Daqa Yassoq
17
Yassoq xagho illi killu bela,
asik sama qangharara wa bela,
“Ab yaha,
la waghit akla.
Walka xabbin xaban igil lifdekka igil lighdar
2 jalliib inta sildtat habkaahu it killu la bashar igil ayi nafar la habkaahu tu,
xayot diima lahab.
3 Wa illa la gabey la xayot diima rakbo ibba ta wa hita aamarotka Rabbi la amaan wa la oro wa aamarot Yassoq Al Masex la asik midir laákkaahu ta.
4 Insar ittilli midir,
xabbankoka ibba atmamotta waraat la ibba kallafkanni.
5 Yibba,
asikka xaban la iddinya inde iititansas goka qala iyye derenni.
6 Igilla minna iddinya habkanni tom kashafkoka.
Wa hitom naayka qalaw wa zaqatka xafzaw.
7 Wa aze,
hitom killu la ilu biye wahabat minka kim tu aamaro
8 jalla ana la liíkat la ila habkanni abtsaxakowom wa tkabbatawa wa minka kim matsáko aamaraw wa inta kim laákkanni amnaw.
9 Daqye iglom tu,
igilla iddinya iiko,
igilla la ilom habkanni indiíko jalliib hitom naayka tom.
10 Killom la ilom biye naayka tom wa killom la ilom bika naayye tom.
Wa hitom xaban lahaybuni.
11 Ka Yibba,
ana aze la iddinya itarrik halleko,
wa hitom diibba iddinya tarfo hallaw laakiin ana asikka imatstsí halleko.
Ab ghiddus,
inta simetka habkanni,
ka aze ibba ghidratta simetka xifazzom igil xatte ligbó kimma intilena.
12 Insar mislom inde halleko ibba ghidratta simet la ila habkanni xafazkowom.
Qaghabkowom ka oro yaqarba minnom imballa la asik damaar haagit la Kitub igil litxaghagh.
13 Aze ana asikka qaghbil halleko.
Illa gaaraat assiíllom halleko diibba iddinya inde halleko ib lawaghye igil litmalló.
14 Zaqatka habkowom wa la iddinya taábbiyom sabab naayya iddinya iigabáw kimma ana naayya iddinya iigabákowa.
15 Ana minna iddinya igil twarkiyom idtallib minka yahalleko laakiin minna shariir angiffom.
16 Hitom naay illa iddinya iiko kimma intileye.
17 Ibba amaan ghaddissom,
ibba zaqatta amaanka.
18 Kimma inta asikka iddinya laákkannita,
asikka iddinya ilíkkom halleko.
19 Wa nafishshe kim karaamat ghiddisit isabbil ilom ibba amaanka igil litghaddaso.
20 Igil illom darasa ledta iddeqe yahalleko laakiin igilla ma xare laámno ibbiye ibba gabeyya liíkatom.
21 Killom xatte igil ligbó iddeqe Yibba,
kimma inta diibye hallekaaha wa ana diibka,
hitom ma diibna igil ligbó,
la iddinya kim laákkanni igil tiíman.
22 La xaban la ilu habkanni habkuwom,
xatte igil ligbó kimma intilena,
23 ana diibom halleko wa inta diibye,
wixidatom igil titmam,
la iddinya kim inta laákkanni igil taámir wa kim fatekaahom kimma iyye fatekaaha.
24 Yibba,
la ilom habkanni itta hallekowa igil lahallu xazziyom halleko igil killu la xaban la ilu habkanni igil liráw sabab ghadam matkallaagh iddinya fatekanni.
25 Ab saalex,
la iddinya iitaámrakka laakiin ana di amrakka wa illom darasa kim inta laákkanni laámro.
26 Ibbika ataámarkowom wa kimsalehu igil attalale tu wa ibbilli fittika igilye diibom igil tigbá wa ana diibom igil igbá.”