Baliis qidtir it Yassoq
12
Ghadam Qiid Al Fisx ib sis miqil,
Yassoq asik Betqanya balad Liqaazar la min mot qaghnatsayu matsá.
2 Wa waliimat diraar gabát ilu.
Wa Liqaazar orola misil Yassoq liddararo qalaw qala wa Marsa kadimmom qalet.
3 Wa Maryam ghirorat qidtir naardiin saafi wa ghaali nasát wa qaaghaab Yassoq shaamatat ibbu wa xare ib cigara maasasattom.
Ka hananna ghidiit la bet killa qamma.
4 Ka orola darasaahu wa hitu Yahuza la Iskaryudti la xaariit Yassoq kayyana qala bela,
5 “Illi qidtir,
igil mi ib salas miít diinaara iizzabba wa qawlu itta diburaam iitkaafala?”
6 Hitu illi la diburaam inde raxama iibelayu,
minnaata serghaay qala.
Wa hitu tsebdtaayya sandugh qala wa minna litkarre diibu,
sarrigh nabra.
7 Ka Yassoq balsa ittu,
“Izam minna.
Hita illi qidtir igil amqil matghabbaarye ikkibitu qalat.
8 Jalla la diburaam kil waghit gokum hallaw.
Ana laatu kil waghit gokum igil halle iiko.”
9 Wa bizxaam minna Yahud Yassoq diib Betqanya kim halla samqaw.
Ka igil liráwu matsáw wa bardu Liqaazar la min mot qaghnatsayu igil liráw.
10 Ka qabayila kahana Liqaazar ma igil lightolu nawaw
11 ajil ib sababu bizxaam minna Yahud hajrawom wa ib Yassoq amnaw.
Matsí Yassoq asik Orshaliim
12 Wa xaarita,
kabar matsí Yassoq shanakat Orshaliim diibba madiinat nashshara.
Ka maxaabir waasqat minna mazeyratta Qiid Al Fisx
13 qaghshun qarkawakkib nasáw wa asikka gabey fagraw igil litkabbotu.
Inde lahoru wa liblo,
“Xamde igil Rabbi!
La ib simet Rabbi matstsí litbaarak!
Hitu tu malik Israíil!”
14 Wa Yassoq hilkiib rakba ka tsaqana ittu kimma la Kitub libilla,
15 “Shaqab Orshaliimb yahaw,
iitifajjaqo,
malikkum it hilkiib tsiqun inintu
matstsí halla.”
16 Ib salif darasa Yassoq illi kim atmamot nubuwat tu iifahamaw.
Laakiin xare,
xagho Yassoq tmajjada,
la Kitub la belaya ittu faghdaw wa illa jallaahu wadawa.
17 Wa la maxaabir la waan Liqaazar minna ghabir adha wa min mot qaghnatsayu qalaw baaku,
ibba raáwu lishhido ilu qalaw.
18 Sababu maxaabir igil kabtehu fagrat jalla ibba muqjizat la wadaya samqaw.
19 Ka la Farisiyiin igil xid belaw,
“La inbassirru alabna!
Ginxo ikkum,
killa la iddinya asaru gabát!”
Yassoq ib motu litnabba
20 Fingela la asik Orshaliim qaghlolaw waanna qiid igil liqibado gale Yunaaniyiin qalaw.
21 Wa asik Fiilibos la min Betsayda la diib mandtighat Al Jaliil matsáw wa belawu,
“Mamba,
maríit Yassoq naxazze hallena.”
22 Ka Fiilibos gesa wa Andaraawus assaála wa misil asik Yassoq gesaw wa assaálawu.
23 Yassoq belayom,
“Waghit la Wadda Aadami litmajjid ittu ghirub halla.
24 Ib amaan amaan iblakkum halleko xabbat shirnaay xatte tnabbir it arid min iitwaddigh wa iitaharí.
Harát min gabbí,
xibub bizox tahayib.
