5
Ǝzzurrǝyya n Adǝm
1-2 Ǝzǝl wa d-ixlak Mǝššina awedan ig-ay-du ǝs šaššelan-net. Yay ǝd tǝntay a d-ixlak. Iga daɣ-san albaraka-net amaran ig-asan esǝm aytedan, ǝzǝl wa da tan-d-ixlak. Ǝnta da ǝzzurrǝyya n Adǝm.
3 As iga Adǝm temeday n awatay ǝd karadat tǝmǝrwen daɣ ǝddǝnet, ila barar a dǝr ikna tulat, ig-as esǝm Set. 4 Dǝffǝr tǝhǝwt ǝn Set, iga Adǝm ǝttamat tǝmad n awatay, itilu bararan ǝd tǝbararen. 5 Tazayat tǝmad n awatay ǝd karadat tǝmǝrwen a iga Adǝm daɣ ǝddǝnet, aba-tu.
6 As iga Set temeday n awatay ǝd sǝmmos eraw Enoš. 7 Dǝffǝr tǝhǝwt n Enoš, iga Set ǝttamat tǝmad n awatay d ǝssa, itilu bararan ǝd tǝbararen. 8 Tazayat tǝmad n awatay ǝd maraw d ǝššin a iga Set daɣ ǝddǝnet aba-tu.
9 As iga Enoš tazayat tǝmǝrwen n awatay daɣ ǝddǝnet, eraw Qenan. 10 Dǝffǝr tǝhǝwt ǝn Qenan, iga Enoš ǝttamat tǝmad n awatay ǝd maraw ǝd sǝmmos, itilu bararan ǝd tǝbararen. 11 Tazayat tǝmad n awatay ǝd sǝmmos a iga Enoš daɣ ǝddǝnet, aba-tu.
12 As iga Qenan ǝssayat tǝmǝrwen n awatay daɣ ǝddǝnet, eraw Mahalalel. 13 Dǝffǝr tǝhǝwt ǝn Mahalalel, iga Qenan ǝttamat tǝmad n awatay d ǝkkozat tǝmǝrwen, itilu bararan ǝd tǝbararen. 14 Tazayat tǝmad n awatay ǝd maraw a iga Qenan daɣ ǝddǝnet, aba-tu.
15 As iga Mahalalel sǝdisat tǝmǝrwen n awatay ǝd sǝmmos daɣ ǝddǝnet, eraw Yared. 16 Dǝffǝr tǝhǝwt ǝn Yared, iga Mahalalel ǝttamat tǝmad n awatay ǝd karadat tǝmǝrwen, itilu bararan ǝd tǝbararen. 17 Ǝttamat tǝmad n awatay ǝd tazayat tǝmǝrwen ǝd sǝmmos a iga Mahalalel daɣ ǝddǝnet aba-tu.
18 As iga Yared temeday n awatay ǝd sǝdisat tǝmǝrwen d ǝššin daɣ ǝddǝnet, eraw Xenok. 19 Dǝffǝr tǝhǝwt ǝn Xenok iga Yared ǝttamat tǝmad n awatay, itilu bararan ǝd tǝbararen. 20 Tazayat tǝmad n awatay ǝd sǝdisat tǝmǝrwen d ǝššin a iga Yared daɣ ǝddǝnet aba-tu.
21 As iga Xenok sǝdisat tǝmǝrwen n awatay ǝd sǝmmos daɣ ǝddǝnet, eraw Mǝtušalax. 22 Dǝffǝr tǝhǝwt ǝn Mǝtušalax, iga Xenok karadat tǝmad n awatay, oɣâd dat Mǝššina, itilu bararan ǝd tǝbararen. 23 Karadat tǝmad n awatay ǝd sǝdisat tǝmǝrwen ǝd sǝmmos a iga Xenok daɣ ǝddǝnet. 24 Xenok alǝs a imos oɣâdan dat Mǝššina. As tǝɣrad tǝɣrǝst-net, iggaz ǝtǝnkul, fǝlas Mǝššina a t-idkalan.
25 As iga Mǝtušalax temeday n awatay d ǝttamat tǝmǝrwen d ǝssa daɣ ǝddǝnet, eraw Lamek. 26 Dǝffǝr tǝhǝwt ǝn Lamek iga Mǝtušalax ǝssayat tǝmad n awatay d ǝttamat tǝmǝrwen d ǝššin, itilu bararan ǝd tǝbararen. 27 Tazayat tǝmad n awatay ǝd sǝdisat tǝmǝrwen ǝd taza a iga Mǝtušalax daɣ ǝddǝnet aba-tu.
28 As iga Lamek temeday n awatay d ǝttamat tǝmǝrwen d ǝššin daɣ ǝddǝnet, ila barar ǝn yay. 29 Ig-as esǝm Nux. Inna: «Barar wa ǝnta a dana-z-alǝman fǝl man daɣ ǝššǝɣǝl-nana, d arkanay wa ǝnnayan fassan-nana, fǝlas Amaɣlol a ilɣanan amadal.» 30 Dǝffǝr tǝhǝwt ǝn Nux, iga Lamek sǝmmosat tǝmad n awatay ǝd tazayat tǝmǝrwen ǝd sǝmmos, itilu bararan ǝd tǝbararen. 31 Ǝssayat tǝmad n awatay d ǝssayat tǝmǝrwen d ǝssa a iga Lamek daɣ ǝddǝnet aba-tu.
32 As iga Nux sǝmmosat tǝmad n awatay eraw Šem, ǝd Xam ǝd Yafet.