Siraay it Amqil Qirif
3
It Kafirnaaxom inintu Yassoq ib digmaan la maqbad ata wa inaas yibsit idehu qala.
2 Wa galehom raghubu qalaw,
itta amqilla qirif min shaffiyu mismisa igil lirkabo ittu laxazzu qalaw igil lishkawu it amqil qirif shagha inde belaw.
3 Yassoq igilla inaas la yibsit idehu belayu,
“Ghinats wa itta ghadamma maxbar bidtar.”
4 Xaghohu,
Yassoq asikka maxbar wallaba wa saála,
“It amqil qirif sannet igil tide litaájjaz,
ma ikkuy igil tide?
Nafis igil tadxin,
ma igil taxanfisa?”
Laakiin baliisom aziim gaá.
5 Xarteni Yassoq ib xarughat qaghmatayom.
Wa ibba tsinqela albaabom shimuy tgabbá wa igilla inaas,
“Ideka midad,”
belayu,
ka idehu madda.
Wa agiid saaret.
6 La Farisiyiin illi kim raáw agiid fagraw wa misilla Hardiyiin ajtamaqaw wa igil lightolu sattataw.
Maxaabir
7 Yassoq wa darasaahu asikka baxar shankaw wa maxaabir bizxaam talawu min Al Jaliil,
modaay Jahuza,
8 Orshiliim wa Amudiya,
wa min ken Baxar Ordon,
wa Sur wa Sayda jallaab akbaarra mistinkiraatu nashsharat ka igil liráw matsáw.
9 Yassoq igilla darasaahu jalbat addalu belayom igil litgasse itta la maxaabir igil iilifadtdtumu.
10 Hitu bizxaam sab ghaba saara wa bizxaam igil litamtumu shakto qalaw igil lishshaffaw.
11 La arwaax la shar laqalat diibom akilla raáwu ghadamu laábarko wa Wad Rabbi inta libulu qalaw.
12 Minnaata Yassoq igil iilaátamro ibbu linhirom qala.
Shayamot
13 Hitu xisaal qarga wa laxazziyom laaka igil litlawu
14 wa qasir kilót luúk shayyama wa matsáwu mislu igil ligbáw wa igil laádriso igil nadaóm.
15 Sildtat habayom arwaax shar igil liddaagano.
16 La qasir kilót luúk lashayyamaw Samqaan (Budtrus lasamayu),
17 Yaqghub wad Zibedi wa Yuxanna xuhu,
(Bonarjis lasamayom bahalat wilaad barigh),
18 Andraawas,
Filibos,
Bardtalamus,
wa Matta,
wa Tomaas wa Yaqghub wad Xalfi,
wa Sidas,
Samqaan la baqalla qillat
19 wa Yahuza Askaryudt la xare dtalmayu qalaw.
Belzebul
20 Yassoq bet dol qaghabala ib digmaan addaam bizxaam jamaqaw ittu.
Marra bizxaam ka Yassoq wa darasaahu igil liblaqo ma iighadraw.
21 Qaddu ibbilli dol samqaw igil litsbothu fagraw jallaab taqayana maslayom.
22 Wa maémratta shariqat min Orshiliim karraw,
“Belzabu lalibulu Shedtaan tsaabdtu halla,”
belaw.
Wa,
“Ibba raíssa arwaax la shar arwaax shar liddaagan,”
belaw.
23 Laakayom wa ib amsaal tahaagayom,
“Shedtaan,
kaáfo Shedtaan liddaagan?
24 Mamlakat min latitkaafal,
igil tismad iitghaddir.
25 Wa bet kuflit,
igil tismad iitghaddir.
26 Shedtaan nafsu min laxaarib wa litkaafal igil lismad iighaddir wa lahallik.
27 Bet inaas fadaab lalaátiya alabu iitizammat minnaata xahgo taásarar maalu litsarragh.”
28 Yassoq belayom,
“Ib amaan,
killu addaam zinubom igil titghaffar ghaddir la ma ib lissaan laákaro kufaar litghaffar ilom.
29 Laakiin aznabot ib lissaan it Rox Ghiddus iilitghaffar wa qighaabu daayim tu.”
30 Yassoq la sabab la illi bela ibbu jallaab “Rox najjis halla ittu,”
belaw tu.
Qad Yassoq
31-32 Xarteni immu wa xawu matsáw wa ibba sababba fadtam igil lítaw iighadraw ka laákaw ittu igil litlaakawu.
Orotom belayu,
“Imka wa xawka matsáam hallaw wa laxazzuka hallaw.”
33 Balsa ittom,
“Mintom imye wa xawye?”