Sabiit diib qinabat amaan
15
“Ana qinabatta amaan ana wa Abuye baqalla qinabat tu.
2 Kil ghishin diiba la iilaáfarre,
gharriccu wa kil ghishin la la áfarre,
kanninnu,
ziyaadat fire igil laáfre.
3 Ibba sababba la ibba tahaagekokum kannankum wa ladtxakum.
4 Ka intim diibye sibato wa ana diibkum.
Kimsalla ghishin igil laáfre iighaddir diibba qinabat min iisabbit,
ka intim ma diibye min iitsabto,
iitaáfarru.
5 Ana la qinabat ana wa intim la qaghshun.
Diibye la sabbit wa ana diibu hitu tu la fire bizox laáfarre,
ka intim imbaleye xatte igil tidaw iitghadro.
6 Diibye la iisabbit,
gats kadan litwaggar kimma ghishin la yibus.
Wa la qaghshun la kiínna titkamkam wa diib isaat titlakkaf wa xashamo tgabbí.
7 Minnaata diibye min sabto wa zaqachche diibkum min sabbit,
la xazekumu dtilabo wa lithayabakkum.
8 Waan fire waajid taáfarru,
Abuye litxabban wa ib amaan darasaaye tgabbó.
9 Kimsalla Ab fattenni ta,
ana ma fatekokum.
Ka diib fittiye sibato.
10 Ibba wasiyaachche min taqamlo,
diib fittiye sabto kimma ana ib wasiyaat Abuye qamalkowa wa diib fittihu sabatkowa.
11 Illa faraxachche igil tahalle diibkum wa farxatkum igil titmam ibella.
12 Wasiyachche igilkum illa ta:
Xad xidkum fitaw kimma ana fatekokum ta.
13 Min sabalot arwex igil galaggil wa ken fitti yahallet.
14 Wa intim galaggilye intim ibba iwassekkum ibbu min taqamlo.
15 Girra illa,
agbir yiísammekum sabab la gabir la mambaahu ibba waddiyu iilaxabbirru.
Laakiin ana galaggil samekokum jalla killu la min Abuye samqakowu kashafko ikkum.
16 La xarekuni intim iiko,
ana indiíko.
Ana tu la xarekokum wa fire igil taáfru wa firekum igil lidaayim baggaskokum.
Illa min waddu,
la Ab killu la ib simechche dtallubu igil la habakkum tu.
17 Ka ibbilla iwassekkum,
xad xid fitaw.”
Iddinya Yassoq wa darasaahu taábbe
18 “La iddinya min gharraxakum,
ghadamekum kim iyye gharxat aamro.
19 Min illa iddinya mindi tgabbó,
la iddinya sabá wafatet.
Laakiin intim min illa iddinya yiíntim.
Ana minna iddinya igil tifgaro xarekokum.
Ajil illi,
la iddinya taábekkum.
20 La zaqat la ibelakkumta fighoda:
Gabir min mambaahu iilitfaddal.
Ka la sabba iddinya iyye min laátkalaabto,
intim ma,
igil laátkalaabtukum tu.
Wa ib zaqachche min laqamlo,
ib zaqatkum igil liqimalo tu.
21 Illi killu ib sababye waddiwu itkum jallaab la laákenni ghaawyaam gaó.
22 Inde matsáko min yiíthaagayom,
muznibiin waíigaáw.
Aze laata,
igil zanbom mismisa alabom.
23 La laábbenni bardu Abuye laábbe.
24 Diib migbom wadaddiit la imbaleye orot iiwadaya min yiíwadde,
muznibiin waíigaáw.
Minnaata abawni wa Abuye abaw wa la wadaddiit inde lirú.
25 Illi igilla zaqat la diibba shariiqattom,
‘Imbal sabab,
abawni,’
igil titmam gabá.