25 Xayotu ledta la lawqil,
kassira wa diib illa iddinya la lahammilla,
igil xayot diima laákkibba.
26 Igil likdamanni la laxazze igil litlenni bu wa kedmaaye itta hallekowa lahalle wa la kadmanni killu Abuye laákarrimmu.
27 Aze nafishshe gihiyat hallet,
ka ‘Yibba,
illi waghit asriranni,’
inde ibil iddaqe?
Minnaata illi la hadaf la iglu matsáko tu.
28 Yibba yaha,
simka majjid!”
Ka kirin min qastar jaawabat,
“Badiir majjadkowa wa aze ma igil imajidda tu.”
29 Ka galela xaadraam qalaw la kirin waan samqaw belaw,
“Illi gimgam hadud tu.”
Wa biqidaam haye,
“Malaak tahaagayu,”
belaw.
30 Ka Yassoq balsa ittom,
“Illa kirin illa min ajilye iiko,
min ajilkum indiíko.
31 Waghitta xaakamotta iddinya akla waan shedtaan,
xekmaay illa iddinya,
mangof kadan litwaggar.
32 Wa dolat min illi arid itraffaq,
killu jahachche ijazzib.”
33 Illa tilalla motu igil laáré belaya.
34 Ka galela xaadraam qalaw belaw,
“La shariiqat la Masex diima xiyaay inintu kim nabbir xabbarattanna.
Ka kafo,
‘Wadda Aadami igil lissaghal bu,’
tibil?
La Wadda Aadami,
min tu?”
35 Ka Yassoq balsa ittom,
“La nur igil ghirubaat ledta igil laánur ikkum tu.
La bakit asik halla ikkum itta nur herro la tsilmat inde iitaábarrik itkum.
Diib tsilmat la laherir,
mikyaadu iifarrig.
36 Ka itta nur tankabo la waghit inde iigarrib wa ibbilla wilaad nur gabbó.”
Yassoq xagho illa bela,
taxayaba wa gatstsom walladta.
Yaámiinna addaam
37 Misil killa la muqjizaat la Yassoq it migbom wadaya,
yaámnaw ibbu.
38 Illi nubuwat Ishqayá igil titxaghagh jara:
“Molaay,
liíkatna min amna ibba?
Wa ide Rabbi la fadaabiit,
it min xawatsat?”
39 Laakiin la addaam igil liímano iighadraw sababu Ishqayá bela ma:
40 “Rabbi qintaatom xajjaba
wa albaabom atsnaqa
igil ib qintaatom iiliráw
wa ib albaabom iilifhamo
wa itchche iilitobu igil ishfayom.”
41 Ishqayá waan illa bela Yassoq ghassid qala jalla la mistaghbal raá wa ibba jahla Masex tahaaga.
42 Laakiin bizxaam amnaw ibbu wa minnom gale minna merxatta Yahud ma.
Minnaata iilaámaw igilla Farisiyiin minna maqaabid iiliddaagonom
43 jalliib xamde addaam fataw milaqal xamde Rabbi.
44 Ka Yassoq ib kirin wighghil belayom,
“Ibbiye la laámin,
ibbiye wa bas iilaámin laakiin ibba laákenni ma.
45 La reénni,
la laákenni liré.
46 Igilla iddinya igil anur matsáko la laámmin ibbiye diib tsilmat igil iitarrif.
47 Zaqachche inde samqa it maqaal iilaqawiqilla,
ana yaxaakimmu jalliib igil iddinya xaakim iimatsáko,
igil inajjiya indiíko.
48 Ka iyye wa la zaqachche la litgaaraf,
yomma xikim la taxaakimmu la zaqat la illa tahaageko ta.
49 Ana ib sildtat noshshe iithaageko,
minnaata la Ab la laákenni la wassenni ibba ibil.
50 Ana,
wasiyatu xayot diima kim ta ammir ka la zaqat la ila ibil,
kimma Rabbi belenni ta ibilla.”