Injiil kimma Marghos Katbayu
Abhazot Yuxanna
1
Illi maámbat bishaarat Yassoq Al Masex,
Wad Rabbi tu.
2 Kimsalla diib kitaab Nabi Qashqiyaá kitub halla,
“Lib kire,
liúkye igil ilák tu ghadameka gabeyka igil laxaamil.
3 La kirin taáré wa taásammeq qalat itta kadan wa tibil,
‘Gabey Molaay addaalu;
aslulu qadtfaxo.’”
4 Ka Yuxanna abhaza itta bar addaam asik maqmudiyat tobat inlitlaake,
zinubom igil titghaffar ilom.
5 Wa addaam bizxaam fagraw ittu min modiriyat Yahudiya wa Orshaliim wa diib Baxar Ordon laqamidom qala,
zinubom inde lilímo.
6 Yuxanna billaay min cagar insa labbis wa habab gano lithabbab qala.
Wa maqar wa qambadta balleq qala.
7 Wa latámmir qala wa libil,
“Xaghoye,
minye laxayis igil limtsá tu.
Ana gabru ma,
igil igbá yiástihil. a
8 Ana ib maay qammadkokum,
minnaata hitu ib Rox Ghiddus igil laqashshilakkum tu.” b
Yuxanna Yassoq Laqammid
9 Itta waghit lahey,
Yassoq min Naasira ladiib modiriyat Al Jaliil titrakab matsá asik Yuxanna,
ka diib Baxar Ordon qammadayu.
10 Yassoq minna maay figir kim bela baabaatta sama tfaatxat wa Rox Ghiddus kaatra inde tmassala tkarra ittu.
11 Kirin min sama sammaqat,
“Inta walye,
la fituy laíbbu ifarrex inta,”
tibe.
Shedtaan Yassoq Jarrib
12 Xaghohu la Rox Ghiddus agiid asik kadan nadáyu
13 ka diibba bar qarbaqa miqil kalá.
Wa Shedtaan jarrabayu.
Wa it migib aawaat qala wa la malaíkat maxaagizu laárattiqiwu qalaw.
Likya darasa
14 Xagho Yuxanna taássara,
Yassoq it Al Jaliil matsá wa bishaarat Rabbi qallana.
15 “La waghit tamma,
wa Mamlakat Rabbi ghirub hallet.
Min zinubkum tobu wa ibbilla bishaarat imanu,”
inde libil.
16 Yassoq it nageb Baxar Al Jaliil in gayis,
kilót eryaay samak raá,
Samqaan wa xuhu Andraawas,
shabakat inde wagro diibba baxar.
17 Yassoq,
“Tilawni,
xezyat addaam igil idekkum tu,”
belayom.
18 Ka agiidaaay,
shabakaatom xadgaw wa talawu.
19 Yassoq niísh kim gesa,
Yaqghub wad Zibedi,
wa Yuxanna xuhu raá.
Wa hitom itta markab shabakaatom laásannu qalaw.
20 Ka Yassoq kim raáyom agiid laákayom wa asaru gabáw wa abuhom Zibedi diiba jalbat misil sedyattu xadgawu.
Digna Rox Najjis
21 It Kafarnaxum kim matsáw,
Yassoq amqil qirif diibba maqbadda Yahud ata wa adrasa.
22 Ka la addaam tfakkaraw jallaab hitu ib sighat laádarris qala wa kimma maémratta shariqat yiqala.
23 Itta waghit lahey diibba maqbadom,
inaas rox najjis maalku qala wa tsirxaat wada,
24 “Yassoq baqal Naasira,
mi taxazze min ina?
Igil tahaalkanna matsáka?
Amraka,
Ghiddus Rabbi inta,”
bela.
25 Ka Yassoq atqagabayu wa belayu,
“His bal wa minna inaas figar.”
26 Ka la rox lanajjis qawdaghayu wa tsirxat wighghil wada wa fagra minnu.
27 Killu la addaam tfakkara wa xid saálaw,
“Illi mi tu?
Adrasot xadiis ib sighat!
Wa shawaadtiin ma ghassib wa dtayqiwu.”
28 Ka bagiidaay la kabaru tnashshara diib Al Jaliil wa killu ajfura.
Yassoq wa Shifa
29 Bagiidaay dol minna maqabad fagraw,
asik bet Samqaan wa Andraawas gesaw mislom ma Yaqghub wa Yuxanna.
30 Wa xammat Samqaan baqal qaraat qalat ib xaz.
Ka Yassoq ibba ximama dol assálawu,
31 ib ideha nasáya wa harrasaya.
Wa la xaz xadgaya wa kadmattom.
32 Maasi madir,
xagho miwdaagh tsaxaay,
killom la addaam la xamayim wa la arwaax najjisat laqalat iitom amtsáwu.
33 Killa la madinat itta baab Samqaan jammaqat.
34 Bizxaam saara latfanaata ximaamaat laqala ittom wa arawaax najjisat bizxit daagana.
La arwaax laáthaagiya yaqala sabbat aamarattu.
Akaan Shinkiit
35 Ghademaay tsibex midir,
fagra wa asik akaan shinkiit gesa.
Wa daqa ambata.
36 Samqaan wa la mislu qalaw laxaziwu qalaw.
37 Ka rakbawu wa,
“Addaam killu ikka laxazze halla!”
belawu.
38 Ka belayom,
“Akaan biqidat niigiis asikka diggetaat laghirbit igil ibashshir ittaama.
Illi la hadaf la iglu matsáko tu.”
39 Ka diib killa Al Jaliil gesa wa itta maqaabadom adrasa wa arwaax najjisat daagana.
Jizzum
40 Jizzum matsáyu wa ramghayu ghadamehu inde abraka wa bela,
“Min taxze taálatdtaxanni.”
43 Yassoq ib shafaag nadáyu wa xazzarayu,
44 “Oro itásiil,
wa kim shaffeka igilla kaahin xabbir wa sadaghat shifa min jizaam hab la Musa ammarra ibba kim shahaadat iglom.”
45 La inaas lagá assaála ka la kabar nashshara.
Kim figgariit illi,
Yassoq addaxa tsaqada midin igil liíte iighadra.
Ka addaam min kil akaan diib kadan matsú qalaw.