Yassoq la gabey wa la xagh wa la xayot tu
14
“Albaabkum iitishawshiro.
Ib Rabbi imano wa ibbiye ma imano.
2 Diib bet Abuye,
masaakib waajdat hallet.
Kilaafu min gabbí,
‘Inde gisko akaan igil addaale,’
waíbelakkum?
3 Kim gisko wa la akaan addaaleko ikkum,
qaghablakkum wa inassaákkum diibba hallekowa igil tigbáw.
4 Intim la migyaashshe wa la gabey taámro.”
5 Ka Tuma belayu,
“ Mamba,
xina inta asik aya kim gayis halleka iinaámmir ka kafo la gabey naámmir?”
6 Ka Yassoq balsa ittu,
“Ana la gabey wa la xagh wa la xayot ana.
Imbal ibbiye,
asikka Ab lamatstsí alabu.
7 Iyye mindi taámro,
Abuye ma taámmuru.
Ka min aze,
aamarkumu wa reékumu.”
8 Ka Fiilibos belayu,
“Mamba,
la Ab arénna wa kaffenna.”
9 Ka Yassoq balsa ittu,
“Xagho illi waghit sanni la wadekowu gokum yaámarkanni Fiilibos?
Iyye la raá,
la Ab raá.
Ka kafo,
‘La Ab arénna,’
tibil?
10 Ana diibba Ab kim ana wa la Ab diibye kim tu iitaámin?
La higya la ibilla min noshshe yiíbilla,
la Ab la wuhud diibye wa illa wadaddiitu la iwadde indiíko.
11 Imanuni ana kim diibba Ab ana wa la Ab diibye kim tu.
Ib xudu ibba sababba wadaddiit la iwaddiya imanuni.
12 Ib amaan amaan iblakkum halleko,
la laámmin ibbiye la wadaddiit la ana iwaddiya wadde wa minna la taxayis wadde jalla ana asikka Ab igayis halleko.
13 La gabá gaar la ib simechche dtallubu,
asaffiyu ikkum la Ab diibba Wal igil litxashsham.
14 Ib simechche gaar min dtalbo,
asaffiyu ikkum.”
Waqad ib Rox Ghiddus
15 “Fattuni min gabbó,
ibba wasiyaachche qimalo.
16-17 Wa minna Ab Martiqiyaay biqid igil lahabakkum igil idtlab tu wa hitu Rox la xagh la diima gabbí gokum tu.
La iddinya igil tighballu iitghaddir jalliib iireétu wa iitaámmirru.
Intim laata taámmuru sabab diib migibkum halla wa ghabatkum igil lahalle tu.
18 Ana yatayim inintim yaxadgakkum minnaata igil qaghbilakkum tu.
19 Xagho ghirubaat,
la iddinya igil tirénni iiko.
Intim laata igil tiráwni tu.
Wa jalla ana xiyaay ana,
intim ma,
xiyaayaam igil tigbó tu.
20 La waan lahay,
ana diib Abuye kim ana wa intim diibye wa ana diibkum tifhimo.
21 Wasiyaachche la bigoru wa ibba la laqammil fattenni.
Wa la fattenni,
Abuye fattiyu wa ana ifattiyu wa rixye qallin ilu.”
22 Ka Yahuza,
la Iskaryudti inde iigeé,
saálayu,
“Mamba,
rixika,
igil mi igilna taqallinna wa igilla iddinya iitaqallinna?”
23 Ka Yassoq balsa ittu,
“La fattenni,
ib zaqachche laqammil.
Wa Abuye fattiyu wa asku inmatstsí wa baaku maskab inwadde.
24 Wa la iifattenni,
ib zaqachche iilaqammil.
Wa illa zaqat latsammiqiwa hallekum min noshshe iiko,
minna Ab la laákenni indiíko.
25 Illa gaaraat,
baakkum inde halleko assiílakkumta halleko.
26 La Rox Ghiddus,
la Martiqiyaay la Abuye ib simechche la lilíkku laata,
kil gaaraat laqalmakkum wa killu la ibelakkum tu laqfaghdakkum.”
Salaam Yassoq
27 “Wahabat salaam xaddig gokum halleko.
Wa la salaam la ana hayibba,
la iddinya igil tahabba iitghaddir.
Sababu iitishshawsharo wa iitifraho.
28 Iititrassaqo kim igil ariim tu minnaata ib xadiis igil qaghbilakkum tu kim ibelakkum.
Naay amaan min fattuni ibba magayishshe asikka Ab la minye litwaghghal igil tifraxo tu.
29 Illa gaaraat inde iijjarre assiílakkum ta halleko dolat jarre igil tiímano.
30 Girra illa,
bizox igil ithaagekkum iiko jalla xekmaay illa iddinya shiíg halla.
Wa ichche sildtat alabu
31 laakiin la Ab la dtalbayu minye iwadde la iddinya ana la Ab kim ifatte igil taámir.”
Wa xare,
“Hayya min illa nigiis,”
belayom.