǝzzar tǝbaz-tu ǝs takatkat-net tǝnn-as: «Azalada kundaba tǝgaza fall-i!» Iššǝlw-as-in i takatkat-net, ozal, igmad ehan.
13 As das-d-oyya tǝkadkat-net, iddǝggag, 14 tǝɣra-du aytedan n aɣaywan, tǝnn-asan: «Nak azalada ojaba! Iyyan daɣ Ɣibritan wa sǝr-na d-immewayan da, ǝnta da a sǝr-na itaddalan da: Fǝlas ǝnnǝyat a sǝr-i d-iga n a fall-i iggǝz, mišan ǝsaɣɣare fall-as. 15 As fall-as ǝsaɣɣare ozal igmad oyya-du ɣur-i tǝkadkat-net.» 16 Tǝttaf takatkat ta har d-osa alǝs-net, 17 tǝssoɣal-as ǝlqissat ta tǝnn-as: «Akli wa n iyyan daɣ Ɣibritan wa sǝr-na du-tewaya da iga-du ǝnnǝyat n a sǝr-i iddǝl. 18 As fall-as saɣɣare oyya-du ɣur-i takatkat-net, ozal igmad.» 19 As das-tǝɣrad igi ǝn salan kul iggaz-tu alham. 20 Isattarmas-du Yusǝf ig-ay daɣ kasaw wa ǝhan mǝskǝsa n ǝmǝnokal.
Iguz ǝn Yusǝf Kasaw