36
Ǝzzurrǝyya n Ezaw
1 Ǝnta da ǝzzurrǝyya n Ezaw, as itawannu deɣ Edom. 2 Izlaf Ezaw šidoden ǝn Kananitatan, ǝmosnen: Ada, elles n Elan, wa n iyyan daɣ Xitatan, d Oholibama, elles n Ana tǝmos deɣ tahayawt ǝn Sibhon wa n iyyan daɣ Xiwitatan, 3 ǝd Basmat, elles n Ismaɣil, tamadrayt ǝn Nǝbayot. 4 Ila d Ada Elifaz, ila ǝd Basmat Rǝhuhel, 5 ila d Oholibama Yehuš, ǝd Yalam, ǝd Korax. Bararan win kul il-en Ezaw daɣ akal ǝn Kanan.
6 Dǝffǝr awen iggǝlat Ezaw d aɣaywan-net kul, ǝd hǝrwan-net d ǝrrǝzǝɣan kul win sǝr-ǝs ǝggaznen daɣ akal ǝn Kanan. Innǝmad akal iyyan iggugan amadray-net Yaqub 7 fǝlas ihǝrwan-nasan a ǝknanen igǝt, wǝr dasan-ǝgden mǝssǝdan n akal iyyanda. 8 Iɣsar Ezaw igân tǝsǝmmadǝq Edom daɣ akal n ǝdɣaɣan wa n Sehir.
9 Ǝnta da ǝzzurrǝyya n Ezaw wa n ǝmaraw n Edomitatan, ǝɣsarnen daɣ akal n ǝdɣaɣan wa n Sehir: 10 Ismawan ǝn maddanǝs ǝddi: Elifaz ǝd Rǝhuhel. Elifaz za il-ay ǝd tǝntut-net Ada, Rǝhuhel amaran il-ay ǝd tǝntut-net Basmat. 11 Elifaz ila bararan ǝmosnen: Teman, ǝd Ɣomar, ǝd Sofaw, ǝd Gatam, ǝd Kǝnaz. 12 Ila Elifaz ǝd tawahayt-net Timna, Amalǝk. Ǝnta ǝddi ǝzzurrǝyya n Ezaw wa t-id-igmadan ǝs taɣurǝs Ada. 13 Rǝhuhel ila bararan ǝmosnen: Naxat, ǝd Zerax, Šamma, ǝd Miza. Ǝnta ǝddi ǝzzurrǝyya n Ezaw wa t-id-igmadan ǝs taɣurǝs Basmat. 14 Ila deɣ Ezaw Bararan ǝd taɣurǝs Oholibama, elles n Ana, tǝmosat tahayawt ǝn Sibhon. Ismawan-nasan ǝddi: Yehuš, ǝd Yalam, ǝd Korax.
15,16 Ǝntanay da ismawan ǝn muzaran win ǝganen daɣ ǝzzurrǝyya n Ezaw, ǝmosan: Elifaz, wa n aɣafadday-net s ǝnta a erawan imuzaran win Edomitatan ǝmosnen: Teman, ǝd Ɣomar, ǝd Sofaw, ǝd Kǝnaz, ǝd Korax ǝd Gatam, d Amalǝk. Imuzaran n Edomitatan win di a d-ǝgmadnen Ezaw ǝs taɣurǝs Ada.
17 Rǝhuhel ǝntada eraw imuzaran wiyyad n Edomitatan ǝmosnen: Naxat, ǝd Zerax, ǝd Šamma ǝd Miza. Imuzaran n Edomitatan win di a d-ǝgmadnen Ezaw ǝs taɣurǝs Basmat.
18 Taɣur Ezaw ta tǝgat Oholibama, elles n Ana, ǝnta da ǝgmadan-tat-du muzaran ǝmosnen: Yǝhuš, ǝd Yalam, ǝd Korax. 19 Ǝnta ǝddi da ǝzzurrǝyya n Ezaw ǝd muzaran win daɣ-as ǝganen, win fǝl tǝga tamattay ta n Edomitatan.
