Yassoq shilul daawe
2
Xagho amqelaat Yassoq asik Kafarnaxum qaghbala.
Wa it qad kim halla tasammaqa.
2 Wa addaam bizxaam jammaqaw tu,
sababbu akaan la libula yaqalat itta affa mangaát ma ligbá.
Wa hitu ib higya Rabbi liwiqizzom qala.
3 Wa gale addaam inaas shilul amtsaáw qarbaqat minnom in raffaqo
4 Ibba sababba fadtam igil libtsaxiwu iighadraw,
ka la qarishsha odat la diiba qala dtarghaw wa ibba midtraagh la sawriit la shilul ikrur itta qala adnanaw.
5 Wa Yassoq emaanom kim raá,
igilla shilul belayu,
“Walye,
zinubka tghaffarat.”
6 Wa gale minna maémratta shariqat mislu gissuyaam qalaw wa it albaabom belaw,
7 “Illi inaas,
mi tdarrikku hallet?
a Hitu laákaffir halla!
Min tu zinub lalaghaffir imbal oro Rabbi?”
8 Yassoq agiiddaay ib raxu misil nafsom laxasbawu aamara.
Wa belayom,
“Igilmi kiínna taxasbaw?
9 Ayi ghallil igilla shilul,
‘Zinubka tghaffarat,’
igil iballu ma,
‘Ghinats wa sawriitka rifaq wa giis’?
10 Illi igil abrih ikkum tu,
Wad Aadami sildtat kim bu diib midir zinub igil laghfir,”
belayom.b
11 Igilla shilul laqala,
“Ghinats,
ib laka halleko,
sawriitka rifaq wa betka giis,”
belayu.
12 Ka la inaas la shilul qala agiidaay ghantsa wa sawriitu rafaqa wa fagra killu inde liríiyu.
Sabbat illi killom taqajjabaw wa Rabbi xabbanaw,
“Ghadam illa,
illi lamasil riíyaam yixina!”
inde liblaw.
Likya Laawi
13 Xaariit Yassoq asik nageb Baxar Al Jaliil qaghbala wa addaam bizxaam matsáwu wa adrasayom.
14 Inde laxallif Laawi wad Xalfi raá itta daaratta werko gissuy inintu.
Ka,
“Tilenni,”
belayu,
ka ghantsa wa talayu.
15 Yassoq diib bet Laawi inde liddarar misilu wa misil darasaahu bizxaam mafgirat werko wa shaakfaam ballaqo qallaw jallaab bizxaam talawu.
16 La maémratta shariqat min firghat Farisiyiin misil mafgirat werko wa shaakfaam in balleq dol raáwu,
igilla darasaahu belawom,
“Haalu tu misil mafgirat werko wa shaakfaam balleq wa satte?”
17 Yassoq illi dol samqa belayom,
“Qufuy xakiim iilataxazziyu,
xakiim lalaátxazziyu,
la ximum tu.
Ana igil sab salaax itlaake iimatsáko,
igil miznibiin iindiiko.”
Som
18 Darasa Yuxanna wa la Farisiyiin saaymaam qalaw.
Ka galehom it Yassoq matsáw wa saálawu,
“Igilmi darasa Yuxanna wa darasa la Farisiyiin saymo wa darasaka iisaymo?”
19 Yassoq belayom,
“Qad marqaawi la marqaawi inde bigorom saymo maslukkum?
Iifaalu.
La marqaawi inde bigorom igil lisimo iighadro.
20 Laakiin amqil hallet la marqaawi litraffaq minnom.
Ka la waghit lahey,
saymo.
21 Min tu righqat xaddaas it billaay baali laraghgheq?
Jalla la righqat titghamdtadt wa la mishraam sanni tfayex.
22 Wa min tu nabiiz xadiis diib hawat nabiiz ghadiim laballis?
Jalla la nabiiz la xadiis la karban sadtdtir wa la nabiiz litkeqe.
Minnaata nabiiz xadiis diib hawat xadiis.”
Amqil Qirif
23 Amqil qirif,
Yassoq wa darasaahu it ghabat garhat gayso qalaw.
Ka farik shirnaay shaalqaw wa balqaw.
24 Ka la Farisiyiin belawu,
“Ginax,
igilmi darasaka it amqil qirif laíilitájjaz waddu hallaw?”
25 Yassoq belayom,
“Intim iigharákum ma,
Daawid wa la sab lamislu qalaw lawadawu dol taxaggazaw wa safara jabrattom?
26 Minkaho diib bet Rabbi ata Abyataar riíssa kahana waan qala wa minna raghiiffa ghurbaan balqa.
Wa amallihitu haba wa balqaw.
Wa billaqu igil kahana ledta litájjaz qala.”