Tsibdto Yassoq
18
Yassoq daqahu xagho atmama,
misil darasaahu fagra wa Xiliil Ghadrun taqaddaw.
Wa jinenat qalat wa hitu wa darasaahu atawa.
2 Wa Yahuza la kayanayu laámmirra qala jalla Yassoq misil darasaahu awghaat bizxit laájtameq diiba nabra.
3 Ka Yahuza asikka jinenat gesa wa baaku jamaaqat junud wa xarassa haykal la qabayila kahana wa la Farisiyiin laákawom nasá wa hitom fawaaniis wa aydat wa silax dtaawraam qalaw.
4 Wa Yassoq killu la igil lijre ilu tu laámmir qala.
Ka shankatom ghaddama wa,
“Min taxazzo hallekum?”
belayom.
5 Ka balsaw ittu,
“Yassoq la Naasiri.”
Ka,
“Ana tu,”
belayom.
Wa Yahuza la kaayanayu baadtir baakom qala.
6 Ka waan,
“Ana tu,”
belayom,
xaragragaw wa twaadaghaw.
7 Ka ib xadiis saálayom,
“Min taásarbibo hallekum?”
Ka balsaw ittu,
“Yassoq la Naasiri.”
8 Ka Yassoq,
“‘Ana tu,’
ibelakkum,”
belayom.
“Ka iyye taxazzu min hallekum,
illom ligiiso xidogom,”
9 ajilla tamiimma zaqat la illa bela,
“Illom la ilom habkanni,
oro iilahallik minnom.”
10 Wa Samqaan Budtrus,
sayif qala goru.
Ka xardtayu wa gabirra riíssa kahana zabdta ibbu wa iznu la maanayit carma.
Wa simetta gabir,
Malkus qalat.
11 Wa Yassoq,
“La sayifka diibba betu bilassu.
La masteyya matsitsat la Ab habennitu yiísattiyu?”
belayu.
12 Ka la junud wa la merxaayom wa xarassa haykal Yassoq tsabdtaw wa asrawu.
13 Wa ib salif asik Xanaan la xamu Ghiyaafa la itta sanat laha riíssa kahana qala nasáwu.
14 Wa Ghiyaafa hitu nosu tu la Yahud wassa,
“Orot inaas min mayit fida igil ummat laxayis,”
inde libil.
Budtrus Yassoq litbarre
15 Wa Samqaan Budtrus wa darasaay biqid la riíssa kahana laámmirru qala,
Yassoq talaw.
Wa la darasaay lahey misil Yassoq xarratta riíssa kahana ata.
16 Budtrus laatu,
mingof kadan badtra.
Ka la darsaay la riíssa kahana laámmirru qala qaghbala wa la bawaabiyat asaála ka Budtrus aatet.
17 Wa hita Budtrus saálat,
“Inta orot darasa illi inaas yiínta?”
Ka balsa itta,
“Iifaalye minnom yaána.”
18 Wa la jaw ghirur qala wa la agbir wa la qeghbat isaat xaayaw wa bidtaarom saxanawa.
Wa Budtrus mislom igil lisxan badtra.
19 Wa riíssa kahana Yassoq ib darasaahu wa ib taqaliimu saála.
20 Ka Yassoq balsa ittu wa bela,
“Ib ghiloq la iddinya tahaageko wa diima diiba maqaabid wa la haykal la addaam laájtameq diibom qallim qalko.
Wa ib sir la ibellu alabye.
21 Ka igil mi iyye tisaál halleka?
La ibellu la samqaw saál.
Ib yighun la ibellu laámmuru.”
22 Ka Yassoq illi waan bela,
orola qeghbat dtafqayu wa belayu,
“Itta riíssa kahana kiínna tballis?”
23 Ka Yassoq balsa ittu,
“Itta higya min igege itta gega shahad.
Wa min asanne,
igil mi tsabdtanni halleka?”
24 Wa xare Xanaan isur inintu asik Ghiyaafa riíssa kahana nadáyu.
25 Wa Samqaan Budtrus jafarra isaat baadtir qala igil lisxan.
Ka saálawu,
“Inta ma,
minna darasaahu yiínta?”
Ka tbarra wa bela,
“Yaána ni!”
26 Wa orot minna agbirra riíssa kahana wa hitu girubba gabir la Budtrus iznu carma tu,
“Diiba jinenat iireékoka baaku?”
belayu.
27 Ka Budtrus ib xadiis tbarra wa agiidaay la diik nagha.
Sallamot Yassoq igil Bilaadtos
28 Wa xare,
Yassoq nasáw min bet Ghiyaafa asikka ghasir Bilaadtos la xaakim la Rumaani.
Wa la waghit tsibex midir qala wa la Yahud la ghasir yaátaw igil iilitnajjaso wa minna billaqla biggoq la Fisx iilitmannaqaw.
29 Ka Bilaadtos fagra ittom wa saálayom,
“Illi inaas,
ib mi tihimaamu hallekum?”
30 Ka balsaw ittu,
“Sixit min iigabbí waíisallamnaakaatu.”
31 Ka Bilaadtos belayom,
“Intim nisúwu wa kimma shariiqatkum xaakumu.”
Ka balsaw ittu,
“Aadami igil nightal iilitgabbaánna.”
32 Wa illi la zaqat la Yassoq belaya itta gabayya motu igil titmam jara.
33 Bilaadtos ghasru ata wa Yassoq tlaaka wa saálayu,
“Inta malikka Yahud inta?”
34 Ka Yassoq balsa ittu,
“Illa min noska ta ma,
biqidaam belawka ta?”
35 Ka Bilaadtos belayu,
“Ana Yahudi ana?
La umatka wa qabayila kahana sallamawniika.
Mi wadeka?”
36 Ka Yassoq balsa,
“Mamlakachche min illa iddinya iiko.
Mamlakachche min illa iddinya min taqale,
qeghbachche igilla Yahud igil yiíssallam watxaarabaw.
Laakiin mamlakachche min insar iiko.”
37 Ka Bilaadtos saálayu,
“Ka inta malik inta?”
Wa Yassoq balsa ittu,
“‘Inta malik inta,’
telkanni.
Wa igil illi hadaf walladko wa asikka iddinya matsáko,
igilla xagh igil ishhad.
Wa killu la minna xagh gabá,
laáttansenni.”
38 Ka Bilaadtos,
“Mi xagh?”
belayu.