10
Ǝzzurrǝyya ǝn maddanǝs ǝn Nux
1 Ǝnta da ǝzzurrǝyya ǝn maddanǝs ǝn Nux: Šem, ǝd Xam ǝd Yafet. Ǝntanay da ǝlan bararan dǝffǝr ǝlwabil.
2 Maddanǝs ǝn Yafet ǝmosan: Gomar, ǝd Majuj, ǝd Maday, ǝd Yafan, ǝd Tubal, ǝd Mešek, ǝd Tiras. 3 Maddanǝs ǝn Gomar ǝmosan: Aškanaz, ǝd Rifat, ǝd Togarma. 4 Maddanǝs ǝn Yafan ǝntanay ǝmosan: Eliša, ǝd Taršiš, ǝd Kitatan, ǝd Dodanatan. 5 Maddanǝs ǝn Yafan a d-ǝgmadan aytedan win ǝɣsarnen gǝrwǝtlan ǝd tamawen ǝn gǝrwan. Ǝzunan gǝr kallan-nasan, ewâl awen s awalan-nasan, ǝd tawšeten-nasan ǝd ɣawnatan-nasan.
6 Maddanǝs ǝn Xam ǝmosan: Kuš, ǝd Masar, ǝd Fut ǝd Kanan. 7 Maddanǝs ǝn Kuš ǝmosan: Sǝba, ǝd Xawila, ǝd Sabta, ǝd Rama ǝd Sabtǝka. Maddanǝs ǝn Rama ǝmosan: Šǝba ǝd Dǝdan. 8 Eraw deɣ Kuš Nǝmrud, s ǝnta a azzaran iduf ǝn taɣmar zǝwwǝrat daɣ ǝddǝnet. 9 Imos deɣ ǝnagmar iknân tǝla ǝn tanɣaw insar-tu Amaɣlol, adi da a fǝl tǝnsa tǝmajǝq ta n: «Kudde tǝqqala Nǝmrud ǝs tišit n ǝnagmar ǝd tǝla ǝn tanɣaw d annasara.» 10 Iɣǝrman win daɣ issǝnta taɣmar-net ǝmosan: Babel d Erek d Akkad ǝd Kalne, ǝs ketnasan ǝhan amadal ǝn Šinar. 11,12 Akal wen igmad-tu ǝs wa n Aššur, ikras aɣrǝm wa n Ninif ǝd wa n Rǝxobot-Ir ǝd wa n Kalax ǝd wa n Resen gǝr Ninif ǝd Kalax. Iɣǝrman win kul ǝqqalan aɣrǝm iyyanda iknân tǝzzǝwwǝrt.
13,14 Masar ǝnta ǝmaraw ǝn Ludatan d Anamatan ǝd Lahabatan ǝd Nǝftuxatan ǝd Fatrusatan ǝd Kasluxatan (s ǝntanay a d-ǝgmadan Filistinatan) ǝd Kǝl-Kǝret.
15 Kanan esǝm n aɣafadday-net Sidon, ilkam-as Xet. 16 Ǝnta a imosan ǝmaraw ǝn Yebusatan, d Amoritatan ǝd Girgašitatan, 17 ǝd Xiwitatan ǝd Arkitatan, ǝd Sinitatan, 18 d Arwadatan, Sǝmmaratan ǝd Xamatatan. Tawšeten šin ǝganen daɣ ǝzzurrǝyya ǝn Kanan da, wazawaznat. 19 Daɣ anamod wa n Gǝrar ǝbazan kallan-nasnat ɣur ǝɣrǝm ǝn Sidon har Gaza. Daɣ anamod wa n Laša, obazan ɣur ǝɣrǝm ǝn Sidon ǝgan Sǝdom ǝd Gamora d Adma ǝd Tǝsǝboyim har Laša iman-net.
20 Ǝntanay da da maddanǝs ǝn Xam. Ǝmmǝk a daɣ as ǝzunan gǝr kallan-nasan, ewâl awen s awalan-nasan, ǝd tawšeten-nasan ǝd ɣawnatan-nasan.
21 Ǝmaqqar ǝn Yafet Šem, ǝnta da ila bararan. Ǝnta a erawan Eber d ǝzzurrǝyya-net. 22 Maddanǝs ǝn Šem ǝmosan: Elam d Aššur d Arfakšad ǝd Lud d Aram. 23 Maddanǝs n Aram ǝmosan: Uz ǝd Xul ǝd Geter ǝd Maš. 24 Arfakšad eraw Šalax, amaran Šalax eraw Eber. 25 Eber ilâ ǝššin bararan: iyyan esǝm-net Feleg fǝlas azzaman-net a daɣ izun amadal. Wahadan esǝm-net Yoqtan. 26 Yoqtan eraw Almodad ǝd Šelef ǝd Xassarmawet ǝd Yarax, 27 ǝd Hadoram d Uzal, ǝd Dikla, 28 d Obal d Abimal ǝd Šǝba, 29 d Ofir, ǝd Xawila ǝd Yobâb. Ketnasan maddanǝs ǝn Yoqtân. 30 Akal wa daɣ ǝɣsaran obaz-du ɣur Meša daɣ anamod wa n Sǝfara har idɣaɣan win dǝnnǝg. 31 Ǝntanay ǝddi da maddanǝs ǝn Šem. Ǝmmǝk a daɣ as ǝzunan gǝr kallan-nasan, ewâl awen s awalan-nasan, ǝd tawšeten-nasan, ǝd ɣawnatan-nasan.
32 Ǝntanay da da iɣǝrfan win ǝganen fǝl maddanǝs ǝn Nux. Ǝqqalan tawšeten s akkiyyat d ǝzzurrǝyya-net. Ǝntanay ǝlǝsǝl ǝn tawšeten šin wazawaznen daɣ ǝddǝnet dǝffǝr ǝlwabil.