20,21 Aytedan win d-azzarnen s akal wa n Edom ǝzzurrǝyya ǝn Sehir wa n iyyan daɣ Xoritatan a mosan. Ǝntanay da ismawan ǝn muzaran-nasan: Lotan, ǝd Šobal, ǝd Sibhon, d Ana, ǝd Dišon, d Esser, ǝd Dišan. 22 Maddanǝs ǝn Lotan ǝmosan: Xori ǝd Xamam. Ila Lotan tamadrayt, tǝgât esǝm Timna. 23 Maddanǝs ǝn Šobal ǝmosan: Alfan, ǝd Manaxat, d Ebal, ǝd Šefo, d Onam. 24 Maddanǝs ǝn Sibhon ǝmosan: Aya d Ana. Ana ǝnta ad d-isaffaggan šittawen n aman daɣ taneray idân ǝzdan ǝn šis Sibhon. 25 Maddanǝs n Ana ǝmosan: Dišon, ǝd tamadrayt-net Oholibama, 26 Maddanǝs ǝn Dišon ǝmosan: Xemdan, d Ešban, d Itran ǝd Kǝran. 27 Maddanǝs n Esser ǝmosan: Bilhan, ǝd Zafan d Akan. 28 Maddanǝs ǝn Dišan ǝmosan: Utǝs d Aran. 29,30 Imuzaran ǝn Xoritatan ǝmosan: Lotan, ǝd Šobal, ǝd Sibhon, d Ana, ǝd Dišon, d Esser, ǝd Dišan. Ǝntanay ǝddi da imuzaran ǝn Xoritatan daɣ amadal ǝn Sehir ǝs tǝzunen ǝn taɣmaren-nasan.
31-39 Ǝgan mǝnokalan daɣ akal n Edom as iga awen Kǝl-Israyil harwada wǝr daɣ-san iga ǝmǝnokal waliyyan. Ǝntanay da ismawan ǝn mǝnokalan win ǝxkamnen fǝl Edom s ǝnǝsǝlkam-nasan:
Bela, ag Behor, wa n ǝɣrǝm ǝn Dinhaba,
dǝffǝr iba ǝn Bela, iggaz Yobab ag Zerax, wa n ǝɣrǝm ǝn Bosra,
dǝffǝr iba ǝn Yobab, iggaz Xušam wa n akal ǝn Temanitatan,
dǝffǝr iba ǝn Xošam, iggaz Haddad, ag Bǝdad wa n ǝɣrǝm n Afit.
Haddad ǝnta a irzan Midǝyanitatan daɣ ǝsuf ǝn Mowab.
Dǝffǝr iba ǝn Haddad, iggaz Samla, wa n ǝɣrǝm ǝn Masreka,
dǝffǝr iba ǝn Samla, iggaz Šahul, wa n ǝɣrǝm ǝn Rǝxobot iwâran efay n agarew,
dǝffǝr iba ǝn Šahul, iggaz Bahal-Xânan, ag Akbor,
dǝffǝr iba ǝn Bahal, iggaz Adar, wa n ǝɣrǝm ǝn Fahu,
ilan tantut tǝgat esǝm Mǝhetabel tǝmosat elles ǝn Matred,
tǝmos deɣ tahayawt ǝn Me-Zahab.
40-43 Ǝntanay da imuzaran win ǝganen daɣ ǝzzurrǝyya n Ezaw ǝs tawšeten-nasan, ǝd kallan-nasan, d esmawan-nasan. Ǝmosan: Timna, d Alfa, ǝd Yǝtet, d Oholibama, d Ela, ǝd Finon, ǝd Kǝnaz, ǝd Teman, ǝd Mibsar, ǝd Magdǝyel, d Iram. Ǝntanay ǝddi imuzaran n Edom s akkiyyan ila amadal-net daɣ akal wa ǝhan. Ǝnta da da ǝzzurrǝyya n Ezaw wa n ǝmaraw n Edomitatan.